Düysenbi, 21 Qazan 2019
Jañalıqtar 2354 0 pikir 28 Aqpan, 2013 sağat 06:21

Erlan Qarin. Täjinniñ aytayın degeni...

Juırda memelkettik hatşı Marat Täjin äleumettik jeliler men blogtar turasında aytqan pikiri qoğamda biraz uäjdi qozdattı. Memlekettik tarapta jürgen sayaasattanuşı Erlan Tınımbaywlı Qarin mırza «Jebe» gazetine bergen swhbatında osı mäselege at basın bwrıp, mäseleniñ mänin aşa ketipti. Erekeñniñ sol mändetpesin sol küyi jariyalap otırmız.

Abai.kz

Juırda memelkettik hatşı Marat Täjin äleumettik jeliler men blogtar turasında aytqan pikiri qoğamda biraz uäjdi qozdattı. Memlekettik tarapta jürgen sayaasattanuşı Erlan Tınımbaywlı Qarin mırza «Jebe» gazetine bergen swhbatında osı mäselege at basın bwrıp, mäseleniñ mänin aşa ketipti. Erekeñniñ sol mändetpesin sol küyi jariyalap otırmız.

Abai.kz

Memlekettik hatşı ötkizgen jiındı aqparat  qwraldarında  nasihattauda jañsaqtıq boldı. Birqatar oylar men  tezister aşıq bwrmalanbasa da, keñ auqımda qabıldanbadı. YAğni,  qoğam  biraz mäseleni tüsinbey qaldı. Tipti, ädeyi bwrmalauşılıq ta bayqalıp qalğanday boldı. Mäselen, köptegen  äleumettik jelilerde, bolgtarda «Täjinniñ tizimi qwrıladı eken», «bwğan deyin äleumettik jeliler men blogtarda jazıp jürgen blogşılardıñ tizimi qwrıladı eken, baqılauğa alınadı eken» degendey  jañsaq pikirler payda boldı. Şın mäninde ol jöninde biz söz etip otırğan  jiında birauız da söz aytılmadı.  Memlekettik hatşı öziniñ bayandamasında memlekettik bilik qwrılımdarı men aqparat qwraldarına öz jwmıstarına qatıstı  twraqtı mälimetter bazasın qwru jöninde jäne ol bazada sarapşılar, blogşılar, jalpı äleumettik belsendi twlğalardıñ tizimi qwrılsa degendi aytqan bolatın. Memlekettik hatşı bwl pikirdi qanday mağınada ayttı? Mine, biz osını tüsinbey qaldıq. Şın mäninde Marat Täjin mırza aqparat qwraldarına tartıp jürgen pikirleri men swhbattarı beriletin azamattardıñ  tizimi jañartılsa degendi ayttı. Öytkeni,  bizde qanday da bir mäselege qatıstı pikir  bildiretin  twlğalardıñ sanı sanaulı. Biz olardı qayta-qayta baspasözge, efirge şığara beremiz. Bizde ärtürli taqırıptar jöninde  bir adam pikir bere saladı. Ol  birde auılşaruaşılığı jöninde, birde ekonomika,  birde sayasat,  birde medicina, birde äleumettik jağday, tağı birde äkimşilik  reforma  turalı  pikir bildirui mümkin. Negizi belgili bir taqırıp jöninde pikir bildirip, oy bölisuge  sol salanı zerttep jürgen nemese sol ispen käsibi türde şwğıldanıp jürgen  mamandardı  tartuımız kerek. Memlekettik hatşınıñ aytqan ıosı bolatın. Al, bwl pikir men kelispeuge bolmaydı. Rası solay.

Bizde türli taqırıptarda söyleytin  birneşe belsendi  deputat bar. Sanı da köp emes. Olar biliktiñ poziciyasın  jaqtaymız dep barlıq taqırıptarğa pikir ayta beredi. Mal qırılıp jatsa da, latın qarpi mäselesi köterilse de,  terrorizm jöninde äñgime bolsa da, qısqası kez-kelgen taqırıptarda teledidar ekrandarı men  gazet betterinen tüspeytin sanaulı azamattar bar.  Al, şın mäninde  olardan bölek  mwnday taqırıptarmen aynalısıp, zerttep-zerdelep jürgen sarapşılar  bar ğoy. Olar qayda? BAQ olardı nege tartpaydı pikirtalas alañdarına? Mäselen, oralmandar  mäselesi jöninde Semeyde BWW-nıñ arnayı  bağdarlaması boyınşa 10 jıldan astam jwmıs istep  jürgen birazamat bar. Biraq, oralmandardıñ mäselesi boyınşa onıñ  efirden söylegenin nemese basılımdarğa bergen swhbatın  körgen joqpız.  Bwl bir ğana mısal. Biz  qanday da bir salada mamandanıp, sol salanıñ bilgiri bolıp alğan azamattardıñ pikirin eskermeymiz. Ekinşiden, soñğı  tört-bes jılda  bizdiñ aqparat qwraldarı işki sayasattağı jaña bir bağıttardı nasihattau kezinde  Mäskeuden kelgen ortanqol birneşe sarapşını söyletu ädeti payda boldı. Baspasöz ben efirden solar tüspeytin boldı. Elimizdegi jağday turalı aydaladağı Mäskeuden kelgen, ortaşa deñgeydegi sayasattanuşılar qalay saraptaydı?! Öziñiz  aytıñızşı. Olar äri ketse Astana men Almatını ğana kördi. Oblıstardağı, audandar men auıldardağı jağdayı körip, tanıstı degenge öz basım senbeymin. Bizge jetpegeni solar edi. Bizdegi sayasattanuşılar, sarapşılar qayda?!

Öz basım jüzge juıq jigitterdi bilemin.  AQŞ-ta, Japoniyada jäne basqa elderde bilim alğan. Olar qazaqşa da,  orısşa da,  ağılşınşada biletin, köptegen taqırıptardı jetik meñgergen azamattar. Mısalı, Daniyar Qosnazarov degen jigitti bilemin. Japoniyada tanısqam. Qazir elge kelip, jwmıs istep jatır. Japon aqparat qwraldarın qaraydı, ağılşın tilindegilerdi oqidı,  Türik tilindegi aqparatqwraldarın da nazardan tıs qaldırmaydı. YAğni, jan-jaqtıjigit. Köptegen tilderdegi aqparat qwraldarındağı derekter oğan qoljetimdi bolğandıqtan, ol türli mäselelerge neğwrlım tereñirek  üñile aladı. Nege biz osınday mamandardı aqparat qwraldarında  pikir bildiruge tartpaymız? Memlekettik hatşı Marat Täjinniñ aytqan wsınıstarı osınday jağdaylarğa qatıstı edi.  Memlekettik hatşı qoğamda tanımal bolıp, biliktiligi men elge belgili bolğan  twlğalardı  dästürli aqparat qwraldarınıñ alañına  jii-jiişaqıra bermeudi ayttı. Öz basımTäjinniñ bwl pikirlerin  birinşi kezekte  dästürli aqparat qwraldarınan göri, internettegi bloggerler qoldaytın şığar dep oylağan edim.  Äleumettik jelide belsendi  äreket etip jürgen azamattar qoldauı kerek edi. Sebebi  memlekettik hatşı dästürli aqparat qwraldarı ökilderiniñ internettegi bloggerlerdi, jaña media  öklderin mensinbeuden arılu kerektigin ayttı. Kerisinşe  dästürli BAQ pen «jaña medianıñ» arasında üylesimdi baylanıs ornatu qajet ekendigin atap ötken bolatın.

Abai.kz

0 pikir