Senbi, 28 Naurız 2020
Äleumet 5511 9 pikir 4 Säuir, 2017 sağat 01:04

Qandastarımız «oralman» märtebesin şetelde twrıp ta ala aladı

Qazaqstan Respublikasınıñ

Sırtqı ister ministri

Qayrat Äbdirahmanovtıñ nazarına

Qazir qoldanıstağı «Halıqtıñ köşi-qonı turalı» Qazaqstan Respublikasınıñ 2011 jılğı 22 şildedegi №477-IV Zañına say, Elimiz şekara aumağınan tıs jerde jasap jatqan qandastarımız (etnikalıq qazaqtar) jeke basın kuälandıratın qwjattardağı jazba negizinde, mwnday jazba bolmağan kezde öziniñ wltın rastaytın basqa da qwjattar negizinde QAZAQ ekenin däleldese, sol özderi twrğan memlekettegi Qazaqstan Respublikasınıñ şeteldegi mekemelerinen «Oralman» märtebesin (kuäligin) ala aladı jäne oralmandardı qabıldaudıñ öñirlik kvotasına ene aladı. Tipti Qazaqstan Respublikasında twraqtı twruğa rwqsat aluğa ötinişteri men qwjattarın da tapsıra aladı.

Bwl turalı atalğan «Halıqtıñ köşi-qonı turalı» zañnıñ 20-babınıñ 1-tarmağında «Qazaqstan Respublikasınıñ şet elderdegi mekemeleri ümitkerlerdiñ oralman märtebesin beruge jäne (nemese) oralmandardı qabıldaudıñ öñirlik kvotasına engizuge, sonday-aq Qazaqstan Respublikasında twraqtı twruğa rwqsat aluğa ötinişteri men qwjattarın qabıldaydı jäne olardı tirkelgen küninen bastap on jwmıs küni işinde halıqtıñ köşi-qonı mäseleleri jönindegi uäkiletti organğa jiberedi» - dep körsetilgen.

Ökinişke oray, Zañnıñ bwl twsınan beyhabar bolğandıqtan, şeteldegi etnikalıq qazaqtar asa qajetti tiimdilikten qwr qalıp otır.

Atalğan «Halıqtıñ köşi-qonı turalı» zañnıñ 10-babında «Qazaqstan Respublikası Sırtqı ister ministrligi men Qazaqstan Respublikasınıñ şeteldegi mekemeleri: 2)Qazaqstan Respublikasınıñ halıqtıñ köşi-qonı salasındağı memlekettik sayasatı turalı aqparattıñ şetelde taratıluına järdemdesedi;», sonday-aq  «Qazaqstan Respublikasına öz erkimen qonıs audaruğa niet bildirgen etnikalıq qazaqtarğa kelu, onıñ işinde oralmandardı qabıldaudıñ öñirlik kvotaları şeñberinde Qazaqstan Respublikasınıñ Ükimeti ayqındağan öñirlerge kelu şarttarı, qabıldau şarttarı men äleumettik qoldau şaraları turalı aqparat beredi;» - dep aşıq jazılğan.

Eger, Atajwrtına bir jola köşuge niet bildirgen şeteldegi etnikalıq qazaqtar «Oralman» märtebesine özderi qonıstanğan Elderde twrıp qol jetkizse, atalğan zañnıñ 23-babında körsetilgen «oralmandar jäne olardıñ otbası müşeleri Qazaqstan Respublikasınıñ aumağına kelgen kezde Qazaqstan Respublikasınıñ halıqaralıq şarttarına jäne (nemese) keden zañnamasına säykes, kölik qwraldarın qosa alğanda, jeke paydalanuğa arnalğan mülkine kedendik tölemderdi töleuden bosatıladı.» - degen norma boyınşa, özderine tiesili avto köligi men zattarın alıp ötuge zor qolaylıq tur edi.

Odan qala berdi, şekara attağan soñ özi qonıstanğan  birden barıp auıldıq eldimekenderden şaruaşılıq qwru üşin Jer telimderin aluğa ötiniş bere aldı. «Oralman» märtebesiniñ uaqıtı bir jıl ğana ekenin eskersek, qandastarımız uaqıt pen igilikten teñ wtarı şındıq!

Sondıqtan, Qazaqstan respublikası eñbek jäne halıqtı äleumettik qorğau ministrligimen säykese otırıp, Qazaqstan Respublikası Sırtqı ister ministrligi öziniñ şeteldegi mekemelerine «Halıqtıñ köşi-qonı turalı» zañnıñ osı baptarın atqarudı, Elimizge köşip keluge ötiniş bildirgen qazaqtarğa aqparat beru jwmısın jedeldetip qolğa aluın swraymın. Sonday-aq, şeteldegi qandastarımızdıñ da «Halıqtıñ köşi-qonı turalı» zañnıñ bwl tiimdiliginen wtımdı paydalanuın eskertemin!

Auıt Mwqibek

03.04.2017

Astana

Abai.kz

 

 

 

 

 

 

9 pikir