Särsenbi, 13 Qaraşa 2019
2747 0 pikir 27 Jeltoqsan, 2016 sağat 12:09

OQO-DA AUDANDARDI DAMITUDIÑ JAÑA KONCEPCIYASI JASALDI

Oñtüstik Qazaqstan oblısınıñ äkimi Janseyit Tüymebaevtıñ tikeley bastamasımen ärbir audandı jekeley damıtudıñ jaña koncepciyası dayındalıp jatır. Bwl turalı «Abay aqparat» OQO äkiminiñ baspasöz qızmetine silteme jasay otırıp habarlaydı.

Barlıq salanı qamtitın jobanı oblıstıq äkimdikte alğaş bolıp Tölebi audanınıñ äkimi B.Parmanov tanıstırdı. Audannıñ 2017 jılğa arnalğan äleumettik-ekonomikalıq damu koncepciyasında barlıq sala negizinen 3 bağıtqa biriktirilip, damıtılmaq. Oblıs äkiminiñ orınbasarları men tiisti basqarmalardıñ qatısuımen jasalğan auqımdı qwjat audan halqınıñ äleumettik, twrmıstıq, qauipsizdik, bilim beru, densaulıq saqtau, säulet, kommunaldıq, käsipkerlik sındı özge de şaruaşılıq salalarında kezdesetin özekti mäselelerdiñ tolıq şeşimin tabuğa bağıttalğan.

Bügingi ötken jiında aymaq basşısı audannıñ äleumettik-ekonomikalıq potencialdarın tolıq iske asırıp, halıqtıñ äl auqatın arttıru negizinde jasalğan damu twjırımdaması auıl şaruaşılığı, käsipkerlik jäne önerkäsip pen turizm salası sındı 3 bağıt boyınşa iske asırılatının atap ötti. «Oñtüstik öñiri agrarlı aymaq bolğan soñ koncepciyanıñ mañızdı jäne ülken bağıtınıñ biri auıl şaruaşılığı salasın damıtu bolıp tabıladı. Bwl bağıtta su şaruaşılığın, ösimdik şaruaşılığın, mal şaruaşılığın, üy şaruaşılığın jäne servistik qızmet körsetu qolğa alınadı»,-dedi äkim.


Auıl şaruaşılıqtıñ damuına negizgi serpilis beretin faktordıñ biri jerlerdi zamanaui ünemdeu jäne jaña tehnologiyanı qoldanu arqılı sulandıru. Öz kezinde bwl qarqındı tehnologiyalardı paydalana otırıp bau, jemis-jidek, kökönis önimderin öndiruge, önimdiligi joğarı mal azıqtıq daqıldarın dayındauğa, eldi mekenderdi ağın sumen tolıq qamtuğa mümkindik beredi. Mäselen, audandağı suarmalı jerdi tolıq sumen qamtu üşin üş kezeñde jwmıs jürgiziledi. Birinşi 9 kanaldı su qwbırına auıstırıp jerlerdi tamşılatıp suğaru jüyesine köşiru. Ekinşi kezeñde 23 kanalğa lotok salu nemese betonmen qaptau jwmıstarı jürgizilse, üşinşiden su deñgeyinen biik ornalasqan jerlerdi su sorğıştar arqılı sulandıru. Nätijesinde suarmalı jer kölemi 16000 gektarğa jetse, jemis-jidek 2200 gektardan 10 mıñ ga deyin wlğayadı. Al önim kölemi 12 mıñ tonnadan 60 mıñ tonnağa ösedi dep kütilude.

Al ösimdik şaruaşılığın damıtu maqsatında audanda 158,5 gektarğa jaña bau egilse, onıñ 108 ga qarqındı bau bolmaq. Sonımen qatar, mal şaruaşılığın damıtu bağıtında mal bordaqılau jäne et önimderin qayta öñdeu, süt fermaların damıtu jäne süt önimderin qayta öñdeu men qımız öndiru klasterin qwru jwmıstarı jürgiziledi. Mal bordaqılau bağıtında keler jılı joba qwnı 125 mln. teñge bolatın 3 agroqwrılım yağni, 670 bastıq mal bordaqılau alañı iske qosıladı. Süt fermaların damıtu jäne süt önimderin qayta öñdeu boyınşa 36 mln. teñgege 135 bastı süt ferması al, täuligine 2 tonna süt önimderin qayta öñdeytin ceh iske qosu josparlanuda. Keler jılı sauındı bie basın köbeytip, öndiriletin önim kölemin 2610 tonnağa deyin jetkizu maqsatında 75 azamat 454 mln. teñge köleminde nesie aluğa niet bildirgen. Twjırımdamanıñ ekinşi bağıtı käsipkerlik jäne önerkäsip salaların damıtu maqsatında 2017 jılı 104 joba iske asırıladı. Industrialdı - innovaciyalıq damu bağdarlaması şeñberinde keler jılı joba qwnı 1 mlrd. 100 mln. teñgeden asatın 3 jobanı engizu josparlanıp otır.

Oñtüstiktiñ turistik industriyasın damıtu üşin koncepciyanıñ üşinşi bağıtında audanda turistik demalıs aymaqtarın damıtu közdelgen. Bwl bağıtta audanda eko turizm, ziyarat etu, sauıqtıru, joğarı servistik qızmet pen köpşilikke arnalğan demalıs orındar salınbaq. Atap aytqanda, zamanui «Qasqasu» tau-şañğı kurortı, «Tau samalı» demalıs aymağı men tau şañğı bazası jäne saumalmen emdeu ortalıqtarınıñ qwrılısı jürgiziledi. Tau şañğı sportı öñirdegi otandıq turizm industriyasında bäsekege qabiletti jäne qızmet sapasın jaqsartuğa, yağni öñirdiñ qarqındı damuına impul's beredi, jaña jwmıs orındar aşıladı, äleumettik infraqwrılımdı damıtumen birge Oñtüstik Qazaqstan oblısınıñ investiciyalıq tartımdılığın arttıruğa ülesin tigizedi. Jıl boyı turistik qızmet körsetetin halıqaralıq deñgeydegi tau şañğı kurortı aumağında qonaq üyler, meyramhanalar, arqan jolı, basseyn jäne t.b. nısandar salu josparlanğan. Al «Tau samalı» demalıs aymağında salınıp jatqan etnoauıldarda salt dästurge säykes kiiz üyler bezendirilip, wlttıq qolöner bwyımdar jasalınıp, wlttıq tağamdar dayındaladı. Bwl bağıtta twrğındardı wyımdastırıp, nesieler alu joldarı qarastırıluda. Audanda eñ aldımen turisttik servistik qızmetterdi jaqsartu qajet. Osı jwmıstar nätijesinde turistik demalıs aymaqtar sanın 48 -den 60- qa köbeytip, keluşi turister sanı 26 mıñnan 55 mıñ adamğa ösiru josparlanuda. Sonday-aq, koncepciyada audannıñ infraqwrılımın damıtu men abattandıruına basa köñil bölingen. Oblıs äkimdiginde ötken keñeytilgen mäjilistiñ kün tärtibinde Jaña jıl merekesi qarsañında qoğamdıq qauipsizdikti saqtau jayı men qısqı jılıtu mausımınıñ ötu barısı qaraldı.

Abai.kz

0 pikir