Ереванның орталығында «Армения» блогы жалпыұлттық қарсылық қозғалысының басталғанын жариялады. Арменияның экс-президенті Роберт Кочарян бастаған саяси бірігудің ауқымды шарасы 2020 жылдың күзінде Қарабақтағы соғыстың аяқталғанының бір жылдығына орайластырылған. Акция бір минут үнсіздікпен басталды. Қатысушылар 44 күнге созылған соғыста қаза тапқандарды еске алды.

Парламент спикерінің орынбасары, «Армения» фракциясының депутаты, «Дашнакцутюн» Жоғарғы органының өкілі Ишхан Сагателян жиналғандарға күрес ұзаққа созылатынын, «Армения» блогының штаб-пәтері барлық аймақтарда ашылатынын айтты. Ол кез келген армянның ұлттық қозғалысқа мүше бола алатынын да жасырмады. Жақын арада штабтың мекен-жайлары туралы толық ақпаратты таратамыз деп отыр.

Қозғалыс ішкі және сыртқы деп екіге бөлініп, ел ішінде және шетелде жұмыс істемек. Мақсаты Пашинян билігін тақтан тайдыру.

Abai.kz