Senbi, 7 Jeltoqsan 2019
Jañalıqtar 2262 0 pikir 24 Mamır, 2013 sağat 05:54

Twrsınbay Däuitwlı. Tañjarıqtanudıñ jolı

Bir kezderi eki elde de öleñderin ğana emes, atın da atauğa tiım salınğan jır düldili, Alaşşıl aqın Tañjarıq Joldıwlınıñ zamannıñ özgerui men qazaqqa täñir bergen täuelsizdiktiñ arqasında 2003 jılı Almatıda 100 jıldıq mereytoyı Düniejüzi Qazaqtarı qauımdastığınıñ sol kezdegi birinşi orınbasarı, qoğam qayratkeri Qaldarbek Naymanbaevtıñ bastamasımen dabıralı atap ötilgen edi. Mine, bügin aqın tuılğanınıñ 110 jıldığına oray, el ordası Astana qalasındağı irgeli joğarı oqu orını L.N.Gumilev atındağı Euraziya wlttıq universitetinde, «Alaş» mädeniet jäne ruhani damu institutı jäne «Jas azamat» qoğamdıq wyımınıñ wyıtqı bolumen «Alaş ideyası jäne Tañjarıq Joldıwlı mwrası» attı halqaralıq ğılımi-täjiribelik konferenciya ötkizip, aqın şığarmalarına ğılımi twrğıdan taldau jasalıp, közqaras bildiru bügingi wrpaqtıñ enşisine bwyırıptı. Bwğanda täube delik.

Bir kezderi eki elde de öleñderin ğana emes, atın da atauğa tiım salınğan jır düldili, Alaşşıl aqın Tañjarıq Joldıwlınıñ zamannıñ özgerui men qazaqqa täñir bergen täuelsizdiktiñ arqasında 2003 jılı Almatıda 100 jıldıq mereytoyı Düniejüzi Qazaqtarı qauımdastığınıñ sol kezdegi birinşi orınbasarı, qoğam qayratkeri Qaldarbek Naymanbaevtıñ bastamasımen dabıralı atap ötilgen edi. Mine, bügin aqın tuılğanınıñ 110 jıldığına oray, el ordası Astana qalasındağı irgeli joğarı oqu orını L.N.Gumilev atındağı Euraziya wlttıq universitetinde, «Alaş» mädeniet jäne ruhani damu institutı jäne «Jas azamat» qoğamdıq wyımınıñ wyıtqı bolumen «Alaş ideyası jäne Tañjarıq Joldıwlı mwrası» attı halqaralıq ğılımi-täjiribelik konferenciya ötkizip, aqın şığarmalarına ğılımi twrğıdan taldau jasalıp, közqaras bildiru bügingi wrpaqtıñ enşisine bwyırıptı. Bwğanda täube delik.
Tañjarıq esiminiñ elge tanılıp, asıl mwrasınıñ tuğan ädebiet aydınına keş te bolsa taudan aqqan tasbwlaqtay arındap kelip qosılıp jatqanı ärine, quantarlıq jağday. Degenmen şığıs Türkistanda tuılıp, ädilet üşin küres jolında aqtıq demi sonda toqtağan aqiıq aqınnıñ armanı asqaq, alğa qoyğan maqsatı odanda biik edi.Tañjarıq Joldıwlı sol maqsatqa jetudi bizge amanattağan tärizdi. Olay bolsa Tañjarıqtanudıñ täuelsiz Qazaqstandağı qazirgi jay-küyi, zerttelu jağdayı qalay? Tañjarıqtanudıñ Şığıs Türkistandağı zertelui öz aldına bölek äñgime. Meniñ aytpağım Tañjarıq esimi Qazaqstanğa qaşannan beri belgili, şığarmalarınıñ mwnda nasihattaluımen ğılımi twrğıdan zerttelip-zerdelenui qanday deñgeyde, qanday igi ister istelip jatır, mine, sol twrğısında bolmaq.
Belgili qalamger, qazaqtıñ ardaqtı wldarınıñ biri, Tañjarıqtanuşı Orazanbay Egeubaev marqwm 2003 jılı «Körkem» baspasınan şıqqan, «Tañjarıq tağılımı» attı eñbeginde «Ol kezdegi Keñester odağınıñ Qazaqstan respublikasına, Qıtaydıñ Şapşal Sibe avtonomiyalı obılısınıñ batısındağı Qaljat şekarasınan,  Tañjarıq 1923 jıldıñ bası – qañtar ayında qaşıp ötedi. Ol jaqtıñ Narınqol degen jerinde jañaşa sanada üş jıl oqidı. Orıs tilin meñgeredi. Qadamı jetken jerlerdi aralap, igi jaqsılardı jağattaydı. Olarmen swhbattas boladı. Äsirese Ibıray Altınsarin, Abay Qwnanbaev mwralarına erekşe zeyin qoyadı. Älihan Bökeyhanov, Ahmet Baytwrsınov, Mirjaqıp Dulatov, Mağjan Jwmabaev, Şäkarim Qwdayberdiwlı sekildi aldıñğı qatarlı qazaq ziyalılarınıñ el-jwrtınıñ terezesin damığan mädenietti elder qatarına teñestiru jolında istep jürgen janqiyarlığımen jazğan şığarmaların  jas kökiregine tereñ wyalatadı» deydi[2, 228 bet].
Orekeñniñ bül  aytqandarın aqınnıñ mına öleñ joldarı tolıq däleldey aladı:
                             Ahımet, Abay, Äset, Mirjaqıptar,
Jetpeydi oğan jisañ mıñ balanı.
Şäkärim, Ärippenen Mwrın Omar,
Kömbege olar şapsa tıñ baradı.
Äyelden keşe Sara, bügin Dina,
Sözbenen basqan talay wl balanı.
Söziniñ ärbiriniñ zatı bölek,
Oylasañ miğa salıp ılğanadı.
Sözderi basqa aqınnıñ mağan mälim,
Qwrt salğan şayday erip bılğanadı.
Bärinde Abay sözi basıp tüser ,
Bir parşa şetten alıp qırnağanı[1, 174 bet].
Tañjarıq Keñes odağınan 1925 jıldıñ soñın ala, qaraşa ayında barğanda minip ötken Bäygekökpen Künestegi eline qaytıp keledi.Mine, bwl Tañjarıq esiminiñ ata jwrtqa alğaş tanıluı. Oğan kuä küni büginge deyin el nazarınan wmıtılmağan «Tañjarıqpen Qoydımnıñ aytısı». Bwl bir dep qoyıñız.
1955-1956 jıldan bastap qazaqstannıñ halıq ärtisi, jwrt jüreginen tereñ orın alğan änşi Däneş Raqışwlınıñ tamıljığan äuenimen Tañjarıqtıñ «Elmen amandasu», «Elge sälem» qatarlı än-tolğauları «Şalqar» radiosınıñ altın qorına jazılıp,  jalpaq jwrtqa äue tolqını arqılı jetken.
Keñester odağınıñ halıq jazuşısı Säbit Mwhanovtıñ 1959 jılı Almatı «Qazaq memleket baspasınan» şıqqan, «Alıptardıñ adımdarı» attı Qıtayğa sapar esteliginde: «Halıq bostandığı üşin küresken adamdardan qolına tüsken kisige Şen Şi-cay bandılarınıñ qanday azap körsetkenine Şıñjañ aqını Tañjarıq Joldıwlınıñ tömendegi öleñderi kuä» – dep, aqınnıñ «Türme halı» tolğuınıñ 300 jol öleñin engizip, soñında bılay deydi: «Bwl öleñge eşbir kamentaridiñ keregi joq. Bwnday hayuandıq azapqa tek faşizmniñ ğana azabı teñdese aladı. Sonday azaptan äreñ qwtılğan Tañjarıq abaqtıdan bosağannan keyin, 1947 jılı 38 jasında öledi»  - dep sözin twjırımdaydı Säbeñ [3, 227-233 bet]. Anığında Tañjarıq 1947 jılı 44 jasında dünieden ötedi.
Qalamı qarımdı Säbit Mwhanovtıñ bwl sapar esteligine Tañjarıq Joldıwlınıñ ömiri men şığarmasınıñ enui, sol kezdiñ özinde-aq aqın şığarmaşılığına qanday bağa berilgenin atap otıru artıq bolar.
1974 jılı Tañjarıqtıñ küyeu balası, aqın, jazuşı Bwqara Tışqanbaev «Arman tau» attıTañjarıq şığarmalarınıñ şağın jinağın şığardı. Onda keybir öleñderi keñestik sayasattıñ ıqpalınan qısqarıp, keybiri öñdelip barıp jarıqqa şığadı. Bwl täsildiñ paydalı jağı Tañjarıq şığarmaları qısqarsa da jwrt nazarına wsınıldı. Al, ziyandı jağı aqın şığarmasına ülken qiyanat jasalğanı.
1976 jılı tarihşı, sınşı, öner tanuşı Älimğazı Däulethanwlı Şımkenttegi instituttı tamamdarda Tañjarıq şığarmaşılığı jaylı diplom qorğap, keyin äri qaray kandidattıq dissertaciya jazuğa niet etip, Mäskeudegi dünie jüzi ädebieti tarihı böliminiñ bastığı Zoya Kedrinadan qodau tapqanımen, Almatıdağı ğılım akademiyasınıñ sol kezdegi basşıları oñ qabaq tanıtpaydı. Aytqan uäjdarı: Birinşiden Jambıl tanuğa jatqızayıq desek Tañjarıq jazba aqın. Ekinşiden erte zaman ädebietine kelmeydi, Tañjarıq tayau jıldardağı aqın. Üşinşiden bwl taqırıp Resey men Qıtay arasındağı daulı mäsele dep, jetekşi boluğa  eşkim batıldıq etpegen. Sonımen bwl jwmıs ayaqsız qalğan. Keyin bwl eñbegi qısqartılıp 2003 jılı «Tañjarıq tağlımı» attı jinaqta jäne 2004 jılı «Abay» jurnalında basıldı.
1990 jılı «Alatau» telearnasınan twñğış ret Älimğazı Däulethanwlınıñ avtorlığımen «Tañjarıq turalı söz» degen bir sağattıq telehabar wyımdastırılıp, habarğa Qabdeş Jwmadilov, Tileujan Saqalov, Nwrqasım Qazıbekter qatısıp, Tañjarıq ömiri men şığarmaşılığı jaylı söz-swhbattar qwrıp, oy bölisti. Erkin Qwjmanov «Türme hali», «Elmen amandasu» siyaqtı jır-tolğauların orındadı.
Qazaqstan täuelsizdiginiñ aldı-artında Qazaqstannıñ halıq jazuşısı Qabdeş Jwmadilov «Qazaq ädebieti» qatarlı basılımdarğa «Qajıqwmarğa araşa tüsu, Tañjarıq şığarmaların nasihattau» turasında ärqaşan jwrt nazarın audararlıq birneşe maqalalar jariyalap keledi.
Qabdeş Jümädilovtıñ 2005 jılı «Qazıqwrt» baspasınan jarıqqa şıqqan 12 tomdıq şığarmalar jinağınıñ «Qalıñ elim qazağım» attı 12 tomında, 1993 jılı jazğan «Tañjarıq tağılımı» attı maqalasın qorıtındılay kele: «Tañjarıq aqınnıñ täuelsiz qazaq jwrtımen qauışar kezeñi endi bastaldı. Ömir boyı arman bolğan azattıqtı öz közderimen körmese de, sonı bir taban jaqındatu jolında basın bergen qaharmandar ärqaşan esimizde. Biz endi bwdan bılay qazaq aspanındağı «Abay planetasın» aynalatın şoq jwldızdar arasınan tañ jwldızı – Tañjarıqtıda ayqın ajıratatın bolamız» - dep nıq senimmen aytadı [4, 413 bet].
    Sonday-aq, osı jinaqtağı «Şıñjañdağı qazaq ziyalıları» attı maqalasında:«1938-1940 jıl aralığında özin Stalinniñ şäkirti sanaytın Şıñ sı-säy ükimeti är wlt ökilderinen alpıs mıñ adamnıñ basın joyğan eken. Bwl orayda, sol jıldarı Ürimji türmesinde ziyalı qauımmen jeti jılday birge jatıp, atılıp-şabılğandardı öz közimen körgen, türmeden tiri şıqqanımen, arada jarım jıl ötpey qaytıs bolğan Tañjarıq aqınnıñ «Abaqtı» dastanınan üzindi keltire otırıp, Tañjarıq aqın türmede azappen öltirilgen eñ bedeldi adamdardı sanamalap, keler wrpaqqa ölmes ösiet qaldıradı. Jalpı türme taqırıbın, ondağı qinau men azaptı qazaqqa tañjarıqtay jerine jetkize jırlağan aqın joq. Onıñ «Abaqtı» dastanın – jay ädebi şığarma emes, tarihi qwjat dep qabıldauımız kerek» - deydi[4,186bet].
    Narınqol öñiriniñ tülegi, aqın äri auız ädebiettiñ janaşırı Tileujan Saqalov Qazaq wlttıq universitetiniñ jurnalistika fakul'tetin bitirerde Tañjarıq şığarmaşılığınan diplom qorğağan. Keyin kandidattıq qorğauğa taqırıp etip alıp, aqırı sätsiz ayaqtağan, qorğauğa mümkindik bolmağan. Qazaqstan täuelsizdik alğannan keyin Tañjarıq şığarmasınıñ nasihattaluına şınında mol mümkindik tudı.
1999 jılı Qıtaydağı 1-därejeli ärtis, Tañjarıq jır-tolğauların nasihattauşı, Qıtayda Tañjarıq jır-tolğaularınan 4 dıbıs (audio) taspasın şığarğanToqtabay Älimqwlwlınıñ Qazaqstanğa kelu orayında, aqın, änşi, sazger, akter marqwm Ermwrat Zeyiphanwlınıñ jetekşiligimen küyşi-sazger Seken Twrısbekwlınıñ Saz otauında «Tañjarıqtıñ jır-tolğauı» attı ädebi-sazdı keş ötti. Keşti belgili satirik Qajıtay İliyasov jürgizdi. Keşke Düniejüzi qazaqtar qauımdastığınıñ 1-orınbasarı Qaldarbek Naymanbaev qatısıp qwttıqtadı, Twrsınäli Rıskeldiev bayandama jasadı, Sara Tañjarıqqızı äkesi jaylı estelikter ayttı. Toqtabay Älimqwlwlı Tañjarıqtıñ «Türme hali», «Elmen amandasu», «Şıntilek» t.b. tolğauların orındasa, Ermwrat Zeyiphanwlı öz äni – «Tañjarıqtı» şırqadı. Osı maqalanıñ avtorı da Tañjarıqtıñ «Qos jeñge», «Beskörik qız» qatarlı änderin şırqap, keş saltanatın asıruğa küş qostı.
        Täuelsizdik tañı atısımen ata jwrtqa alğaşqı köşti bastağan belgili jazuşı Jaqsılıq Sämitwlı 2000 jılı Dünie jüzi qazaqtarınıñ qauımdastığınan jarıqqa şıqqan «Qıtaydağı qazaqtar» attı eñbeginde Tañjarıq Joldıwlınıñ ömirimen şığarmaşılığına toqtala kelip: «Aqın Tañjarıq Joldıwlı tek jazba aqın ğana emes, aytıstarğa da tüsken suırıpsalma, tökpe aqın. Onıñ atı tek Şıñjañda ğana emes, Qazaqstan oqırmandarınada äbden tanıs» deydi [5, 200 bet].
Tañjarıq şığarmasınıñ tereñdey nasihattaluı professor,jazuşı Orazanbay Egeubaev elge oralğannan keyinşındap qolğa alındı. Orekeñ jartı ğwmırın arnap, Tañjarıq ömiri men şığarmaşılığı jaylı jiğan-tergenin aqınnıñ 100 jıldıq merey toyı qarsañında, 2002 jılı «Elorda» baspasınan  2 tomdıq  «Tañjarıq şığarmalarınıñ tolıq jinağı» attı eñbektiñ, 2003 jılı «Tañjarıq tağlımı» attı ğılımi jinaqtıñ şığuına ayanbay ter tökti.
Atalğan jinaq Dünie jüzi qazaqtarı qauımdastığı törağasınıñ birinşi orınbasarı, qazaqstannıñ eñbek siñirgen qayratkeri Qaldarbek Naymanbaevtıñ alğı sözimen bastalıp, «Zertteuler zerdesi» attı böliminde Nwrlan Orazalin, Zeynolla Qabdolov, Twrsınbek Käkişev, Serik Negimov, Qabdeş Jümädilov, Orazaqın Asqar, Näbijan Mwhamethanwlı, Älimğazı Däulethanwlı qatarlı jiırmağa juıq Qazaqstanğa tanımal ädebietşi, ğalımdardıñ Tañjarıq şığarmaşılığı turalı zertteu maqalaları engizilgen. Bwl Tañjarıq şığarmaların ğılımi twrğıdan zertteu ayasındağı bwrın – soñdı bolmağan erekşe qwbılıs boldı.
Sonımen birge  Orazanbay Egeubaev Tañjarıqtıñ 100 jıldıq mereytoydıñ saltanattı ötuine bar qajır-qayratın sarqa jwmsadı.Toydıñ nüktesi Almatı oblısı Kegen audanında qoyıldı. Kegen halqı toy qonaqtarın aqınnıñ «Jaylağan qalıñ Alban Qarqaranı, Qayda barsam jien dep qarsı aladı» degen öleñ jolımen qarsı aldı.Osı orayda «Tañjarıq pen Qoydımnıñ aytısı» Twrsınbay Däuitwlı men Nwrgül Alğojaevanıñ orındauında ün-taspağa (audio)jazılıp taratıldı.
Ol «Endigi armanım Tañjarıq şığarmaların şetel tilderine audartıp, aqın şığarmaların älemge tanıtsam» dep jüruşi edi, oğan däm-twzı jetpedi. Jatqan jeriñiz jaylı bolsın Oreke. 
2003 jılı Qazaq memlekettik qızdar pedagogikalıq institutınıñ Qazaq ädebieti kafedrasınıñ meñgeruşisi, filologiya ğılımdarınıñ doktorı, professor Bolatjan Äbilqasımovtıñ qoldauımen fakul'tet sabaq josparına "Şeteldegi qazaq ädebieti" attı pän engizilgen edi. Bwl pän küni büginge deyin jalğasıp keledi. Qazirge deyin Äset Naymanbaev, Aqıt Ülimjiwlı, Ködek Maralbaywlı, Tañjarıq Joldıwlı şığarmalarınan 4 diplom qorğalıp, birneşe kurstıq jwmıstar jazıldı.
Şınjañ Universitetiniñ professorı Ahmetbek Kirişbaev «Qazaq ädebietiniñ oçerkteri», «Qazaq ädebietiniñ tarihı» attı monografiyalıq şığarmaları negizinde «Şeteldegi qazaq ädebieti» attı kömekşi oqu qwralı qwrastırıldı.
Körnekti jazuşı, halıqaralıq «Alaş» sıylığınıñ laureatı, mädeniet qayratkeri, filologiya ğılımdarınıñ kandidatı, docent Twrlıbek Mämeseyitovıñ  1990 jılı qazaq ädebieti gazetinde jarıq körgen «Tañjarıqpen Qoydım» attı maqalası, jwrt arasında jaqsı añıs qozğaumen qatar, Tañjarıqtıñ 90 jıldığınıñ Qazaqstanda, yağni Almatı oblısı «Qaqpaq» eldi mekeninde atap ötiluine öz septigin tigizdi. On neşe jıl boyı Tañjarıqtıñ ömiri men şığarmaşılığın öz tanım-talğamına say zerttep, 2013 jılı 15 naurızda, Qazaqtan jazuşılar odağında, aqınnıñ tuğanına 110 jıl toluına oray «Tañjarıq» attı eki tomdıq romanın qalıñ oqırman qauımmen jüzdestirdi.Mine bwl wlt ädebieti üşin qosılğan qomaqtı üles bolumen qatar, avtordıñ şığarmaşılıq jauapkerşiligi men eñbekqorlığın, halıq aldındağı azamattıq borışı dep esepteymiz.
Osığan jalğas Jazuşı Twrsınäli Rıskeldiev pen jurnalister odağınıñ müşesi Mwhan Mamıtqanwlınıñ tikeley aralasuımen 2013 jılı 30 säuir küni, Almatı qalasındağı jazuşılar odağında «Alıstan altın säule bir külimder» attı Tañjarıq Joldıwlınıñ 110 jıldığına arnalğan ädebi sazdı keş ötti.Keş aqın Wlıqbek Esdäulettiñ kirispe sözimen aşılıp, Tañjarıq aqınnıñ änderi orındalumen qatar, qazaq memlekettik qızdar pedagogikalıq universitetiniñ studentteri aqınnıñ «İle sipatı» attı şığarmasın mänerlep oqıp, körermen köptiñ ıstıq ıqılasına bölendi.
Tañjarıq şığarmaşılığın bala jasınan estip-bilip, er jetken, filologiya ğılımdarınıñ doktorı, professor Düken Mäsimhanwlı öziniñ kandidattıq dissertaciyasında Tañjarıq aqın şığarmaşılığınıñ ğılımi aynalımğa tüsuine özindik ülesin qostı. 2001 jılı «Elorda» baspasınan şıqqan «Sarap» attı ädebi zertteuler men materialdar jinağına «Añsağan Tañjarıqtıñ attı tañı» degen taqırıptağı ğılımi maqalasın engizgen.
Tañjarıqtıñ wrpağı «Otandas el» respublikalıq birlestiktiñ törağası, jurnalister odağınıñ müşesi 2013 jılı «Merey» baspasınan şıqqan «Hatqa tüsken qazına», jarıq köru aldında twrğan «Qızay tarihı jäne Qızay eli» attı kitaptarınıñ avtorı Mwqan Mamıtqanwlı aqın Tañjarıq Joldıwlınıñ 110 jıldıq merey toyı qarsañında, Qazaqstan respublikası mädeniet ministirliginiñ 2014 jıldıq josparına  «Tañjarıq şığarmalarınıñ tolıq jinağı» attı 3 tomdıq şığarmalar jinağın baspadan şığaruğa eñbektenip jatır.Mwhan Mamıthanwlınıñ aytuına qarağanda, bwl jinaqtıñ bwrınğı jinaqtardan bir özgeşeligi, bwrınğı jinaqtardağı socialistik süzgiden ötpey qalğan aqın eñbekteri tolıqtırlumen birge, Künestegi aqın mwrajayında saqtalğan qoljazbalar bastı nazarğa alınğan körinedi. Ädildigin oqırman qauım ayta jatar, bärine uaqıt sarapşı.
«Şeteldegi qazaq ädebieti» degen pän büginge deyingi mälimetterge qarağanda 2003 jıldan beri Qazaq memlekettik qızdar pedagogikalıq universitetinde, 2013 jıldan bastap L.N. Gumilev atındağı Euraziya wlttıq universitetinde, birneşe jıldan beriQarağandı wlttıq universitetinde oqıtılıp jatqanı belgili. Arqa tösinde, el ordası –  Astana qalasında bügingi ötip jatqan Tañjarıq aqın şığarmaşılığı turalı ğılımi talqığa qatısıp, bayandama  jasağan professor, ğalımdarğa aytarımız şeteldegi qazaq ädebietiniñ, sonımen birge Tañjarıq aqın şığarmalarınıñ basqa da oqu orındarında arnayı kurs päni retinde engiziluine wytqı boladı degen kämil senimdemiz. Sonda ğana Tañjarıq aqın añsağan «Alaş» ideyasıtäuelsiz eldiñ keleşek wrpaq sanasına öz närin berip, poeziyadağı özine tän jasampazdıq qırları ayşıqtala tüspek.
Tañjarıqtanuda qıtayda bolsın, keñester odağında bolsın demokrat, töñkerisşildegen siyaqtı  sıñarjaq pikirmen közqarasqalıptasıp qalğan. Öreli jağın aytudan göri, rulıq jağı basımdau tüsip jattı. Bwdan wtılmasaq, wtarımız şamalı. Tañjarıq rulıq deñgeyden äldeqaşan biiktep wlttıq, älemdik deñgeyge köterilgen aqın ekenin añğara bilgenimiz jön.
Büginge deyin Tañjarıq esimi jazuşı Twrsınäli Rıskeldievtiñ ıqpalımen Almatı oblısı Qarasay audanı, Ülken alatau auıldıq äkimşiliginiñ şeşimimen 2012 jılı «Bağanaşıl-2» eldi mekeninde bir köşege, Almatı oblısı «Nwra» eldi mekeninde, belgili aqın äri audandıq mäslihattıñ deputatı Äbdiğani Päziljanwlınıñ küş saluımen bir köşege, Mwhan Mamıthanwlınıñ 2009 jıldan beri qayta-qayta ötiniş jazıp quzauınıñ arqasında, Astana qalalıq mädeniet mekemesi men tilderdi damıtu jäne onomastika bölimi Astana irgesindegi «Köktal» eldi mekenindegi bir köşegeberildi. Mine bwl egemendi elimizdiñ Alaşşıl aqın Tañjarıq Joldıwlına degen izgi bauırmaldıq, Alaş ruhına degen zor qwrmet dep bilemiz. Bwl azamattıqtarı üşin aqın atın sıylağan alaş jwrtına, elimizdiñ atqaminer azamattarına, aqın şığarmalarına ğılımi twrğıdan saraptama jasağan ğalımdarğa ülken rahmet aytamız.Bwl igi şara arı qaray jalğasın tabu üşin mwnımen ğana şektelip qalmay, aldağı künderde Tañjarıq atındağı qayırımdılıq qormen Tañjarıq ğılımi zertteu ortalığın qwrsaq degen izgi niettemiz. Bärine bir alla jar bolğay.

HABARLANDIRU:
Euraziya wlttıq universitetinde «Jas azamat» jastar wyımı men universitettiñ wyımdastıru ayasında alaşqa atı mälim aqın Tañjarıq Joldıwlınıñ tuğanına 110 jıl toluına oray «Alaş ideyası jäne Tañjarıq Joldıwlı mwrası» attı ğılımi-täjiribelik konferenciya men «Şın tilek» attı ädebi-tanımdıq keş ötedi.

Twrsınbay Däuitwlı
Qazaq memlekettik qızdar pedagogikalıq universitetiqazaq filologiyası jäne älem tilderi fakul'teti qazaq ädebieti
kafedrasınıñ ağa oqıtuşısı
Abai.kz

0 pikir