Seysenbi, 10 Jeltoqsan 2019
46 - söz 1673 3 pikir 21 Qaraşa, 2019 sağat 16:15

Mansapqorlar men jağımpazdar - qazaqtı qwrtıp bitedi

Mansapqorlar – qoldarında ülkendi-kişili mansabı barlar.
Jağımpazdar – sol mansapqorlardıñ töñiregin jağalağandar.
Mansapqorlar da, jağımpazdar da – negizinen oqığandardardan, qolına qalam wstağandardan, äyteuir bir önerleri barlardan şığadı.

Atı şulı stalindik qandı qasap kezinde Keñes odağındağı wlttardıñ işinde eñ köp oqqa baylanğandarı, aydalğandarı esepsizi – bizdiñ qazaq eken.
Qaptağan ötirik-şını aralas klassikterimiz biriniñ üstinen biri arız jazıp, wstatıp, aydatıp atqızğandar – swmdığı aqın-jazuşılar körinedi.
Mına özimiz «täuelsizdik jıldarı» dep ataytın 30 jıl işinde şeksiz jağımpazdanğandar sanı – senesizder me, san millionğa jetipti!

Masqara ma, masqara!
Swmdıq pa, swmdıq!

Bwlardıñ kim ekenin qazaq jaqsı biledi. Ana mansapqorlar men jağımpazdar – sol sümelektikteri üşin qazaq halqınan qaşan keşirim swrar eken dep basımızdı bosqa qatırmayıq...

«Bükirdi – kör ğana tüzeydi» dep qazaq danalığında aytılğanday, olar sümelekter bwl Jalğannan sol tüzelmegen küyleri ketedi.
Aldımen orısqa, soñğı jıldarı qıtayğa otar boluğa aynalğan mañdayınıñ sorı bes eli qazağımızdı ana jer qayısqan mansapqorlar men jağımpazdar eşqaşan da qorğamaydı jäne wltqa araşa tüspeydi.
Bwl, aşı da bolsa, aqiqat!

Sonda ne isteu kerek?
Mine, swraqtıñ eñ ülkeni osı, «qalıñ elim, qazağım, qayran jwrtım!..»(Abay).

Jwmaş Kenebay

Abai.kz

3 pikir