Теріскейліктер  аудан орталығында ауылшаруашылық өнімдерінің жәрмеңкесі ұйымдастырды. Он екі ауыл округінің шаруалары өздері шығарған өнімдерді аудан халқына тиімді бағада ұсынды.

Аудан әкімі М. Исаев барша еңбек адамдарын атаулы күнмен құттықтап, бірқаттар озат жандарға алғыс хат тапсырды. Қызылкөл елді мекеніндегі «Қайрат» балабақшасының басшысы, еңбек озаты Н. Төлеуова барша аудан халқын құттықтап, талмай еңбек етуге шақырды. Мерекеге орай безендірілген орталық алаңда аудандық мәдениет үйі қызметкерлері қойған концерттік бағдарламаға ұласты.  

Айта кету керек, Созақта мүйізді ірі қара 761, майда мал – 4600, жылқы – 326, түйе-76 басты құрап, өткен жылмен салыстырғанда біршама арытқан. Мал азығын дайындау бойынша 108 пайызға  орындалған. Кәсіпкерлік саласы бойынша 5 аралас сауда дүкені халыққа қызмет етіп келеді. «Катко» қазақ француз біріккен кәсіпорны 800 мың теңгеге балаларға ойын алаңшасын салып берген. Сондай-ақ аталған шетелдік компания атаулы күндері «Алтын», «Күміс» алқалы аналарға 200 мың теңге көлемінде, ал, қарттар және мүгедектерге 1 қап ұн мен қысқы маусымда әр отбасыға 2 тонна қатты отынмен қамтамасыз еткен.

Білім саласында 2 оқушы үздік аттестат иеленіп, 10 оқушы жазғы демалыс лагеріне демалып қайтқан. Ауылдық емхана жоспар бойынша жұмыс жасап, биылғы жылы сары ауру мен бруцеллез ауруы тіркелмеген. Биылғы жылы ауыл округ бойынша бірде бір қылмыс тіркелмеген.

Abai.kz