"Астана ЭКСПО-2017" ұлттық компаниясы басқармасы төрағасының орынбасары Ербол Шормановтың хабарлауынша, Қазақстанда өтетін "ЭКСПО-2017" халықаралық көрмесінің 500 мың билеті қытайлық туристерге сатылмақ екен. Бұл жөнінде Sputnik басылымы хабарлады.

Шормановтың айтуынша, жалпы болжам бойынша көрмеге 5 миллионнан астам адам келеді, оның 85%-ы қазақстандықтар, ал 15%-ы шетелдік азаматтар. Бүгінде қазақстандық туркомпаниялармен 74 мың "ЭКСПО" билеттерін сатып алу жөнінде бес келісімшарт жасалған.

Шорманов Қазақстан мен Ресей арасындағы өңіраралық ынтымақтастық форумының панелдік сессиясында: "Қытайдағы үш жетекші туроператорлармен жүргізіліп жатқан ҚХР-ға 500 мың билет сатып алу жөніндегі келіссөздер аяқталуға жақын," – деді.

Abai.kz