«Қазақстанның тұрғын үй құрылыс жинақ банкі» АҚ-ның қатысуымен баспаналы болған отбасылардың қуанышын бөлісуді жалғастырамыз. Бұл жолғы кезек Ақтөбе қаласының тұрғындарында.

Ақтөбеде «Нұр Ақтөбе» атты жаңа тұрғын ықшам ауданы ашылған болатын.

Осын жаңа ауданнан 69 отбасына пәтер кілттері бұйырған болатын.  Пәтер кілттеріне ие болған 69 отбасының отыз бірі — 2013 жылы бастау алған «Барлық санаттағы қолжетімді баспана» (алдымен жалға берілетін, кейін сатып алынатын) бағыты бойынша бағдарламаның қатысушысы. Қалғаны бағдарламаның талаптарына сәйкес, уәкілетті мемлекеттік органда тиісті құжаттары тіркеуден өтіп, екінші қайтара төлем қабілеттілігі расталған тұлғалар.

Бүгінде өз шаңырағында шаттық бөленіп отырған Гүлмира Жұмағалиева былай дейді:

— Үш жыл бойы жиған-тергенімізді тұрғын үй құрылыс жинақ банкіне салып отырдық. Жолдасым екеуміз сауда желісінде жұмыс жасаймыз. Екі баламыз бар. Қазір, міне, бір бөлмелі пәтерде тұрып жатырмыз.

Абай-ақпарат.