Өткен жексенбіде Әзірбайжан мен Армения арасындағы шиеленіс қайта ушықты. Әзірбайжанның Товуз ауданы мен Арменияның Тавуш облысы шекараласатын жерде қарулы қақтығыс болды. Екі жақтан да әскерилар қаза тапты. Баку ақпаратына сәйкес, 11 әзірбайжандық әскер қаза тапқан. Олардың арасында генерал-майор Полад Хашимов та бар.

Армения тарабы төрт сарбаз қайтыс болып, оны жараланғанын мәлімдеді. Аптаға жуық уақыт өтсе де, тараптар арасындағы қақтығыс әлі басылған жоқ.

Бүгін Әзірбайжан Қорғаныс министрлігінің баспасөз хатшысы Вагиф Даргяхлы Арменияның Атом электр станциясын зымыранмен атқылаймыз деп сес көрсетті.

«Армения тарабы біздің армияда жаңа зымыран жүйелері бар екенін ұмытпауы тиіс, егер Мецамор Атом электр станциясын атқыласақ, Армения үшін үлкен апат болады», - деді Даргяхлы.

15 шілдеде таңертең Әзербайжан билігі Арменияның тағы бір әскери нысанының көзін жойғанын хабарлады.

Ал Арменияның сыртқы істер министрлігі 14 шілдеден 15 шілдеге қараған түні екі елдің шекарасында артиллерия қолданылмағанын хабарлады.

Армения қорғаныс министрлігінің баспасөз хатшысы Шушан Степанянның айтуынша, 14 шілдеде Арменияның қарулы күштері Әзербайжанның екі қашықтан басқарылатын ұшағын атып түсірген.

Осыған дейін Түркия президенті Режеп Тайып Ердоған Әзірбайжанды қолдайтынын айтып, Арменияны айыптап сөйлеген.

«Арменияның соңғы шабуылдары екі елдің мемлекеттік шекарасында Арменияның ауыр қару қолдануымен болды. Яғни, бұл шекараны немесе қақтығыстарды бұзу әрекеті емес, Әзірбайжанға қарсы қасақана ашық агрессия»,- деген болатын Ердоған.

Артынан іле-шала Түркияның Қорғаныс министрі ХулусиАкар да мәлімдеме жасап, Түркия армиясы Әзірбайжанды қолдайтынын айтқан.

«Біз армян тарапының шабуылдарын қатаң айыптаймыз. Әзірбайжанның қасіреті біздің де қасіретіміз. Біз бауырлас халқымызға терең қайғырып, қаза болғандардың отбасы мен жақындарына көңіл айтамыз. Түркия мен оның әскері Әзірбайжан жерлерінің бір бөлігін, соның ішінде Таулы Қарабақты басып алған Арменияның агрессиясына қарсы күресте Әзірбайжанға қолдау көрсетуге дайын», - деген министр.

Әзірбайжанның «Жас реформаторлар» қоғамдық бірлестігінің төрағасы Фарид Шахбазлы  (Farid Shahbazli) мырза аталған мәселеге қатысты пікір білдірген болатын.

Халықаралық қауымдастық Арменияның агрессиялық саясатын айыптауы керек!

Фарид Шахбазлы:

- 12 шілдеде Арменияның қарулы күштері атысты тоқтату режимін өрескел бұзып, артиллериямен Әзірбайжан-Армения мемлекеттік шекарасының Товуз бағытында Әзірбайжан қарулы күштерінің позицияларына оқ жаудырды. Әрине, әзірбайжан қарулы күштерінің қайтарған қарсы шабуылдарының нәтижесінде тойтарыс берілді.

Арменияның Әзірбайжанға жасаған агрессиясы мен екі ел шекарасында 30 жылдан бері жалғасып келе жатқан арандатушылықтар, БҰҰ-ның қарарларынан басқа, Армения мүше болып табылатын әскери-саяси ұйымдардың құқықтық құжаттарына қайшы келеді. Осындай әскери авантюралар арқылы ресми Ереван армян-әзірбайжан қақтығысына әскери-саяси ұйымдарды тартуға тырысады.

Елдегі COVID-19-дың кең таралуы аясында, одан да ауыр әлеуметтік-экономикалық проблемалар аясында шиеленістің өсуіне жағдай жасайды және назарды ішкі проблемалардан алшақтатады.

Бұл факт және Арменияның атысты тоқтату ережесін үнемі бұзуы осы елдің саяси элитасының БҰҰ Бас хатшысының коронавирусқа байланысты жаһандық атысты тоқтату туралы бастамасын қолдауы екіжүзділіктен басқа ештеңе емес екенін тағы да дәлелдейді. Сондықтан халықаралық қауымдастық Арменияның Әзірбайжанға қарсы агрессиялық саясатын және шекарадағы арандатушылық әрекеттерді қатаң айыптауы керек деп санаймын.

Кешелі бері ондаған мың адам бүкіл елде Әзірбайжан армиясына қолдау көрсету үшін митингілер өткізе бастады. Біздің мемлекетіміз бен халқымыз Әзірбайжан территорияларын мерзімінен бұрын басып алуды талап етеді. Біз проблеманы бейбіт жолмен шешуді 30 жылға жуық уақыт күттік. Халықаралық құқықты бұзғымыз келмейді. Бірақ шыдамымыз таусылды. Әзірбайжан армиясы - аймақтағы және әлемдегі ең күшті армиялардың бірі. Біздің халқымыз Қарабахқа ешқандай жеңілдік жасамайды. Егер мәселе қысқа мерзімде бейбіт жолмен шешілмесе, Әзербайжан өз жерлерін күшпен босатуға бел буады.

Өздеріңіз білесіздер, БҰҰ Жарғысын және халықаралық құқықтың басқа міндеттемелерін өрескел түрде бұзған Армения Әзірбайжанға қарсы әскери агрессия жасап, Әзірбайжанның Таулы Қарабах аймағын және оған іргелес жатқан жеті аймақты басып алды. БҰҰ Қауіпсіздік Кеңесінің 822, 853, 874 және 884 қарарлары армян әскерлерінің Әзірбайжанның басып алынған жерлерінен толығымен және даусыз шығарылуын талап ететініне қарамастан, армян жағы қақтығыс аймағында да, әзірбайжанның басқа да бағыттарында атысты тоқтату режимін үнемі бұзып келеді.

Арменияның шекарада жасаған арандатуы, нәтижесінде Әзірбайжан армиясының әскери қызметкері қаза болды. Бұл ресми Ереванның Армения-Әзірбайжан қақтығысын келіссөздер арқылы реттеуге бейтарап екендігінің тағы бір дәлелі.

Қазақстанның ұстанымы:

Қазақстан Ресубликасы өзінің сыртқы саясатында көпвекторлы бағыт пен бітімгерлік позицияны ұстанатындағы мәлім. Осыған сәйкес ҚР СІМ аталған дауға қатысты арнайы мәлімдеме жариялап, «қақтығысты шешудің бейбіт жолдарын іздеуге барынша жәрдемдесуге дайын» екендігін мәлімдеді.

ҚР СІМ мәлімдемесі

Қазақстан Республикасы адам өліміне әкеліп соққан Әзербайжан-Армения шекарасында болған қарулы қақтығысқа алаңдаушылық білдіреді.

Достас Әзербайжан Республикасы мен Армения Республикасын даулы мәселелерді шешуде ұстамдылық танытуға және күш құралдарын пайдаланудан бас тартуға шақырамыз.

COVID-19 пандемиясы мен әлемдегі әлеуметтік-экономикалық жағдайдың нашарлауы аясында қақтығыстың одан әрі өршуі күтпеген теріс салдарға әкелуі мүмкін.

Бейбітшілік пен келісімге, ең алдымен, екіжақты форматта тез арада қол жеткізетініне үміт артамыз. Халықаралық ұйымдар шеңберінде, БҰҰ, ЕҚЫҰ, ТМД, АӨСШК алаңдарыда қақтығысты шешудің бейбіт жолдарын іздеуге барынша жәрдемдесуге дайынбыз.

Abai.kz