شىعىس قازاقستاندا سەل قاۋپى كەزەڭى باستالدى، دەپ حابارلادى Halyq Uni .

تجم ءباسپاسوز قىزمەتىنىڭ مالىمەتىنشە، وڭىردە كاتونقاراعاي جانە زايسان اۋداندارىندا، ريددەر قالاسىندا جانە التاي اۋدانىندا 13 سەل ءجۇرۋ قاۋپى بار وشاق ورنالاسقان. اتالعان اۋداندارداعى تاۋلاردىڭ باسىندا 13 ەلدى مەكەنگە قاۋىپ توندىرەتىن 144 مۇزداق كول قالىپتاسادى. ماماندار جىل سايىن قاۋىپسىزدىك ماقساتىندا كولدەر مۇزدان ءالى اشىلماعان ساتتەن باستاپ جانە سەل قاۋپى بار جاعدايدى باقىلاۋ ءۇشىن ولاردىڭ مۇزدان تولىق اشىلۋىنا دەيىن تەكسەرۋ جۇرگىزەدى.

وبلىستا سىرعىما قاۋپىن تۋدىراتىن 9 ۋچاسكە بار. بۇلار نەگىزىنەن اۆتوجولدارداعى، وزەن باسسەيندەرىندەگى تاۋلاردىڭ جاعالىق بەتكەيلەرى مەن قۇلديلارى: ريددەر قالاسىندا – گروموتۋحا، ۋبا; التاي اۋدانىندا – بۇقتىرما، حامير، چەرنوۆايا; كاتونقاراعاي اۋدانىندا – بۇقتىرما; زايسان اۋدانىندا – كەندىرلىك.

سەل جانە سىرعىما قاۋپى بار كەزەڭنىڭ قاۋىپسىز وتۋىنە ازىرلىك ماقساتىندا توتەنشە جاعدايلار دەپارتامەنتى «قازسەلدەنقورعاۋ» مم-ءنىڭ شىعىس قازاقستان اۋماقتىق پايدالانۋ باسقارماسى فيليالىمەن بىرلەسىپ، سەل جانە سىرعىما قاۋپى بار ۋچاسكەلەردە وبلىس حالقى مەن ينفراقۇرىلىمىنىڭ قاۋىپسىزدىگىن قامتاماسىز ەتۋ جونىندەگى ءىس-شارالار جوسپارىن دايىندادى. وزەن ارنالارى جانە سەل، سىرعىما قاۋىپتى ۋچاسكەلەرى بويىنشا جوسپارلى جەرۇستى جانە اەروۆيزۋالدى زەرتتەۋ كەستەسى ازىرلەندى. مۇزداق كولدەردە باتيمەتريالىق جۇمىستار جوسپارلانعان. سەل قاۋپى بار ۋچاسكەلەردە 20 ەسكەرتۋ جانە تىيىم سالۋ قالقاندارى جانە سىرعىما قاۋىپتى ۋچاسكەلەردە 18 قالقان ورناتىلدى. سىرعىما، سەل قاۋپى بار اۋدانداردىڭ جەرگىلىكتى اتقارۋشى ورگاندارىنا، وبەكتىلەرى مەن قۇرىلىستارى ىقتيمال سەل قاۋپى بار ۋچاسكەلەردە ورنالاسقان كاسىپورىن باسشىلارىنا، جەكە ءۇي يەلەرىنە حابارلاما-ۇسىنىمدار بەرىلدى.

سەل، سىرعىما جاعدايىنا مونيتورينگ جۇرگىزۋ ءۇشىن 9 ماۋسىمدىق گيدروپوست جانە 1 جىل بويعى گيدروپوست جۇمىس ىستەيدى.

شقو تجد جانە «قازسەلدەنقورعاۋ» فيليالى سەل تاسقىنىنان تەك ونىڭ الدىن الۋ ارقىلى قۇتىلۋعا بولاتىنىن ەسكە سالادى. قاۋىپسىزدىك ماقساتىندا سەل قاۋپى بار كەزەڭدە تاۋلارعا بارۋدان باس تارتقان ءجون. تۇرعىندار ايماقتارىنداعى سىرعىما قاۋپى ىقتيمال ورىندار مەن ولاردىڭ شامامەن شەكارالارىن ءبىلۋى كەرەك.

Abai.kz