Düysenbi, 18 Qaraşa 2019
Dep jatır 4438 0 pikir 26 Qaraşa, 2015 sağat 17:02

EFIRDİÑ 50 PAYIZI QAZAQ TİLİNDE BOLUI KEREK EDİ...

2016 jıldıñ qañtarında «Teleradio taratu turalı» Zañğa özgerister küşine enedi. Jaña zañ elimizde taratılatın şeteldik telearnalarda jarnama körsetuge tıyım saladı. Bwl özgerister osı uaqıtqa deyin şeteldik arnalarğa tölenetin jarnama aqısınıñ elde qaluına, otandıq televiziyanı damıtuğa jwmsauğa mümkindik beredi. Sonday-aq, zañğa engen özgerister eldiñ aqparattıq qauipsizdigin qamtamasız etuge qızmet etetin boladı.

Qazir zañğa engen özgeriter mamandar men qarapayım telekörermender arasında qızu talqılanuda. Nazarlarıñızğa birneşe otandıq telearna basşıları men tanımal sarapşılardıñ pikirlerin wsınamız.

«Jarnama quıp keldik...»

Seyitqazı Mataev, Qazaqstan Jurnalister odağınıñ törağası:

Atalğan özgeristerdi qoldaymın, ärine. Kabel'di operatorlar şığınğa wşıraydı degen äñgimeler aytıluda. Ekinşi mäsele, bwl sala osı uaqıtqa deyin zañmen rettelmey keldi. Sonıñ saldarınan şeteldik arnalardı retranslyaciya jasaytın operatorlar şeksiz jarnama quumen aynalıstı. Ol jarnamalardıñ köbi bizdiñ mentalitetke say kelmedi.

Endi operatorardıñ narazılığına kelsek. Olar şeteldik arnalardan jarnamanı qiıp alıp tastau mümkindigi joqtığın aytuları mümkin. Esteriñizde bolsa, efirdiñ 50 payızı memlekettik tilde bolu kerek degen talap qoyılğanda da narazılıq tanıtqandar boldı. Biraq, uaqıt öte kele barlığı sabasına tüsti. Şın mäninde jarnama da zañmen rettelui kerek. Sondıqtan men bwl bastamanı qoldaymın. Jaña özgerister qazaqstandıq telearnalarğa belgili-bir deñgeyde qoldau jasau bolıp tabıladı.

Jarnama endi ğalamtor narığına ketedi degen de pikirler aytılıp jür. Men mwnımen tolıq kelise qoymaymın. Birinşiden, Qazaqstanda halıq sanı sonday köp emes. Ekinşiden, belsendi ğalamtor paydalanuşılar tek Almatı, Astana, Qarağandı siyaqtı iri qalalarda ğana şoğırlanğan. Bıltır biz jürgizgen zertteuler qazaqstandıqtardıñ 90 payızı aqparattı telearnalardan alatının körsetti. Sondıqtan, jarnama beruşiler jaqın arada TV efirine jarnama beruden bas tarta qoymaydı.

«Kabel'dik arnalarğa eş qauip joq»

Quat Bahridinov, «Jetinşi arnanıñ» Bas direktorı:

Kabel'dik operatorlardıñ öz biznesterine qauip töndiredi degen şağımdarı negizsiz. Birinşiden, kabel'di operatorlardıñ negizgi kiris közi – abonentterdiñ tölemi boluı kerek. Bağanı qoldanuşılardıñ talğam-tañdauı, aymaqtardıñ äleumettik, demografiyalıq ahualı sındı faktorlar qalıptastıradı.

Ekinşiden, qosımşa kiris közi retinde qosımşa körsetiletin qızmet türleri, yağni, kabel'di TV-ğa qosu, qwrılğılardı jalğa beru, baptau sındı qızmetter boluı kerek. Operatorlar jarnamadan tüsetin tabıs turalı aytqanda, bağdarlamalıq bloktarğa engiziletin üzindiler men aymaqtarda tanımaldılıqqa ie jügirtpe joldar turalı aytadı. YAğni, kabel'di operatorlarda tabıs tabudıñ 3-4 jolı bar. solardıñ negizgisi – abonenttik tölem.

«Narıqta teñ bäsekelestik bolmadı»

Dosım Sätbaev, sayasattanuşı, Täuekelderdi bağalau tobınıñ direktorı:

Osı zañ jobasın talqılaularğa men de qatıstım. Bwğan deyin şeteldik arnalar, äsirese, reseylik arnalar bizdiñ narıqqa eşqanday şığınsız, erkin enip jürdi. Sol arqılı olar ülken jarnamalıq ülesti op-oñay ielenip keldi. Bwl ädil bäsekelestikke jatpaydı. Negizinde bäsekelestik teñ jağdayda jürui kerek jäne otandıq telearnalar da jarnamalıq byudjetke ie boluı kerek. Men osı özgeristerdi qoldaymın.

«Jarnamadan Qazaqstanğa payda tüspeytin»

Qanat Sahariyanov, KTK telearnasınıñ Bas direktorı:

Älemdik iri jarnama beruşiler şeteldik arnalardıñ Qazaqstan aumağına erkin taraytının bilip, solarğa jarnama berip keldi. Ol kelisimderdiñ barlığı sırtta jürgizilip, aqşa elge müldem kirmeytin. Al, jarnama qazaqstandıq auditoriyağa erkin taradı. Otandıq telearnalar habar taratuğa tölegen qarajatın jarnamadan tüsiruge äreket etse, şeteldik arnalar taratuğa aqşa tölemedi, biraq jarnamadan payda taptı. Sonda biz şeteldik arnalardı teginnen tegin asırap kelgen bolamız. Sodan keyin, şeteldik BAQ-tar qazaqstandıq zañ talaptarına da nazar audarmaydı.

«Qıruar qarajat işki narıqta qalatın boldı»

Bağdat Qojahmetov, «31 arna» Bas direktorı:

«Teleradio taratu turalı» zañğa engen özgeristi soñğı eki jiırma jıldıqta osı salada orın alğan jağımdı innovaciya dep qabıldaymız. Biz bwl turalı bayağıdan aytıp keldik. Endi mine, otandıq televiziyanı damıtuğa kedergi keltirip kelgen bastı sebep joyıldı. Endi, bizdiñ esebimiz boyınşa, jılına tört milliard teñgege juıq aqşa elde qalatın boldı. Bwl otandıq TV-nı älemdik deñgeyge köteruge mümkindik beredi. Jaña bağdarlamalar, serialdar, jaña tehnologiyalar narıqqa keledi. 

abai.kz

0 pikir