Jeksenbi, 8 Jeltoqsan 2019
Mine, äñgime! 1372 25 pikir 13 Qaraşa, 2019 sağat 10:44

Täuelsizdik üşin kürespegen qazaqta ölgen esektiñ de qwnı bolmaydı!

Memlekettiñ täuelsizdigin yağni azattığın jariyalağan negizgi meyramına da bir ayday uaqıt qaldı. Bwl Wlı meyramdı qarsı alauğa biz qalay dayındalıp jatırmız?!

Äleumettik jelide barlığı sayasattanıp ketken. Partiya qwrıp eldi bölu, ne üşin ekeni tüsiniksiz özara küres, qajet bolsa birin-biri atıp-joyu, jer üşin küresip şındıqtı aytqandardı türmege qamau, şette jürgenderdiñ aytağına alaswrıp aynalanı töñkerip jiberuge dayındıq, el men jerdi  tügeldey şetelge satumen aynalısu, jeke basqa jappay tabınu, ayaq alıp jürgisiz korrupciya, ana tildiñ qasietin tüsinbey basqalarğa eliktegen qwldıq sana...

Osınıñ bäri Wlttıq memlekettiñ wstanımdarına kereğar, qazaq özin-özi bilegen soñğı 30 jılda payda bolğan keleñsiz qwbılıstar. Bwdan şığatın qorıtındı – ol Qazaq özin-özi bilep, örkenietti memleket qwruğa dayın emes...

Örkenietti memleket degen – ol qoğamdağı barlıq wlt pen din ökilderi, sayasi ağımdar... arasındağı mäseleler özara ädiletti zañmen kelisilgen, ortaq mäselelerdi beybit şeşetin mädenietti qauım.

Qazaqstandağı twraqtılıq pen qoğamnıñ mädenieti aldımen memleket qwruşı Qazaq wltınıñ ana tili men dästürin qwrmettep, onıñ wrpaqtarınıñ negizgi maqsatı memleket müddesi üşin küresinde.

Sonımen qatar qoğamdağı birlik, aldımen qazaqtıñ özara wlttıq birtwtastığı, barlıq qazaqstandıqtardı aynalasına biriktirui jäne türki halıqtarın biriktiru üşin küresimen anıqtaladı.

Otandı süyu – ol memleket müddesi üşin küres yağni elge qauip töngende, qajet bolsa qolğa qaru alıp onı qorğau.

Bügingi qazaq üşin negizgi küres ana tilin qoğamnıñ barlıq salasına endirip, jerin saqtau jäne memleketti damıtu!

Osı üş mäseleni tüsinbegen adam otandı süye almaydı yağni wltınıñ patriotı bola almaydı.

Qazaq wltın süyip, onıñ bolaşağı üşin bir adamday küreskende ğana, el birligi nığayıp, berekeli qoğamğa aynaladı.

Är adamnıñ ana tili men otanı bar. Adamnıñ  bodan men qwldan ayırmaşılığı, - ol Ana til, Jer, Otan üşin kürese aladı. Ol ömirdiñ mänin anıqtaytın azattıq jäne ädildik üşin qasietti küres!

Wltımızdıñ barlıq wlı qasietterin boylarına jinağan alaşordalıqtar Qazaq eliniñ azattığı jolında soñğı demderi qalğanşa küresti.

Olar orınday almay ketken maqsat-mwrattarın iske asıru bügingi wrpaqtıñ mindeti.

Bwl joldan auıtqığan adamda ne halıqta qasiet bolmaydı.

Qasietinen ayırılğan qoğam tili men jeri yağni otbası men Otanınıñ bolaşağı üşin kürese almaytın qwl.

Bodannan qwl, qwldan jetesiz wl tuadı yağni bwl mäñgürttik qoğamnıñ formulası.

Qazaq, «qwm jinalıp tas bolmas, qwl jinalıp el bolmas» deydi. Qwl jinalsa tobırdı, adam jinalsa wlttı qwraydı. Wlt örkenietti memleketi qwradı.

Tobırdan wltqa ötetin kezeñdegi qauımdı halıq dep ataydı. Qasietti Qwranda, «halıq Qwdaydıñ bir atı» degende, onıñ azattıq üşin birigip kürese alatın yağni adamdıq qasietin aytqan bolu kerek.

Wlttıq sana men alğaşqı qauımdıq kezdiñ rudimenti ru-taypalıq sananıñ arası jer men köktey.

Babalarımız Kök türikter älemdegi jalğız memleket - «Mäñgi El» qwrdı. Bügingi wrpaqtıñ mindeti onı damıtu.

Halıq pen wltqa jat, ru-taypalıq sana - ol qwldarğa tän. Otarlauşılardıñ «bölip al da biley ber» degen formulası bastarı birikpeytin osınday qwldardan twratın qauımğa arnalğan.

Täuelsizdik üşin yağni wlttıq memleketimizdiñ bolaşağı üşin küres – ol otbası, Otan, Ana til, Atameken-Jerimiz, dästür men mädeniet jäne örkenietti memleket qwru üşin küres! Kürespegen qazaqta ölgen esektiñ de qwnı bolmaydı!

Qazaq, nadan men naqwrıs, satqın men qañğıbastarğa des bermeydi. Qazaq, wlı Möde qağannıñ, «Jer memlekettiñ negizi» degen qağidasın wstanıp, jeri üşin küresedi. Qazaqta, elin qorğamaytın wl, arın ardaqtamaytın qız bolmaydı. Qadir-qasieti joq adam Täuelsizdiktiñ mänin tüsinbes.

Täuelsizdik – ol Qazaqtıñ wlttıq memleketi. Ol üşin küres- ol Wlt bolaşağı, wlı armanı üşin küres!

Janwzaq Äkim

Abai.kz

25 pikir