Düysenbi, 18 Qaraşa 2019
556 5 pikir 8 Qaraşa, 2019 sağat 15:54

Aqtöbede belsendi Älibek Moldin 15 künge qamaldı

7 qaraşada Aqtöbeniñ äkimşilik sotı jergilikti belsendi Älibek Moldindi 15 täulikke qamadı. Bwl turalı Aqtöbe oblıstıq sotınıñ baspasöz qızmeti habarladı.

Sottıñ mälimetinşe, Älibek Moldin Qazaqstandağı "Qıtay jobalarına qarsı mitingige" şıqqanı üşin - bes täulik, "policiyağa bağınbağanı üşin" on täulik äkimşilik jazağa tartılıp, barlığı 15 täulikke qamalğan. Sot qwjatında Moldinniñ 3 qırküyekte Aqtöbede jergilikti äkimdik ğimaratınıñ aldında "Qıtay ekspansiyasına jol joq" degen jazuı bar plakat wstap, 'Qazaqtar, oyanıñdar" dep ayqaylağanı, 7 qaraşada policiyanıñ "zañdı talabına bağınbağanı" jazılğan.

Moldinniñ qamalğanın onıñ äyeli Jadıra Nwğımanova da rastadı. Nwğımanovanıñ sözinşe, policiya Älibek Moldindi 7 qaraşa küni tañğı sağat 7-de oquşı qızın mektepke şığarıp salıp twrğan jerinen wstap äketken.

- Küyeuime tört adam jabılıp, kölikterine küşpen otırğızğan. Basında onı bilgen joqpız. Kidirgen soñ alañday bastadım. Mektepke barıp, auruhana men policiyağa habarlastım. Policiyadağılar "küyeuiñiz Zauıt policiya böliminde, sälden soñ äkimşilik sotqa aparadı" dedi. Sotta küni boyı as-susız jürip, üyime keşki 8-de kelip otırmın. Policiyağa bağınbadı degeni jala. Tört adam aldı-artına qaratpay alıp ketse, qay kezde qarsılıq körsetedi? - deydi Jadıra Nwğımanova.

Osıdan bir apta bwrın Älibek Moldinniñ üstinen QR Qılmıstıq kodekstiñ 131-babınıñ 2-böligi ("Qorlau" babı) boyınşa qılmıstıq is qozğalğanı belgili bolğan. 7 qaraşada tüsten keyin Aqtöbe qalalıq sotı Älibek Moldinniñ üstinen qozğalğan qılmıstıq isti qarauğa kirisui tiis edi. Biraq sot otırısı bastalğan kezde advokat Seysenbay Dilmanov Moldinniñ äkimşilik sotta ekenin, öziniñ nauqastanıp twrğanın aytıp, isti keyinge qaldırudı ötindi. Taraptar kelisimimen sot Älibek Moldin isin qaraudı keyinge qaldırdı.

Qılmıstıq istiñ qozğaluına Moldinniñ üstinen köp balalı segiz äyeldiñ şağım tüsirui negiz bolğan. Jäbirlenuşilerdiñ biri Janar Qwlmambetova "Moldin äleumettik jelidegi paraqşasında köp balalı äyelderdi tildedi" deydi. 7 qaraşada sot zalında belsendi Moldinniñ jaqtastarı da boldı. Olar mwnı "tapsırıspen wyımdastırılğan is" dep sanaydı.

Abai.kz

5 pikir