Särsenbi, 8 Säuir 2020
COVID-19 QAZAQSTANDA. Jwqtırğandar — 704. Jazılğandar — 51. Qaytıs bolğandar — 6
Jañalıqtar 3386 0 pikir 30 Mausım, 2015 sağat 19:23

QR SİM ÖZBEKSTANĞA NARAZILIQ NOTA JOLDAMAQ

QR Sırtqı ister ministrligi özbek şekaraşılarınıñ Qazaqstan azamatın atıp tastauına qatıstı mälimdeme jasadı. Bwl turalı QazAqparat habarladı.

"28 mausım küni Uälihan Ahmetov oqqa wştı. Ol 1978 jılı tuğan, OQO Sarıağaş audanı Qızıl Äsker auılınıñ twrğını. Osı orayda, QR SIM Uälihan Ahmetovtiñ qazasına baylanıstı tuğan-tuıstarına, jaqındarına köñil aytadı. Bwl oqiğağa Qazaqstan tarapı narazılıq bildiredi. Beybit künde Qazaqstan azamattarına qaru qoldanu Qazaqstan men Özbekstan arasındağı äriptestik, bauırlastıq, strategiyalıq qarım-qatınastarğa qayşı keletindigin atap ötemiz. Biz atalmış oqiğanıñ egjey-tegjeyli äri jan-jaqtı tergeudi talap etemiz. Sebebi Özbekstan şekarasın kesip ötui mümkin Qazaqstan azamattarına qaru qoldanu qisınsız şara dep esepteymiz. Biz bwl oqiğanıñ mwqiyat tergeluin talap etemiz. Tolıq aqparat wsınılıp, kinäliler jazalanuı tiis. Qazaqstan Sırtqı ister ministrligi narazılıq notasın dayındadı", - dedi QR SIM resmi ökili Altay Äbibullaev.

Resmi ökildiñ atap ötkenindey, notanı tabıstau üşin Qazaqstandağı Özbekstan elşisi ministrlikke şaqırtıldı. Onıñ sözine qarağanda, zardap şekken tarapqa Qazaqstan zañdarına säykes kömek körsetiledi.

Ayta keteyik, Oñtüstik Qazaqstan oblısınıñ Özbekstanmen şekaralas aymağında özbek äskerileri Qazaqstan azamatın atıp tastağan bolatın.

Qayğılı oqiğa 28 mausım küni keşki sağat 21-50 şamasında bolğan. Qazaqstannıñ eki azamatı Sırdariya özeninde balıq aulağan. Özbek şekaraşıları olarğa on ret oq atqan. Sonıñ ekeui 36 jastağı Uälihan Ahmetovke tigen. Ekinşi balıqşı aman.

Marqwmnıñ artında 7 balası qaldı.

Abay-aqparat

0 pikir