Qostanay oblysy, Jankeldin audany aumaghynan zymyran qaldyqtaryn qúlatu ýshin 76 myng gektar jer 3 jylgha beriletin bolyp sheshildi dep habarlaydy «Qostanay tany» gazetining tilshisi.

«Býgin Qorghanys jәne aerogharysh ónerkәsibi ministri Beybit Atamqúlov, Qostanay oblysynyng әkimi Arhiymed Múhambetov jәne gharyshker Aydyn Ayymbetovting qatysuymen mәjilis bastalghanyn aitqan bolatynbyz… Jiyn qorytyndysy boyynsha, audangha qarasty Shóptikól mekeninen Reseyding zymyran qaldyqtaryn qúlatugha jer beriletin boldy. Basshylyqtyng aituynsha, qaldyqtar belgilengen jyldar ishinde 8 ret qúlaydy. Sonday-aq, audan budjetine jyl sayyn 151 mln tenge qarjy audarylyp otyrmaqshy. Al irgesine qaldyq tastalatyn Aqkól men Qarasu auyldaryna jedel jәrdem kólikteri bólinip, auyzsu tartylady. Tayau keleshekte sol jerdegi kópirdi jóndeuge de uәde berilip otyr…» deydi gazet tilshisi.

Shaghyn aqparattan kórip otyrsyzdar, zymyran qaldyqtary óte ziyandy bolsa kerek. Aqparattaghy myna joldargha nazar audarayyq: «...irgesine qaldyq tastalatyn Aqkól men Qarasu auyldaryna jedel jәrdem kólikteri bólinip, auyzsu tartylady». Demek, atalghan auyldarda auru-syrqau kóbeyip, el ishin tótenshe dert jaylauy mýmkin. Auyl túrghyndary kenetten úshyp týsui yqtimal. Sol kezde olargha jedel jәrdem kólikteri jiberiledi. Osy jaytke ashynyp әriptesimiz Abylay Maudanov bizge tómendegi jazbasyn jiberdi.

Kókirek uday ashyghan kýn boldy. Aqyry, ýkimdi estip tyndyq. Torghaydyng 76 myng gektar jeri zymyran qaldyqtaryn qúlatu ýshin Reseyge berilipti. Osylay bolaryn, bәrining «joghary jaqtan sheshilip» qoyghanyn ish sezgen edi. Týisik aldamapty.

Basy-qasynda bolghan joqpyz, biraq, kuәgerler arqyly estip jatyrmyz. Sol eldegi «bas kóterer» aqsaqaldardy «kelistirip» tynypty. Asaryn asady, jasaryn jasady degenmen, olardyng da bala-shaghasy bar, «jandy jerin» tapqan da. Vatsaptaghy toptar әlgi aqsaqaldardyn  itterisin basyna qaptap jatyr.

Olardyng ornynda bolsaq, biz qayter edik, bekerge jergilikti halyqty kinalamayyq. Tóbesinen altyn qúisa da, eshkim u jútugha kelispesi haq.  Amalsyz kóndi, dúrysy «kóndirdi» dep bilem. Óre týregeluge Torghaydyng tekti halqy ansap kelgen azattyqtyng jaghasyna jarmaspayyq degen bolar. Amangeldi, Keykilerding úrpaghy búghyp qaldy dep tasada otyryp tas laqtyrmayyq. Aytudan mýiiz shyqsa, oghan deyin de, Keykining aitysynda da Aybek aqyn estir qúlaqqa jeterdey qylyp aitty. Biraq, biz ýmit kýtken qúlaq biteu eken. «Tobyl-Torghay» sayty elden búryn dabyl qaqty. Halyqtyng ýnin jetkizdi der kezinde. Ýn qosqandar, qúlaq asqandar az boldy әtten.

Endi qaytpek kerek? Itke sýiek tastaghanday 152 mln tenge beriledi depti. Áleumettik jaghdayyn dúrystaymyz dep uәde etipti. Endi osy uәdelerding dúrys oryndaluyn qadaghalau bәrimizding mindetimiz. Qarghanghannan, oibaylaghannan eshtene ónbeydi. Jau ketkesin qylyshty qidalaghannan eshtene ózgermeydi.

Zymyran qaldyqtary shynymenen zalalsyz ba? Shynymen de ýsh jyldan keyin qaldyq tastauyn doghara ma? Halyqtyng densaulyghyn túraqty tekserip túra ma? Topyraqqa, auagha, qorshaghan ortagha, jan-januarlar әlemine shynymen ziyan kelmey me? Osynyng bәri jiti nazarda bolu kerek.

Bekem bolayyq bauyrlar, beker shuyldamayyq, desek te, Torghaygha tóngen qaterdi bir sәttik «dem shygharumen» úmyt qaldyrugha bolmaydy! Óndiris jetpegendikten tabighaty taza saqtalghan ólke edi Torghay, ol da kózimizge kóp kóringen eken...

2015 jyly kóktem jaz ailarynda Qostanay men Torghay dalalarynda kiyikter qyrylghan edi...

Abylay Maudanov

Abai.kz