Qazaq elining qazirgi biyligi toqsanynshy jyldardyng ortasynda egemen elimizding ekinshi premier-ministri qyzmetin atqarghan Ákejan QAJYGELDINdi elge qaytaru mәselesin oilastyra bastaghangha úqsaydy. Búl turaly býgin týs aua «Núr Otan» partiyasyndaghy aqparat kózine silteme jasap, QazTAG habarlady.

«Negizi, Ákejan MAGhJANúlynyng óz otanyna qaytatyn uaqyty boldy. Áriyne, búl mәselede birqatar zandyq kedergiler bar, ol kedergiler, әlbette, kezinde Rahat ÁLIYEVtin «әjeptәuir әrekettengeninin» arqasynda Qajygeldinning syrttay sotty boluyna baylanysty. Al qazir jaghday ózgerdi, sondyqtan da, mening oiymsha, kezinde shet el asyp ketken, biraq әli de bolsa óz eline oidaghyday qyzmet atqara alatyn azamattarymyzdy elimizge qaytaratyn uaqyt kelgen siyaqty» dedi «Núr Otandaghy» aqparat kózi atalmysh agenttik tilshisimen bolghan әngimesinde.

Al, endi Qajygeldinning jeke ózine keletin bolsaq, ol kisi el biyligimen ózara dialogke dayyn kórinedi. Sóitse de, ol ózine taghylghan aiyptardyng tolyqtay alynyp tastaluy el aumaghynda jeke bas qauipsizdigine kepil bola almaytynyn da joqqa shygharmaydy. Osy túrghydan alyp qaraghanda, ol birqatar halyqaralyq úiymdardyng qoldauyna da arqa sýieui әbden mýmkin. Múny mәselening bir jaghy desek, ekinshi jaghy – Qajygeldindi de týsinuge bolady: ol tughan elinen jyraqta jýrip әkesinen aiyryldy. Ákesimen qoshtasyp, qabirine topyraq sala almady. Búdan basqa, ózegindegi ókinishterining taghy biri — kóptegen dostary men qyzmettesterin de joghaltty.

Elimizding qazirgi biyliginde de, sonymen birge qarapayym kópshilik arasynda da әli kýnge deyin Qajygeldin kózqarasyn qoldaytyndar az emes. Negizi, onyng elge qaytuyna rúqsat berilu mәselesinde osynday da osynday jaghdayattar taza adamy túrghydan da týsinistik tughyzady. Múny osy mәselede songhy sheshim qabyldaytyndar da týsinetin tәrizdi.

Marat MADALIMOV.

Abai.kz