Shyghys Qazaqstanda sel qaupi kezeni bastaldy, dep habarlady Halyq Uni .

TJM baspasóz qyzmetining mәlimetinshe, ónirde Katonqaraghay jәne Zaysan audandarynda, Ridder qalasynda jәne Altay audanynda 13 sel jýru qaupi bar oshaq ornalasqan. Atalghan audandardaghy taulardyng basynda 13 eldi mekenge qauip tóndiretin 144 múzdaq kól qalyptasady. Mamandar jyl sayyn qauipsizdik maqsatynda kólder múzdan әli ashylmaghan sәtten bastap jәne sel qaupi bar jaghdaydy baqylau ýshin olardyng múzdan tolyq ashyluyna deyin tekseru jýrgizedi.

Oblysta syrghyma qaupin tudyratyn 9 uchaske bar. Búlar negizinen avtojoldardaghy, ózen basseynderindegi taulardyng jaghalyq betkeyleri men qúldilary: Ridder qalasynda – Gromotuha, Uba; Altay audanynda – Búqtyrma, Hamiyr, Chernovaya; Katonqaraghay audanynda – Búqtyrma; Zaysan audanynda – Kendirlik.

Sel jәne syrghyma qaupi bar kezenning qauipsiz ótuine әzirlik maqsatynda tótenshe jaghdaylar departamenti «Qazseldenqorghau» MM-ning Shyghys Qazaqstan aumaqtyq paydalanu basqarmasy filialymen birlesip, sel jәne syrghyma qaupi bar uchaskelerde oblys halqy men infraqúrylymynyng qauipsizdigin qamtamasyz etu jónindegi is-sharalar josparyn dayyndady. Ózen arnalary jәne sel, syrghyma qauipti uchaskeleri boyynsha josparly jerýsti jәne aerovizualdy zertteu kestesi әzirlendi. Múzdaq kólderde batiymetriyalyq júmystar josparlanghan. Sel qaupi bar uchaskelerde 20 eskertu jәne tyiym salu qalqandary jәne syrghyma qauipti uchaskelerde 18 qalqan ornatyldy. Syrghyma, sel qaupi bar audandardyng jergilikti atqarushy organdaryna, obektileri men qúrylystary yqtimal sel qaupi bar uchaskelerde ornalasqan kәsiporyn basshylaryna, jeke ýy iyelerine habarlama-úsynymdar berildi.

Sel, syrghyma jaghdayyna monitoring jýrgizu ýshin 9 mausymdyq gidropost jәne 1 jyl boyghy gidropost júmys isteydi.

ShQO TJD jәne «Qazseldenqorghau» filialy sel tasqynynan tek onyng aldyn alu arqyly qútylugha bolatynyn eske salady. Qauipsizdik maqsatynda sel qaupi bar kezende taulargha barudan bas tartqan jón. Túrghyndar aimaqtaryndaghy syrghyma qaupi yqtimal oryndar men olardyng shamamen shekaralaryn bilui kerek.

Abai.kz