ЫСТАМБҰЛ. 5 наурыз. BAQ.KZ - Түрік елінде оқып жатқан қазақ жастары арасынан ең үздік екі студентке жақын күндері Алаш ардақтылары - Әлихан Бөкейхан мен Мұстафа Шоқай атындағы шәкіртақы тағайындалатын болады. Бұл туралы Түркиядағы қазақ жастарының «Сана» интеллектуалдық клубының жетекшісі Ержан Қалымбайұлы мәлімдеді.

ЫСТАМБҰЛ. 5 наурыз. BAQ.KZ - Түрік елінде оқып жатқан қазақ жастары арасынан ең үздік екі студентке жақын күндері Алаш ардақтылары - Әлихан Бөкейхан мен Мұстафа Шоқай атындағы шәкіртақы тағайындалатын болады. Бұл туралы Түркиядағы қазақ жастарының «Сана» интеллектуалдық клубының жетекшісі Ержан Қалымбайұлы мәлімдеді.

Бұдан бұрын хабарлағанымыздай, жақында Ыстамбұлда қазақ жастарының ұйымдастыруымен "Сана" атты интелактуалдық клуб құрылған болатын. Клубтың басты мақсаты студенттер арасында байланысты күшейту, сапалы білім алуларына жағдай жасау болып табылады. Клуб төрағалығына қазірде Түркияда білім алып жатқан қазақстандық журналист Ержан Қалымбай сайланған.

Аталған клуб жақында Әлихан Бөкейханның туған күні қарсаңында келелі кеңес өткізіп, сол жиында өткен ғасырдың басында қазақтың есіктегі басын төрге сүйреген Алаштың текті ұлдары туралы терең һәм тағлымды әңгіме қозғалды.

Кешті қорытындылаған Түркиядағы қазақ жастарының «Сана» интеллектуалдық клубының жетекшісі Ержан Қалымбайұлы «Қазір түрік елінде оқып жатқан қазақ студентерінің арасынан ең үздік екеуін анықтап, оларға арнайы шәкіртақы тағайындау жайын қарастырып жатырмыз. Оның бірі - Алаш ардақтысы Әлихан Бөкейхан атындағы, екіншісі-Мұстафа Шоқай атындағы шәкіртақы болады» деді.