Республика көлемінде қыркүйек айының 1-30 аралығында «Абайлаңыз – балалар!» жедел-профилактикалық іс-шарасы өткені белгілі.

Аталмыш шара аясында ағымдағы жылдың 1 қазан күні мектепке дейінгі білім беру ошағы, яғни «Ботақан» балабақшасының «Құлыншақ» тобында Қызылорда қаласының Полиция басқармасы ювеналды полиция бөлімшесінің аға учаскелік полиция инспекторлары полиция капитаны Әлия Нұрмағанбетова және полиция майоры Ғалия Ережееваның ұйымдастыруымен «Жол ережесін білейік, аман-есен жүрейік!» атты интерактивті ашық сабақ өтті.

Сабақта қауіпсіз жаяу жүргіншілер ережелері, жол белгілерін білуі бойынша көріністер көрсетіп, түсіндірме жұмыстары жүргізілді. Іс-шараның соңында белсенді қатысқан кішкентай бүлдіршіндерге  ювеналды полиция бөлімшесінің бастығы полиция капитаны Нұрлыхан Рахменшиев алғыс хаттарымен және сыйлықтармен марапаттады.

Abai.kz