Keshe internette Qazaqstannyng Mәdeniyet ministri Arystanbek Múhamediyúlynyng «Qazaqfilim» kionstudiyasynyng basshylyghymen jabyq kenesi kezinde jazylghan audiojazbasy jariya etildi.

Dauysy sayasatkerden aumaytyn bireu «kino qyzmetkerlerine» júmsalyp qoyghan milliondargha qalay smetany shaqtaugha bolatynyn jәne qalghan qarajatqa qalay filim týsiru kerektigin ýiretude.

Jazba ministrlikting qyzmetkerin qalaysha «Qazaqfilimnin» qarajaty esebinen Mәskeuge is-sapargha jiberu kerektigin talqylaudan bastalady. Aqyry ol qyzmetkerdi kenesshi retinde jaldau arqyly búl mәsele sheshiledi degen toqtamgha keledi. Onyng ne sebepti Mәskeuge baryp, nendey mәselege kenesshi bolary belgisiz.

Keyin otyrysta әli ssenarii dayyn bolyp ýlgermegen jana filimning qarjylyq mәseleleri talqylanady. Dausy Múhamediyúlynan aumaytyn bireu keremettey dayyn bolmasa da, týsirilim josparyn jasap, ssenariydi bekitetin redkollegiyany tez arada jinap, jarty saghat ishinde otyrysqa qaytyp kelulerin búiyrady.

Sheteldik firmalarmen ýshjaqty yntymaqtastyq mәselelerin qarastyrghanda da, jobany qarjylandyru tónireginde pikirtalas tuyndaydy. «Kino qyzmetkerleri» Mәdeniyet ministrligimen kelisimshart jasasudy dúrys sanaytyndaryn jetkizgende dausy ministrge úqsas er kisi olargha dóreki jauap qaytarady.

«Tyndandar! Sizder eshkim emessizder! Bizge óz sharttaryndy nege tyqpalay beresinder? Biz búl mәseleni qayta qarastyrmaymyz», — deydi dausy ministrden aumaytyn bireu.

Odan әri «Qazaq eli» jobasynyng qarjylyq mәseleleri qarastyrylady. Shamamen Múhamediyúly boluy mýmkin er kisi olargha qylmystyq is qozghaluy mýmkin ekenin, alayda ol prokurorlar kelip, kinostudiya júmysy toqtap qalmas ýshin sanaly týrde «qúrbandyqqa baryp otyrghanyn» aitady.

Audiojazbany YouTube viydeohostingisinde John Smith laqap atymen tirkelgen paydalanushy jýktegen.

Jazbany, sonymen qatar óz Facebook paraqshasynda «Qazaqstan kinomatografisterining tәuelsiz qauymdastyghy» jariya etken. Jelide búl jazbagha pikir qaldyrushylar legi tolastamauda.

 Nur.kz