ҚЫТАЙЛЫҚТАР 360 САҒАТТА 30 ҚАБАТТЫҚ ҮЙ ТҰРҒЫЗДЫ
Қытайлық Broad Group компаниясы 360 сағатта, яғни 15 күн ішінде 30 қабаттық үйді салып шыққан. Бұл туралы massaget.kz сайты жазған.
Үйдің жалпы ауданы - 17000 шаршы метр. Бұндай жылдамдыққа олар модульдік құрылыс технологиясын пайдалану арқылы қол жеткізген.
Айта кетелік, бұл технология алғаш Еуропа елдерінде қолданыла бастаған. Бұл әдіспен салынған үйлердің ерекшелігі - құрылыс кезінде тым көп энергия қажет болмайды, үйлер берік болады - 9 балдық жер сілкінісіне төтеп бере алады. Ал желдету жүйесі ғимарат ішіндегі ауаны сырттағыдан 20 есе таза қалпында ұстай алады екен.
Абай-ақпарат