Seysenbi, 12 Qaraşa 2019
46 - söz 3464 0 pikir 29 Jeltoqsan, 2015 sağat 11:03

BWRIMDI QIZ

Men äskerge keterde bwrımdı qızdıñ jılap qalğanı da ras. Aylı tünde kütemin degenine "KazGUgorodoktıñ" qayıñdarı kuä. Äskerde jürgende de sağınışqa tolı hattar toqtağan emes. Tabıl bizden altı aydan soñ armiyağa alındı. Sol altı ay boyı bwrımdı qızdıñ "tärtibin" qarap jürdi. Kerzi etik kiip qiyanda jürgen dosınıñ mahabbatın qorğağanı dep tüsiniñiz mwnı. Mına bir öleñ sol şaqta tuğan boluı kerek.

"...Taksi...Jataq...Sonan soñ keñ qwşağıñ,
Janarımdı şalmaydı endi sağım, 
Bir öziñdi keudeme qısıp twrıp, 
Mahabattıñ jağarmın mäñgi şamın.

Bauırında balqiın bal deneniñ, 
Ottay jaynap, qwlpırıp alma reñiñ.
Qwsa -mwñğa berilmey esil jürek, 
Qwşağımda twrarsıñ sonda meniñ.

Güldey jaynap, külimdep qas qabağıñ,
Quanudıñ tappassıñ basqa amalın,
Qoyınına batırıp ala keter,
Barqıt tüni bizderdi astananıñ.

Aynalmasın sezimiñ mwz kesekke,
Sonda öziñdi baqıttı qızğa esepte,
Abaylamay betiñdi jırıp alma,
Keudemdegi tizilgen "znaçokke"!

Äy, Täkem-ay! Öleñniñ astına "Arman Sqabılwlı Nwrqaliev. Arhangel'sk" dep qol qoyıptı. Al, bwrımdı qızdıñ odan ärgi tağdırı bölek äñgime.

Arman Sqabılwlı

Facebook-tegi paraqşasınan

0 pikir