Beysenbi, 12 Jeltoqsan 2019
Jañalıqtar 2768 0 pikir 30 Şilde, 2016 sağat 15:53

OQO-NIÑ JERGİLİKTİ POLICIYA QIZMETİ ALĞAŞQI JARTI JILDIQTI QORITINDILADI (FOTO)

Bügin oblıs äkimdiginde öñir basşısı B.Atamqwlov OQO Jergilikti policiya qızmetiniñ bastığı B.Abılaevtıñ birinşi jartı jıldıqta atqarılğan jwmıstar jöninde esebin tıñdadı.Bwl turalı «QazAqparat» portalı habarlaydı.

Esepti kezdesude policiya qızmetiniñ basşısı 6 ayda qwqıq qorğauşılarmen 18 ret keñ kölemdi jedel aldın alu şaraları wyımdastırılıp, oblıstağı jağday birşama twraqtalğanın jetkizdi. Atap aytqanda, öñirdegi asa auır qılmıstar men bwzaqılıq faktileri 13,5 payızğa kemise, jol-kölik oqiğalarınıñ jalpı sanı azayğan.

«Jergilikti policiya qızmetiniñ qılmısqa qarsı küres, qwqıq bwzuşılıqtıñ aldın alu boyınşa atqarğan jwmıstarınıñ pärmendiligi ötken jılğı säykes merzimmen salıstırğanda arta tüsti. Uçaskelik policiya inpektorlarınıñ eñ negizgi jwmıstarı ol, qwqıqbwzuşılıqtardıñ aldın alu jäne olardı der kezinde aşu bolıp tabılsa, jıl basınan olardıñ jeke izdestiruimen aşılğan qılmıstar sanı 1709-dan 1911-ge nemese 11,8 payızğa arttı», - dedi B.Abılaev.

Elbasınıñ bes institucionaldı reformasın iske asıruğa arnalğan «100 naqtı qadam» - Wlt josparı ayasında qwrılğan qwrılımnıñ jwmısımen tanısqan oblıs äkimi saladağı qoğamdıq tärtipke baylanıstı jwmıstarğa sın, eskertpeler aytıp, wsaq qwqıqbwzuşılıq pen nöldik tözimdilikti baqılauda wstaudı tapsırdı. Sonday-aq, jergilikti policiya qızmetiniñ audan, qaladağı bölimşeleriniñ jwmısına köñili tolmaytının jetkizip, birqatar eskertuler berdi.

Öz kezeginde, söz alğan oblıstıñ bas prokurorı I.Imanov zañdılıqtı qadağalau jwmıstarına qatıstı atalğan qwrılımnıñ birqatar kemşilikterin jetkizdi.

Abai.kz

0 pikir