Әлемде коронавирустың жаңа мутациясы пайда бола береді. Бұл туралы Дүниежүзілік Денсаулық сақтау ұйымы мәлімдеді.

«Мутация - бұл табиғи процесс. Бұл вирустың өзіне әсер етпейді, бірақ біз бұл нұсқаларды, оның ішінде олардың таралуы тұрғысынан зерттеуді жалғастыруымыз керек», - деді ДДҰ-ның төтенше жағдайлар бөлімі техникалық тобының жетекшісі Мария Ван Керхове.

Ол ДДҰ осы мәселе бойынша әлемдегі ғалымдармен байланысты жалғастыра беретіндігін айтты.

Ұйымның басшысы Тедрос Адханом Гебресиес, сонымен қатар, 2021 жылы адамзат коронавирустың жаңа нұсқаларына тап болатындығын атап өтіп, елдерді жаңа штамдар туралы ақпаратты ДДҰ және басқа мемлекеттермен жедел бөлісуге шақырды.

Abai.kz