Särsenbi, 23 Qazan 2019
Jañalıqtar 3975 0 pikir 27 Aqpan, 2015 sağat 15:54

AKADEMIYALIQ «ABAY» ZALI AŞILDI

Bügin Wlı aqın, qazaq jazba ädebietiniñ negizin qalauşı Abay Qwnanbaevtıñ 170 jıldıq mereytoyına baylanıstı, Wlttıq akademiyalıq kitaphanada «Abay» akademiyalıq zalı aşıldı.

Şaranıñ betaşar sözinen soñ, F.Dostoevskiy atındağı Ombı memlekettik universiteti, Beyjiñ memlekettik şetel tilderi universiteti jäne Erzindjan qalasındağı (Türkiya) memlekettik universiteti janındağı Abay atındağı Qazaq tili jäne mädenieti ortalığı ğalımdarınıñ «Abay» akademiyalıq zalı aşılına arnayı jibergen qwttıqtauları oqıldı.

Abaydıñ orıs ädebietiniñ klassikterin (A.S.Puşkin, M.YU.Lermontov, I.A.Krılov, M.E.Saltıkov-Şedrin, V.G.Belinskiy) qazaq tilinde söyletkenin bükil älem biledi. Al Abay Qwnanbaevtıñ öz şığarmaları da francuz, ağılşın, nemis, polyak tärizdi älemniñ 116 tiline audarılğan.

«Abay» zalınıñ qorında 500-dey basılım bar. Sol qatardan Qazaqstan Kompartiyası OK Hatşısı Mwhamedjan Äbdiqalıqovtıñ jeke kitaphanasındağı sirek kezdesetin, asa bağalı kitaptar da orın aldı. Olar: «Qwnanbaev.A (Ibrahim) Şığarmalarınıñ tolıq jinağı» (1948 j., QazBMB), «Lirika i poemı» (1940 j., «Hudojestvennaya literatura»), «Abay» M.Auezova (1948 j., KazOGIZ), t.b. Bwl biregey jazbalardı marqwmnıñ nemeresi, zañ ğılımdarınıñ kandidatı E.U.Ihsanov jetkizip berdi.

Zalda Abaydıñ ömiri men şığarmaşılığı turalı ädebietter men aqınnıñ jeke şığarmaları ayrıqşa orın aldı. Sonımen birge, Qazaqstan ğalımdarınıñ jazğan dissertaciyalarınıñ baspa jäne elektrondı nwsqalarına, qazaqstandıq jäne reseylik ğalımdar dissertaciyalarınıñ avtoreferattarına, sonday-aq anıqtamalıq-bibliografiyalıq basılımdar qorına aşıq qol jetkizu jağı qarastırılğan. Bwnday dünieler aldağı uaqıtta da «Abay» zalınıñ qorına, oqırmandar swranısına say, belsendi türde tolıqtırılatın boladı.

Bwdan bölek, Wlttıq akademiyalıq kitaphanada Abay portalın aşu josparlanuda.

Zaldıñ bastı mindeti – qoljetimdilik, operativtilik, jıldam äri jaylılıq qağidattarına qaray dästürli jäne zamanaui jelilik tehnologiyalar negizinde türli zertteu taqırıptarı boyınşa ğalımdardı ğılımi aqparattarımen tolıq äri jıldam qamtamasız etu.

Eger bwğan deyin ğalımdar, doktoranttar ädebietterdi özderi izdestirip, kitaphananıñ kez kelgen zalında zertteu jwmıstarımen şwğıldanıp kelgen bolsa, bwdan bılay bwl jwmıstı akademiyalıq zal öz mindetine aladı degen oydamız.

Saltanattı şarağa S.Demirel jäne D.Qonaev atındağı universitetterdiñ professorı Sovethan Ğabbasov aqsaqal, WĞA akademigi Ğarifolla Esim; tehnika ğılımdarınıñ doktorı, professor Mwhtasif Bektenov (Resey), filologiya ğılımdarınıñ doktorı, professor, abaytanuşı Külpäş Beybitova, filologiya ğılımdarınıñ doktorı, professor, abaytanuşı Qwralay Urazaeva, sonday-aq Astanadağı joğarı oqu orındarınıñ oqıtuşı-professorlar qwramı, studentter jäne ğılımi qauımdastıq ökilderi qatıstı.

Akademiyalıq «Abay» zalın aşu – Wlttıq akademiyalıq kitaphana direktorı Ümithan Mwñalbaevanıñ ideyası arqılı iske asqanın ayta ketkeniz jön!

 

A.MWQIBEK

Astana.

 

Abai.kz

0 pikir