Särsenbi, 23 Qazan 2019
Mädeniet-ädebiet 8976 0 pikir 30 Säuir, 2014 sağat 18:47

TEATRDIÑ JAÑA BASŞISI - SWLTAN SRAILOV

Ğ.Müsirepov atındağı Qazaq memlekettik akademiyalıq balalar men jasöspirimder teatrınıñ direktorı bolıp, QR Mädeniet ministriniñ bwyrığımen Swltan Oñğarwlı Srailov tağayındaldı.

Wjımdı jaña basşımızben tanıstırıp, jaña direktordı basşılıq ornına otırğızıp ketu maqsatında, QR Mädeniet ministriniñ orınbasarı Asqar Böribaev mırza Qazaqstannıñ jäne KSRO-nıñ halıq artisi Asanäli Äşimov, Qazaqstannıñ halıq artisi Esmwhan Obaev bastağan top, wjımğa jaña basşını tanıstırdı.

Bwğan deyin - Astana qalası äkimdiginiñ Q.Quanışbaev atındağı Memlekettik akademiyalıq qazaq muzıkalıq drama teatrınıñ direktorı-körkemdik jetekşisi qızmetin atqarğan Swltan Oñğarwlı Srailov endigi kezekte  Ğ.Müsirepov atındağı Qazaq memlekettik akademiyalıq balalar men jasöspirimder teatrınıñ direktorı bolıp jaña qızmetke tağayındaldı.

Qısqaşa ömirbayanı:

Srailov Swltan Oñğarwlı – 1970 jılı 22-naurızda OQO Sozaq audanı, Tastı sovhozında düniege kelgen.

1988 – 1990 jıldarı Mäskeu qalasında äskeri borışın ötedi.

1992 jılı Almatı qalasındağı T.Jürgenov atındağı qazaq wlttıq öner akademiyasınıñ «teatr jäne kino akteri» mamandığı boyınşa bitirgen.

1996-1997 jıldarı Arqalıq qalasındağı A.Baytwrsınov atındağı teatrğa rejisser bolıp qabıldandı.

1997 jılı Q.Quanışbaev atındağı qazaq drama teatrına auısıp, 2009  jılğa deyin osı teatrda – akter, rejisser, Ädebiet böliminiñ meñgeruşisi qızmetin atqarğan.

2009-2012 Q.Quanışbaev atındağı Memlekettik akademiyalıq qazaq muzıkalıq drama teatrında direktordıñ orınbasarı qızmetin atqardı.

2012 jıldıñ qañtar ayınan bastap OQO «Oñtüstik Cirk» MKQK Bas direktorı bolıp auıstı.

2013 jıldıñ qaraşa ayınan Q.Quanışbaev atındağı Memlekettik akademiyalıq qazaq muzıkalıq drama teatrınıñ direktorı-körkemdik jetekşisi bolıp tağayındaldı. 

"Jas kelse, iske", - demekşi, 68 jılğı tarihı bar teatrdıñ endigi direktorı Swltan Srailov mırzanıñ aldağı jwmısına tabıs, eñbegine bereke, wjımğa birlik tileymiz.

Teatrdıñ baspasöz bölimi

0 pikir