Seysenbi, 10 Jeltoqsan 2019
Jañalıqtar 3293 0 pikir 3 Aqpan, 2015 sağat 13:20

BYUROKRATIYA: QAZAQSTANDIQ JÄNE BRITANDIQ KÖZQARAS

Biz üşin arhaizmge aynalıp bara jatqan bir sözdi britandıq sayasatker qayıra esimizge salıp otır. Baqsaq, «byurokratiya» terminin aytıp, jazudan alıp tastağanımızben, qazirgi qoldanıstağı «korrupciya», t.b atauları onı almastıra almaydı eken. Äsirese, elektrondı Ükimet jwmısı qauırt istep ketken kezeñde qoğamdağı qağazbastılıq pen qwjattıq enjarlıqtan osı arılğanımız – arılğanımız-aq şığar deskenbiz ğoy...

Olay emes eken. Qazaqstandağı Wlıbritaniya elşisi Kerolin Braun hanımnıñ añğaruınşa, bizdiñ eldiñ damığan otız eldiñ qatarına qosıluına kedergi keltiretin sebeptiñ biri... memlekettegi byurokratiya boluı bek mümkin. «Biz Qazaqstannıñ 2050 jıldarğa deyin älemdik otızdıqqa kiruin qızu qoldaymız. Biraq, bwl el ol maqsatqa memlekettik byurokratiyanı joyıp bolğasın ğana jetedi. Sonday-aq, Qazaqstandağı narıqtıñ aşıqtığı kümändi. Osı eki kemşilikti azaytu – eldi damığan memleketterdiñ jolına bastaydı... » depti elşi.

Bwl jerdegi sınnıñ sadağı eldegi biznestiñ damuına qatıstı bolsa kerek. Öytkeni, Twmandı Al'bionnıñ atqa minerleri Qazaqstandağı biznestiñ damuına dem berip, qol jetimdi narıq jağdayın qalıptastıruğa ıqpal etpekşi. Osı maqsatta «Wlıbritaniyalıq käsipkerlik palata» aşudı közdeydi. «Qazaqstan narığında jwmıs istep otırğan britandıq käsipkerler jetkilikti. Olardıñ müddesin qorğau ağılşın ükimetiniñ parızı. Britandıq käsipkerlik palatasınıñ jwmısı Qazaqstannıñ käsipkerlik palatasınıñ qızmeti siyaqtı jüzege asırıladı.» dep mälimdedi Wlıbritaniya elşisi Kerolin Braun.

 

Abay.kz

0 pikir