Juyrda redaksiyamyzgha Shyghys Qazaqstannan eki birdey hat keldi. Portalda jariyalap, shyghystaghy júrttyng ýnine ýn qosuymyzdy súrapty. Biz hattyng mazmúnymen tanysyp shyqtyq. Múnday manyzdy mәselede Alashtyng altyn minberi bolghan Abai.kz portaly ýnsiz qalghan emes, qalmaydy da.

Ýshbu hatqa oralayyq, eki hat ta ShQO-ny basqaryp otyrghan Danial Kenjetayúly Ahmetovting atyna joldanypty. Endi solardy ret-retimen jazayyq.

Altaydaghy aghayyn el qala atauyn Usti-Kamenogorsk degen tilge bóten, kirme ataudan aryltyp, Semeydegi әuejaygha Álihan Bókeyhan esimin berudi súrapty.

Usti-Kamenogorskke – Qabanbay batyrdyng esimi berilsin

Áuelgi hat Semey aimaqtyq «Aq jol» partiyasynyng tóraghasy Rahat Altaydan keldi. Onda Usti-Kamenogorsk degen oryssha ataudan arylyp, qalagha Qabanbay batyrdyng esimin berudi súrapty.

Usti-Kamenogorsk degen orystyng atauy ekenin jaqsy bilesizder. 1720 jyly M.Liharev bastaghan reseylik ekspedisiya kelgen. Sóitip, Ýlbi ózenining Ertiske qúighan jerinde Usti-Kamenogorskaya degen bekinis salady. Búl sóz «ustie kamennyh gor» tirkesinen alynghan eken. Jergilikti qazaqtar búl ataudy Óskemen dep atap ketken. Mine, Rahat Altay bastaghan shyghystaghy bir qauym el osy bir kirme ataudan Ruhany janghyru jylynda arylmaghanda, endi qashan qútylmamyz, dep otyr.

Semeydegi әuejaygha Álihan Bókeyhannyng aty berilsin

Odan keyingi hat ta Danial Kenjetayúlynyng atyna baghyttalypty. Onda Alashtyng astanasy bolghan Semey qalasyndaghy әuejaygha «Alashorda» nemese Alashorda kósemi bolghan Álihan Bókeyhannyng esimin berudi súraghan. Hattyng mazmúny mine:

Qúrmetti Danial Kenjetayúly!

-Siz, Qazaqstan Respublikasynyng Ýkimetin basqarghan sayasy túlghasyz. Shyghys Qazaqstan oblysyna әkim bolyp halyqqa qyzmet atqaryp jatqanynyzgha da biraz uaqyt boldy. Osy kezende Semey qalasynyng abattanyp, ekonomikasynyng damuyna ýnemi qoldau kórsetip kelesiz. Ótken jyly «Alash» partiyasynyng 100 jyldyq merekesi qarsanynda Sizding qoldauynyzben Álihan Bókeyhannyng eskertkishi qalamyzda ornady. Elbasy N.Á.Nazarbaev ta «Alash arystarynyng enbegin halyqqa nasihattau perzenttik paryzymyz», - dep biyik minbelerden neshe mәrte aitqanyna halyq kuә. Semey qalasynyng әkimining orynbasary N.V.Sharova hanym Semey qalasyndaghy әuejaygha at beru turaly mәsele boyynsha el aghalaryn kensesine shaqyryp kenes ótkizdi. Jinalghandar Semey, Abay, Álihan Bókeyhan, Alash Orda ataularyn aityp pikir bildirdi. Mәjiliske qatysushylardyng basym kópshiligi «Alash Orda» nemese Álihan Bókeyhan atyndaghy әuejay bolyp atalsyn degen úsynys bildirdi. Búl úsynysty biz de qoldaymyz. Áuejaygha Alash Orda nemese Álihan Bókeyhannyng aty berilgenin qalaymyz.

Hatqa qol qoyghandar:

Núrqasym Q. – Alash arystary qoghamdyq qorynyng tóraghasy;

Gorelinikov Ya.V. – F.M.Dostoevskiy atyndaghy orys drama teatrynyng diyrektory;

Tulekov B.H. – Abay atyndaghy qazaq muzykaly-drama teatyrynyng diyrektory;

Beysenbaev S. – «Aqyldastar» auyl ardagerleri qoghamdyq birlestigining tóraghasy;

Arghynghazin D.S. – Semey qalalyq «Qazaq tili» qoghamynyng tóraghasy;

Rahat Altay – Semey aimaqtyq «Aq jol» partiyasynyng tóraghasy;

Adianov B.T. – Shyghys Qazaqstan oblystyq maslihatynyng deputaty;

Qúsayynov K.M. – Semey qalalyq maslihatynyng deputaty;

Rayymbek tegi K. – «Dostyq» ýiining ardagerler kenesining tóraghasy;

Sadyqov M.M. – Respublikalyq «Aqjoltay» gәzetining jauapty hatshysy;

Merey Qart – QR Jazushylar odaghynyng Semey ónirlik filialynyng tóraghasy.

Abai.kz