Halyqaralyq esirtki tasymalyna reseylik diplomattardyng qatysy bar qylmystyq is jóninde 22 aqpanda belgili boldy. Tergeu 2016 jyldyng jeltoqsanynda bastalghan. Sol kezde Reseyding Argentinadaghy elshisi Viktor Koronelly elshiliktegi mektep aumaghynan poshta arqyly keldi degen belgi bar kýdikti 12 sómke jatyr dep polisiyagha habarlaghan.

Búl is jóninde keyin Argentinanyng qauipsizdik ministri Patrisiya Bullrich baspasóz mәslihatynda tolyghyraq aitqan. Koronelly argentinalyq agentterge sómkedegi zatty tekseru ýshin, mektepting artqy esigining kiltin bergen. Odan 389 keli kokain tabylghan. Onyng qúny Reseyde 50 million euro túruy mýmkin.

Sómkelerding ishindegi esirtkini bir saghattyng ishinde úngha aiyrbastap, olargha GPS-qabyldaghysh ornatyp, onyng kimge tiyesili ekenin anyqtamaq bolghan. Keyin 2017 jyldyng jeltoqsan aiynda ún salynghan sómkeler Reseyge diplomatiyalyq poshta arqyly jetken.

Sol aida Reseyding Qauipsizdik kenesining hatshysy Nikolay Patrushev preziydent Maurisio Makriyding inaugurasiyasyna qatysu ýshin, resmy Argentinagha barghan. Telegraph basylymynyng jazuynsha, Patrushevta qúpiya missiya bolghan – ol "esirtki" bar sómkelerdi Reseyge jetkizu kerek bolghan.Telegraph derekkózining kim ekenin jazbaydy. Búl aqparatty әzirge resmy rastamady.

Osy iske baylanysty alty adam ústalghan. Onyng ishinde elshilikting búrynghy qyzmetkeri, MORAL (Mecenas Ortodoxos Rusos En America Latin, Latyn Amerikasyndaghy orys pravoslaviyalyq mesenattar) da bar.

Resey syrtqy ister ministrligining resmy ókili Mariya Zaharova ótken júma kýni, 23 aqpanda kokain nemese ún diplomatiyalyq poshta arqyly jiberilmedi dep mәlimdedi. Ol kokaindi diplomatiyalyq tólqújaty joq "tehnikalyq qúramnyng qyzmetkeri" jibermek bolghan deydi.

Abai.kz