Жер сілкінісі жергілікті уақыт бойынша сағат 13:07-де болды. Қуаты 6,9 магнитудаға жеткен зілзала ошағы Ауғанстан аумағында, жердің 180 шақырым тереңдігінде тіркелді.

Жер сілкінісі Шымкентте 3-4 балл, Таразда 3 балл шамасында сезілді.

АҚШ геологиялық қызметінің (USGS) мәліметіне қарағанда, Гиндукуш тау сілемдерінде тіркелген жер дүмпуінің күші 6,1 балл болған. Оның әсері Ауғанстан астанасы Кабулда, сонымен бірге Тәжікстан, Пәкістан және Үндістанда сезілген.

Пәкістандық Dawn газетінің хабарлауынша, жер сілкінісі салдарынан үйдің шатыры опырылып түсіп, бір баланы басып қалған. Пәкістанның басқа да аудандарында кем дегенде 15 адам жараланған.

Оңтүстік Қазақстан облыстық төтенше жағдайлар департаментінің мәліметінше, зардап шеккендер мен бүлінген нысандар туралы ақпарат түспеді.

Abai.kz