Seysenbi, 19 Qaraşa 2019
Wyat-ay! 4520 0 pikir 31 Tamız, 2015 sağat 10:29

QAZAQ ELİ JALQAULAR ELİNE AYNALMAY MA?

«Eki qolğa bir kürek tabılsa», - dep alaqanına tükirip otıratın, jwmıs körse japırıp tastaytın azamattar el işinde az emes. Alayda, jatıp işer jalqaulardıñ da qarası molayıp bara jatır. Qazaqtıñ bwl «tirligi» büginderi qoğamdıq pikirdiñ talqısına tüsip te qaladı. Jasıratını joq, atan jilikti jigitterdiñ osı küni kempir-sampırdıñ şaruasına aralasıp, qara bazarlarda qañğıp jürgenin nemese äyeline ala qaptı arqalatıp qoyıp taltayıp törinde jatqanın da bilemiz. Mına betimen kete berse, erteñ qazaq jwrtı ker jalqaular eline aynaluı äbden mümkin.  Äleumettik jelilerdegi jazbalar da osına uayım ete bastağan sıñaylı. Oqıp köreyik.  

Kamal Äbdirahman:

On jıl bwrın, tört özbek jigiti, tört ayda, tört jüz şarşı metr üydi Qabanbay batır kesenesiniñ janına salıp berip edi. Üydiñ sapasına mamandar äli künge razı. Sol jigitter meni jıl sayın aqpan ayınan bastap mazalaydı. Jwmıs swraydı. Öz betterimen kelse jwmısın jasattırğandar aqımızdı tölemey qoya ma dep, meni ortağa salatındarın tüsinemin. Kömektesemin. Kök tiındarına ortaqtaspaymın. Biıl da solay. Mamırda kelgen. Qaraşada salıp jatqan üyleri bitken soñ qaytadı.

Auılda ziñgittey azamattar "jwmıs joq" dep sendelip bos jür. Biraq, mal bağatın adam joq!!! Mal bağu degen  - tañerteñ ketip, keşke kelinşeginiñ qasına jantayatın şarua ğoy. Aylap üy körmey ketpeysiñ. Osı bauırlarımnıñ bir de, biri menen "jwmıs bar ma" dep swrağan emes.

-YApır- au, mal baqqannan jerigenderiñ ne?- desem,

-Bireuge qwl bolamın ba?- deydi qasqayıp twrıp.

Ne deyin endi?

Aygül Orınbek:

Bügin 20 jastağı jigittiñ kürek wstauğa namıstanıp twrğanın kördim.

Al türik elinde 75 jasındağı ata ine wstap, kiimderge restavraciya jasap otır.

Sasıq kökrek, jalğan namıs, ötirik eki jüzdilik!

Abai.kz

  

 

 

0 pikir