Düysenbi, 18 Qaraşa 2019
Qoğam 4230 0 pikir 29 Şilde, 2014 sağat 11:51

ASIÑDI İŞİP, AYAĞIÑDI TEUİP...

   Biz osı ne degen erekşe könteirli, asa şıdamdı halıq  edik. Esikten kirip, tör meniki dese de, özimiz şaqırıp, jatıp jastıq, iilip tösek bolğan qonağımız da basımımızğa sekirip, auzına kelgenin aytıp jatsa da qıñq demeymiz. Ötkende Reseydiñ Panin degen artis-sımağı elimizdi aralap jürgende işip alıp, sahnada oyınan kelgenin istegen. Onımen qoymay policiyamen jağa jırtısıp, auzınan aq it kirip, kök it şıqqan. Bara-bara tipti bizdiñ körermenderdiñ mädenietsiz ekendigin de jayıp salğan. Ündegen joqpız, işten tındıq..


    Ötkende Metallurg künin merekeleymiz dep Qarağandınıñ kenşileri şaqırğan Reseydiñ bir Slava degen änşisımağı bir-eki än aytıp, qaltasın aqşağa qampitqannan keyin, äuejayğa barıp araq işip, sayrandı salğan. Bükil ğimarattı basına köterip, dañğaza etip otırğannan keyin, äuejay qızmetkerleri esirtki işken bolar degen küdikpen tekseruge aparsa, onı da ülken şouğa aynaldırğan. Bwl da eñbeksiz kelgen qwrmet pen sıyğa masayrağanı sonşalıq, bizdiñ policiyağa til tigiziip, «mağan dörekilik körsetti» dep şaşın jwluğa deyin barğan. 
        Al küni keşe Atırauğa kelgen B'yanka degen änşisımağı osı qalanıñ jolınıñ da, dıbıs apparaturasınıñ da äjethanaanıñ sasıq düniesine para-par ekendigin aytıp, ändetkendigin qaytersiñ.

 

     Sonda deymiz-au, öz aqşaña öziñdi mazaq etken änşilerge tiım salatın adamnıñ bolmağanı ma? Älde biz qonaqjaylığımızğa qoqañdaumen jauap beru olar da özinşe dästürge aynaldırğan ba? Sirä, "bireudiñ qañsığına qaşanda tañsıq" bolatın, öz talanttılarımızdı böten jwrttıñ talantsızdarına jığıp beretin jwrttıñ estitinderi osınday bılapıt sözder men mädenietsiz qılıqtar boları zañdı dünie me eken?
 

Mwratbek Däurenwlı.
Qostanay.

 Abai.kz

0 pikir