"Шығыс-ақпараттың" хабарлауынша, Өскемендегі аялдамалардың бірінің атауы  "Кахахстан" деп жазылған.  Бұл – Өскемендегі «Кахахстан», кешіріңіздер, Қазақстан көшесіндегі аялдамалардың бірінің маңдайшасындағы жазу. Қаланың қақ ортасындағы көшенің бойындағы өрескел қате. Иә, бұған дейін де мемлекеттік тілдегі талай қатені көргенбіз. Алайда басқа-басқа, мемлекеттің атауын осылайша қате жазғанды алғаш көруіміз.

Қала тұрғындарының айтуынша, аялдама маңдайшасындағы қате жазудың ілініп тұрғанына он күнге жуық уақыт өткен. Алайда селт еткен ешкімді байқамадық. Тым-тырыс. Маңдайшадағы жазуға тапсырыс берген Өскемен қалалық кәсіпкерлік және тұрғын үй коммуналдық шаруашылық бөлімдері де, мұны қадағалауға тиіс қалалық мәдениет және тілдерді дамыту бөлімі де аузын буған өгіздей үнсіз. Әлде, бұл мәселенің оларға қатысы жоқ па?

Айтпақшы, бұл жерде бір емес, екі бірдей қате кеткен. Байқасаңыз, аялдаманың маңдайшасындағы жазудың мемлекеттік тілдегі мәтіні жоқ, тек орыс тілінде жазылған. Сондықтан құзырлы орындар осы мәселеге тез арада назар аударып, тиісті шешім қабылдар деген ойдамыз.

Abai.kz

"Шығыс-ақпараттың" хабарлауынша, Өскемендегі аялдамалардың бірінің атауы  "Кахахстан" деп жазылған.  Бұл – Өскемендегі «Кахахстан», кешіріңіздер, Қазақстан көшесіндегі аялдамалардың бірінің маңдайшасындағы жазу. Қаланың қақ ортасындағы көшенің бойындағы өрескел қате. Иә, бұған дейін де мемлекеттік тілдегі талай қатені көргенбіз. Алайда басқа-басқа, мемлекеттің атауын осылайша қате жазғанды алғаш көруіміз.

Қала тұрғындарының айтуынша, аялдама маңдайшасындағы қате жазудың ілініп тұрғанына он күнге жуық уақыт өткен. Алайда селт еткен ешкімді байқамадық. Тым-тырыс. Маңдайшадағы жазуға тапсырыс берген Өскемен қалалық кәсіпкерлік және тұрғын үй коммуналдық шаруашылық бөлімдері де, мұны қадағалауға тиіс қалалық мәдениет және тілдерді дамыту бөлімі де аузын буған өгіздей үнсіз. Әлде, бұл мәселенің оларға қатысы жоқ па?

Айтпақшы, бұл жерде бір емес, екі бірдей қате кеткен. Байқасаңыз, аялдаманың маңдайшасындағы жазудың мемлекеттік тілдегі мәтіні жоқ, тек орыс тілінде жазылған. Сондықтан құзырлы орындар осы мәселеге тез арада назар аударып, тиісті шешім қабылдар деген ойдамыз.

Abai.kz