«Arqankergende» 14 shekarashy men ormanshyny ayausyz qyryp saldy dep aiyptalghan Vladislav Chelahtyng qorghaushysy Serik Sәrsenov «Chelah isine» qatysty jana derekterdi úsyndy,-dep habarlaydy «Informburo.kz» portaly.

Serik Sәrsenovting aituynsha, jauapker tarap Chelah isindegi «qisynsyz» sheshimge qatysty shaghymdy BÚÚ-nyng Adam qúqyqtary komiytetine joldaghan.

«Arqankergendegi» qandy oqighanyng jalghyz aiyptalushysy, qatardaghy jauynger Vladislav Chelahtyng qorghaushysy Serik Sәrsenov taratqan aqparatta BÚÚ-nyng Adam qúqyqtaryn qorghau komiyteti Chelah isi boyynsha qorghaushy taraptan týsken shaghymdy qarastyruda. Advokattyng aituynsha, BÚÚ-nyng Adam qúqyqtaryn qorghau komiyteti 2016 jyldyng aqpan aiynda atalghan shaghym boyynsha  sheshim shygharuy tiyis bolghan.

«BÚÚ-nyng bizding aryz-shaghymymyzgha jauaby keluin kýtip otyrmyz. Eger BÚÚ-nyng Adam qúqyqtaryn qorghau komiyteti kepildik qaghazy bizding paydamyzgha sheshiletin bolsa, onda Chelah isine Halyqaralyq  jәne sayasy sipat beruge әbden bolady. Sebebi, búl jerde Qazaqstan Halyqaralyq adam qúqyqtaryn qorghau turaly pakt erejeleri tolyqtay búzylyp otyr. Áriyne, BÚÚ-nyng kepildik qaghazy Chelah isi boyynsha Sot ýkimin ózgertuge esh yqpal ete almaydy. Desek te, búl óz kezeginde Qazastannyng Halyqaralyq arenadaghy bedeli men imidjine aitarlyqtay daq týsiretini sózsiz. Bizding qazirgi kýtip otyrghan qújatymyz, Qazaqstannyng Sot oryndau jýiesi Halyqaralyq adam qúqyqtary, aiyptalushynyng azamattyq jәne sayasy qúqyqtaryn eskermeu, sot oryndau prosessinde birjaqty sheshim shygharu turaly 14-bapty óreskel búzghanyn rastaytyn kepildeme qaghaz. Eger BÚÚ-nyng sheshimi bizding topshylauymyzgha dóp keletin bolsa, Chelahtyng anasy búl rastama arqyly óz qúqytaryn qayta talap etuge mýmkindik alady. Búl jerde Qazaqstan ýkimeti Halyqaralyq qújatty ózi ratifikasiyalap, sol qújatty endi ózi búzyp otyrghanyn kórsetedi»,-deydi advokat Sәrsenov.

Sonymen qatar, advokat Sersenov myrza BÚÚ-nyng jauabynan keyin Chelah isi qayta qaralugha jiberilip qaluy yqtimal ekenin de jasyrmaydy.

«Al negizi BÚÚ-nyng dәl osynday rastamasynan keyin kýmәn keltirgen ister qayta qaralymgha jiberiledi. Al men ózim Chelahpen songhy ret eki jyl búryn kóristim»,-deydi advokat.

Ayta keteyik, ótken jyldyng qazan aiynda BÚÚ-nyng Adam qúqyqtaryn qorghau komiyteti qazaqstandyq «Rembo» - Vladislav Chelahtyng isine qatysty shaghymdy qarastyra bastaghan.

Esterinizde bolsa, 2012 jyldyng 28-mamyry kýni «Arqankergen» shekara beketinde adam aitsa sengisiz jan týrshigerlik qyrghyn oryn alyp, 14 shekarashy men beket manyndaghy ormanshy kisi qolynan qaza tapqan bolatyn. Qazaqstannyng jogharghy tergeu organdary sol qandy qyrghyngha kinәli dep – shekaradaghy shytyrmannan aman qalghan jalghyz sarbaz Vladislav Chelahty aiyptady.

Is boyynsha tergeu amaldary barysynda Chelah 14 sarbaz ben ormanshyny óltirgenin moyyndaghanymen, keyin sózinen ainyp, kinәsin moyyndamaghanyn aitty. Al 2012 jyldyng 11 jeltoqsanynda Chelah 15 adamdy ayausyzdyqpen óltirdi degen aiyppen ómir boyyna bas bostandyghynan aiyrylu jazasyna kesilgen.

Chelah isining kýngirt tústary da joq emes. Osy oqighanyng tónireginde qazaqstandyq jәne әlemdik BAQ betterinde «Chelahtyng qandy qyrghyngha qatysy joq», «Arqankergen isine qatysty tergeushiler shyndyqty jasyryp jýr» degen  maqalalar jariyalandy. Bireuler búl  súmdyqtan  «gomoseksualizmnin» belgilerin bayqasa, endi bireuler mýlde ózgeshe sayasy astar izdedi.  Tipti, jurnalist Bendiskiy, «Esly by sobaky zagovoriliy» degen maqalasynda Chelahty ashyq aiyptap, onyng «gey» bolghanyn da aitty.

Osydan keyin qazaq qoghamyn airan-asyr etken «Chelah oqighasy» taghy bir júmbaqqa kelip tireldi. «Chelah NATO-nyng tynshysy eken» degen de aqparat BAQ betinde jariyalandy. Ghalamtor betinde 14 shekarashy men anshyny jalghyz jayratyp saldy delinip kelgen Vladislav Chelahtyng qolynan tabylghan tapansha shekara qyzmetining qaru bazasyna tiyesili emes eken degen aqparattyng negizinde qauesetter guledi.

Chelah qorghaushysy Sәrsenovting boljamynsha, BÚÚ-nyng Chelah isine qatysty qorytyndy rastamasy isting baghytyn 180 gradusqa ózgertip jiberui yqtimal. Demek, eki jyldan beri tynyshtalyp qalghan «Arqankergen» isi qayta kóterilui әbden mýmkin.

Núrgeldi Ábdighaniyúly
Abai.kz