Redaksiyadan:

19-nshy qazan kýni Astanada әigili jazushy, memlekettik syilyqtyng iyegeri Tólen Ábdikúlynyng keshi ótedi.

Endi búghan ne deysiz?  Zúlymdyqtyng auzymen sóilegen ótirikting aityp otyrghandary rasynda da shyndyq emes pe osy?   Qalay moyyndamaugha bolady, onyng mirding oghynday dәlelderin?  Biraq ony moyyndasaq kýnderdin-kýninde bizding bәrimiz sol zúlymdyqtyng apanyna týsip, onyng jemtigine ainalatynymyz da aiday aqiqat qoy.  Mine osynday zúlmattan shoshyp, jer betindegi jauyzdyqqa qarsy parasat maydanyn bastap, jan azabyna týsken gharip jan tozaqtyng otyna kýigendey qinalyp, jýregining altyn sarayynyng qoymasyn ashyp, zúlymdyqtyng keltirgen dәlelderine qarsy jauap izdeydi.

- Ómir kýres. Adamdar aldymen qara kýshpen kýresetin boldy. Odan keyin neshe týrli qaru-jaraq oilap tauyp, soghys ashyp, halyqtardy jappay qyrghyngha úshyratty. Endi qateri odan kem emes aqyl-parasat maydany shyqty. Eger búl maydanda izgilik jeniske jetpese, adamzattyng ruhany kýireu dәuiri bastalady - deydi ol sharasyzdyqtan qamyghyp.

Redaksiyadan:

19-nshy qazan kýni Astanada әigili jazushy, memlekettik syilyqtyng iyegeri Tólen Ábdikúlynyng keshi ótedi.

Endi búghan ne deysiz?  Zúlymdyqtyng auzymen sóilegen ótirikting aityp otyrghandary rasynda da shyndyq emes pe osy?   Qalay moyyndamaugha bolady, onyng mirding oghynday dәlelderin?  Biraq ony moyyndasaq kýnderdin-kýninde bizding bәrimiz sol zúlymdyqtyng apanyna týsip, onyng jemtigine ainalatynymyz da aiday aqiqat qoy.  Mine osynday zúlmattan shoshyp, jer betindegi jauyzdyqqa qarsy parasat maydanyn bastap, jan azabyna týsken gharip jan tozaqtyng otyna kýigendey qinalyp, jýregining altyn sarayynyng qoymasyn ashyp, zúlymdyqtyng keltirgen dәlelderine qarsy jauap izdeydi.

- Ómir kýres. Adamdar aldymen qara kýshpen kýresetin boldy. Odan keyin neshe týrli qaru-jaraq oilap tauyp, soghys ashyp, halyqtardy jappay qyrghyngha úshyratty. Endi qateri odan kem emes aqyl-parasat maydany shyqty. Eger búl maydanda izgilik jeniske jetpese, adamzattyng ruhany kýireu dәuiri bastalady - deydi ol sharasyzdyqtan qamyghyp.

Moyyndaghymyz kelmegenmen, sol ruhany kýireu dәuiri bastalyp ketken joq pa, osy bizde?  Nege adamzat balasy dýniyedegi әdilettilikti  әlemdegi bir-eki kýshti memleketting úghymymen ólshep, әlsizderding inine su qúngmen keledi. Álemde tek myqtylar ghana ómir sýrip, ayaghynan tik túra almay jatqan sәby memleketter joyyluy kerek pe sonda, jer betinen?  Myndaghan meshit salsaq  ta, nege adamnyng boyyndaghy imandylyq joghalyp barady, jyldan-jylgha? Nege bizding aqyndarymyz biylikti maqtap jyr jazghandaryn nemese ayaghyna jyghylyp, sózin sóilep, soyylyn soghyp nәpaqa tapqandaryn sonshalyqty úly mәrtebe sanaydy?   Gomer, Dante, Shekspiyr, Gete, Pushkiyn, Abay men Júmekenderding adamdyq sanasy kóterilgen úly biyikke shyghugha talpynudyn  ornyna, nege aqyl-parasatymyzdyng kóshin toqtatyp, ruhymyz qúldyrap, óli jandargha ainalyp baramyz kýnnen-kýnge? Ruhany kýireuge úshyraghanymyz ras bolmasa, halyq ýshin jazyqsyz atylyp ketken Alash qayratkerlerining janyn berip kóksegen, ómirin qiyp qorghaghan úly múrattary qayda qaldy? Qayda?

«Parasat maydany» povestin oqyp otyrghanynda osynday bir shamyrqanghan mazasyz oidyng tiyegi bosap, kónil kenistiginning bir týkpirinde ýnsiz jylap qoya beredi. Kýresinge laqtyrylghan ruhynmen tabysyp, jýregindi ezip, janyndy qinaghan súraqtardyng jauabyn tapqanday bolasyn.   - Ras ótirikpen kýn kórgen zaman kóp boldy. Qazir de onymen kýn kórip jýrgender az emes shyghar. Biraq ol ótirikting óz basynyng jaqsylyghynan emes, ótirikke negizdelgen qoghamnyng kinasynan ghoy. Eger onyng ornynda shyndyqqa negizdelgen әdil qogham bolsa, ótirik sol sәtte әshkere bolyp, siz aitqanday, bizge kekireyip, jogharydan qarap sóiley almas edi...

Shygharmany oqy bastaghannan-aq suretker Ábdikúlynyng talay kitaptyng shanyn jútyp, óz aqiqatyn dәleldeu ýshin aitysatyn izgilik pen zúlymdyqtyng qisyndaryn baqayshaghyna deyin zerttegenin angharasyn. Zúlymdyqty jaqtaghan beytanys keyipkerding hatyn oqyp, keltirgen dәlelderimen tanysa bastaghanynda, keyde tipti, pendelik týisiginning onyng aldynda jyghyla jazdaytyny da ras. Biraz uaqyt ótkennen keyin oghan beretin izgilikting jauabyn oqyghanynda, rayynnan qaytyp, sol pendelik týisiginning solqyldaqtyghynan ýreylene bastaysyn.

«Parasat maydany» kýtpegen jerden qayghyly ayaqtalady. Auyr qasiretti arqalap, jan azabyn keshken  nauqas, aqyrynda, eshqanday da beytanys hat jazushynyng joq ekeni, ózining birese izgilik, endi birde zúlymdyq bolyp aitysyp jýrgeni turaly ashy aqiqatqa kózi jetip,  ózine-ózi qol salyp óledi.

Povestting basty keyipkeri qaza tapty. Biraq ruh tazalyghy ýshin bolghan shayqas әli jalghasyp jatyr. Zúlymdyq saltanat qúryp, ýstemdigin jýrgizip  túrghan zamanda parasat maydanyndaghy sol úly úrysta qinalyp, azapqa týsetin bir júmbaq әlem bar. Ol  - adamnyng jany. Jan  ólgen kýni - Izgilik óledi. Ómir óledi. Biz ólemiz....

***

Ónerge ýlken dayyndyqpen kelgen Tólen Ábdikúly «Ong qol» әngimesin jiyrmadan asqan shaghynda jazyp,  әdebiyet әlemin dýr silkindirdi.  Al, «Parasat maydany» sekildi kemel tuyndy qalamgerding qalamynan alpysqa jaqyndap qalghan shaghynda tudy. Uaqyt tarazysymen ólshesek,  kóniline aluan-aluan oy taghalaytyn eki shygharmanyng ómirge keluining arasyn otyz jyldan astam uaqyt bólip túr. Áriyne, osy jyldardyng ishinde Tókenning shygharmashylyq shabyty talay mәrte  jemisin berip, әdebiyetimizding bagha jetpes baylyghy bolyp qalatyn talay-talay tuyndylar ómirge keldi. Biraq sol dýniyelerding barlyghy da, osy eki aralyqty jalghap túrghan jazushy shygharmashylyghynyng altyn kópiri, «Parasat maydany» povestin tughyzugha sebepker bolghan tizbekti tuyndylarday bolyp kórinedi maghan. .

Ádebiyetting tabaldyryghyn attaugha mýmkindik bergen «Ong qol» әngimesi  Tólen Ábdikúlynyng ónerdegi ústanymynyng betasharyn jasap bergen  alghashqy tuyndysy boldy. Al, kórkem tuyndydan góri jazushynyng jan azabyna kóbirek úqsaytyn «Parasat maydany» povestinen ónerdegi úly maqsatyn zúlymdyqpen kýresuge arnaghan shygharma  avtorynyn, sol parasat maydanyn qorytyndylaghan oiynyng týiinin tanyghanday bolamyz.  Degenmen «Tozaq ottary jymyndaydy»,  «Áke», «Aqiqat», «Qyz Bәtish pen Erseyit», «Qayyrsyz júma», «Óliara» sekildi, osy eki shygharmanyng ómirge keluining aralyghynda tughan talay tamasha tuyndylardyng kórkemdik tabighatyn tarazylamayynsha, Tókenning tamyry terenge jayylghan suretkerlik sheberligin de tolyq tany almaytynymyz basy ashyq әngime.

Zady, ónerdegi ýlken suretkerlerding barlyghynyng da shygharmashylyq tabighatynyng kýretamyry bolyp tabylatyn, indetip ótetin ómirlik taqyryby bolady. Shekspirding aqyndyq janary pendelik bolmystaghy ekijýzdilikke qatty qadaldy. Balizak aqsha qúdiretining kýiretushi kýshke ainalyp, adamdyq  tabighatymyzdyng túnyghyn qalay laylaytynyn jyrlady. Tolstoy pende balasynyng bolmysyndaghy jalghandyqqa qarsy soghys ashyp, ómir-boyy sonymen kýresip ótti. Chehov adamnyng býkil ýmitin qiratyp, auyzgha alugha da túrmaytyn óli jandardan mәngi ólmeytin shygharmashylyq jasady. Jazushynyng jany jyrtysqa týsetin parasat maydanynda jýrgen qatygez talant Tólen Ábdikúly bolsa, jyly sәuleden góri, qayghynyng borany qattyraq soghatyn shygharmalary arqyly, týpting týbinde adamzatty kórge tyghatyn zúlymdyqpen ómir boyy aiqasyp keledi.

Bayqadynyz ba, suretkerlik tabighaty Chehovqa qatty úqsaytyn Tólenning shygharmashylyghynda shamadan tys qatygezdik ta bar. Eger Tolstoy men Dostoevskiyding ónerleri Maslova men Raskolinikov siyaqty, ómir sýruge esh ýmiti qalmaghan adamdardyng janyn týnekten suyryp alyp tiriltip jiberse, Chehov pen Ábdikúlynyng shygharmalarynda izgilik ýshin kýresuge tiyis  ghajayyp sәulening ózi sónip, adamnyng eng songhy ýmiti talqandalyp, zúlymdyqtyng órtinde janyp jatady.  «Tozaq ottary jymyndaydy» povestinde jazushy Ábdikúlynyng ónerdegi qatygezdigi Chehovtan da asyp týsip, zúlymdyqtyng qatal tabighatyn kórsetu ýshin ol, tipti, tútas bir taypanyng janyn qúrbandyqqa shalyp jiberuden tayynbaydy.

Hikayada shanyraghy qiratylyp, ortasyna týsken araku taypasynyng qalay zúlymdyqpen joyylatyny bayandalghanymen, «Tozaq ottary jymyndaydy» povestin oqyghan bizding bәrimiz de ol shygharmadan, qan jútyp, qasiret shegip, zúlymdyqtyng otynda janyp bara jatqan últymyzdyng jany men ayanyshty taghdyryn  kórgendey әser alghan bolatynbyz.

Asyly, jazushy Ábdikúly, ónerding til, forma, stili t.s.s formalidyq jaghyna ghana nazar audarmay,  Allanyng talantqa amanat etip arqalatyp qoyghan  úly maqsatyn әlimsaqtan  dúrys týsingengendikten, qasang qaghida men ghúmyry shekteuli iydeologiyanyng shylauyna shyrmalyp ketpegen suretker. Sherimizdi tarqatyp, qayghymyzdy jenildetip, adamdyq sýrleuden adasyp   ketpeudi ýiretetin onyng ghajayyp  dastandarynyng barlyghynda da, pendelik múratqa baghynbaytyn, imandylyq kýnining әsem shuaghynday jarqyraghan  izgilikti iydeya  men tolghaqty oy jatady.

Tólen shygharmashylyghynan jalghan iydeologiyanyng tirshiligine qúndaqtalyp,  uaqytsha ghana qajettilikting qazanyn qaynatyp, pendelik múratqa ghana qyzmet etip jatqan birde-bir tuyndyny taba almaysyn.  Onyng qalamynan tughan әngime, povesti, romandarynyng ishki tabighatynda, qoghamnyng zúlymdyghy tughyzghan  әdiletsizdikke qarsy shyghyp, ar-úyattyng sózin biyikten sóilegen  azamattyq ýn men ómirding jabayy shyndyghyna baghynghysy kelmey býlik bastaytyn, oy múnyn emgen adamdyq parasat jatady.  Jazushy Ábdikúly zaman súranysy tughyzghan sayqal shyndyqty emes, zúlymdyq saltanat qúrghan zamandaghy, ómir topyraghynyng astynda kómilip qalghan Qúdaylyq shyndyqty izdeytin suretker. Suretkerding janyn shýberekke týiip, sonday úly shyndyqty izdegen shygharmalarynyng biri  - «Tozaq ottary jymyndaydy» povesti.

Eger  «Ong qol» әngimesinde Almanyng sanasyna batpandap kirgen  zúlymdyq, bayghús qyzdy qylqyndyryp óltirgen bolsa, «Tozaq ottary jymyndaydy» povestinde endi sol tajaldyng tútas bir halyqqa qalay auyz salyp, ayausyz janyshtap, qangha túnshyqtyrghanynyng kuәgeri bolamyz.

Shygharmanyng basty keyipkeri Eduard Beyker myrza órkeniyet әleminde tónkeris jasaghan - úly ghalym. Ol jasaghan operasiyalardyng sәtsiz ayaqtalghany joq. Topyraqtan adam jaratpaghany bolmasa, qalghanynyn  bәri onyng qolynan keledi. Beyker myrza - morgta jatqan adamnyng ózin tiriltip alghan, medisinadaghy fenomen.  Ómir sýruge esh ýmiti qalmaghan nauqastardy da ayaghynan tik túrghyzyp jibergen - naghyz siqyrshy.

Bir jaghynan shyqqan tegi men bauyryna basyp әldiylegen topyraghyn úmytyp, danqtyng dәl osynday biyik túghyryna kóterilgen professordy kinalaugha da bolmaytyn shyghar.  Órkeniyet әlemine ol óz erkimen kelgen joq qoy, mýlde beytanys ómirge ony janqa qúrly kórmegen zúlym taghdyrdyng dauyly úshyryp әkeldi.  Áytpese, órkeniyetke qyzmet etpek týgil, ol ózining ishki armanynda, onyng byt -shytyn shygharyp qiratyp, kýlin kókke úshyrghysy kelip jýrgen adam emes pe?  Oralmaytyn kýnder ýshin! Danqty jyldar ýshin!

O, Tәnirim-au! Eger qarghys atqyr órkeniyet bolmaghanda, Kiyaku-Beykerding taghdyrynyng borany mýlde basqa jaqqa qaray soghyp, ómir-jaylauy  mýlde basqasha jayqalushy edi-au! Ol ata-babalarynan qalghan batyrlyqtyng sarqytyn iship,  qandy  joryqtargha attanyp, júrtty tamsandyryp, qalaghan qalyndyghyn tandap, ýilenip, baquatty, baraqat tirlik kesher edi.  Ol bergen sertine adal bolyp, әkesi Chorodan ýirengen kiyeli shópten jasaytyn dәrisin, araku júrtyn emdeu ýshin ghana qoldanar edi. Araku taypasynyng segiz baqsysynyng biri bolyp moyyndalghan ol, kerek bolsa tipti,  ózining sertinde túryp, bauyrlary ýshin janyn pida etip, naghyz oghylanday  erlikpen qaza tabar edi. Ol...

Biraq bәri de onyng armandaghanynan basqasha boldy. Qayghy jamylyp, qasiret jastanyp, taghdyrdyng jartasyna soghylghan Kiyaku-Beykerding balalyq armanynyng kýli kókke úshty. Basyna aspan qúlaghanday qayghyny kótere almaghan ol, kindigin kesken halqynyng taghdyrynan ajyrap, jyldar óte asqaq armandarynyng qayda qalghanyn úmytyp,  órkeniyetting adamyna ainaldy.  Ghylymgha qúlay berilip, tynymsyz izdenis pen adal enbegining arqasynda  adam balasynyng aqyly senbeytin iygilikke jetti.  Boyyndaghy erekshe daryny ony  әlemdegi eng tanymal adamgha ainaldyrdy. Oqigha kýtpegen jerden kýrt ózgermegende, Beyker myrza eshteneni de esine almay, ómiri qalypty arnasymen agha berui әbden yqtimal-túghyn.

Beyker myrzadan italiyandyq Livino Pallately esimdi jurnalistting súhbat alugha kelip, ekeuining arasynda bolghan әngime,  oqighany mýlde basqa arnagha búryp jiberedi. Endi siz, adamzat balasyn Qúdayday tabyndyrghan qúdiret iyesining emes, ótken ómirining elesinen qútylu ýshin, úzaq jyldar boyy ózin-ózi aldaudan qajyghan beybaqtyn, qabyrghasyn qayystyrghan jan azabymen tanysyp, oghan degen bir ayaushylyq sezim boyyndy biylep ala jóneledi. Jurnalistpen әngimeleskennen son, professordyng ishinde bir alapat qúiyn kóterilip, sezimderi órmekting qúrynday shayqalyp qoya beredi. Balalyq shaqtyng belesinde qalyp qoyghan ómirding kermek dәmi esine týsip, saghynyshtyng sausaqtary jan jarasynyng auzyn  tyrnap jiberedi.  Sol uaqytta ol ózining eshqanday da ghúlama ghalym emes, araku taypasynyng ókili Kiyaku ekenin  esine týsirip, shyn mәnisindegi baqytty ómirining terezesinen oisha  syghalap, janyn qoyargha jer tappay qinalady. Oqyrmandy eliktirip әketetin negizgi oqigha osydan song bastalady.

Povesttegi negizgi oqigha bastalmay túryp,  әueli biz, baghzy zamandardaghy qazaqtyng naghyz batyrlarynday jýregi jomart, eshteneden qoryqpaytyn, ruhy asqaq bahadýrlerding erligin tamashalaghanday bolamyz. Olardyng barlyghy shetinen - jaujýrek jigitter,  has súlugha ýilenu ýshin, jan shydamaytyn auyr synaqtan ótip,  ómirin ólimge tiguden de qoryqpaytyn - jankeshtiler. Indeesterdi  ayausyz qyratyn zúlymdyq bastalghangha deyin, siz tek, múrajay aralap, ondaghy jәdigerlerdi tamashalaugha kelgen kórermendey, shygharmada suretteletin arakulyqtardyng ómirin qyzyqtap, salt-dәstýrimen tanysyp, jigitterining namysshyldyghyna, erjýrektigine  sýisinip, bәrin tek  alystan baqylap qana jýresiz.

Mine, sýigen qyzyna degen sheksiz mahabbatyn dәleldeu ýshin, ishinde ýlkendigi barmaqtay uly qúmyrsqalary bar qolghapty kiyip, appaq tisterin aqsityp,  sizge qarap, kýlip túrghan - Kanato batyr. Ol on  jasynda angha shyqty. Bes yaguardy óltirdi. Qantalaghan kózderi shoqtay janyp, tiqandarmen soghysta jauyrynyna qadalghan sadaq oghyn júlyp alyp, atqan adamdy jekpe-jekke shaqyrghan - naghyz jigitiniz, osy Kanato.  Múnday oghylan qúmyrsqalargha qolyn talatqangha selt ete qoyshy ma edi, tәiiri. (Shygharmany oqy bastaghanynda ondaghy sipattalatyn osynday kórinister «alghanym aru bolmasa, aldyma alyp sýimen-di!» (Shalkiyiz) dep, dýniyedegi súlulyqtyng ózine asqaq qarap, batyrlyqtan basqany baqyt sanamaghan qaymaghy búzylmaghan qazaqtyng baghzy zamandaghy ómir sýru saltyn  kóz aldyna elestetedi).

Kóktegi úly Tәnir men ata-babalardyng aruaghy qoldaghan,  armany әppaq, jýregi shynyday taza, әdilettilik pen batyrlyqty ghana múrat etken úly taypagha qanday nәubat kelui mýmkin?  Kim olardyng aruaghyn qorlap, ruhyn taptay alady? Kim? Olardyng tizesin býktiruge kimning shamasy jetedi? Ókinishke qaray, onday qara kýsh bar eken. Onyng aty -  órkeniyet. Búl shygharmada da eng negizgi qylmysker kózge kórinbegenimenen, biz onyng kim ekenin týisikpen sezemiz. Ol órkeniyetti oilap tauyp, zúlymdyghyn zandastyryp alghan - qoghamnyn  sanasy.

Órkeniyetting zúlymdyghy araku taypasyn qyzyl qangha boyady, erjýrek batyrlarynyng ruhyn syndyrdy,  qyzdaryn kýnge, úldaryn qúlgha ainaldyryp, indet taratyp, aqyr sonynda olardy jer betinen joyyp jiberdi. Adamzattyq mýddeni jalaulatyp, aiuandyqpen istelgen osy zúlymdyqtardyng barlyghy da, shyn mәnisinde jer betindegi bes-alty halyqtyn  paydasyn ghana kózdegendikten jasalghan jauyzdyqtar bolatyn.

Shygharmanyng sonynda Beyker myrza Braziliyagha attanyp,  ózin danqtyng aspanyna shygharghan órkeniyettin, taypalastarynyn  jerin tartyp alyp, qalay kózin qúrtyp jibergen zúlymdyghyn kózimen kóredi. Eng aqyry  onyn, araku taypasynan qalghan songhy indeesti qútqarugha da shamasy kelmey, sharasyzdyqtan zar qaqsap qalady.  Aqyrynda ol araku taypasynyng eng songhy adamy ózi ekenin de úmytyp, tipti, ózin adam qatarynan da shygharyp tastaydy.

Oqighanyng qayghyly ayaqtalyp, zúlymdyqtyng taghy da jeniske jetkeni ýshin, oqyrmannyng jazushy Ábdikúlymen kelispeuine, tipti, ókpeleuine tolyq qaqysy bar.  Degenmen, zúlymdyqtan saqtandyru ýshin, onyng adamzatty jarasy mәngi jazylmaytyn qasiretke dushar ete alatynyn jerine jetkizip aita almasa, oqyrmannyng kónilin qimay, yghyna jyghyla ketse, suretker Ábdikúly ózining jazushylyq paryzyn adal atqaryp shyqpaghan bolar edi.

Áriyne, adamdyq aqyl-tarazymen ólshesek - oqyrmandiki dúrys. Pende balasynyng saghyn syndyrmay, aldaghy kýnderge qúlshyndyru ýshin, ýnemi onyng ruhyn kóterip, shabyttandyryp otyratyn iydeya kerek.  Alayda, Qúdaylyq mizan-tarazygha salyp ólshesek, jazushy Ábdikúlyniki dúrys bolyp shyghady.  Sebebi, moynyna ýlken jauapkershilik jýktep, halyqtyng múnyn jyrlay otyryp, Qúdaylyq shyndyqty aitpaugha suretker Ábdikúlynyng esh qaqysy joq. Al, Qúdaylyq shyndyqty әngimeleytin  bolsaq, qoghamda ylghy da zúlymdyqtyng jenip, saltanat qúryp kele jatqany ótirik pe eken?

Qalamnyng qúdiretine jýginip, jazushynyng Qúdaylyq shyndyqty izdegen sonday shygharmalarynyng biri «Tozaq ottary jymyndaydy» povesti, zamandasym, aqyn Esey Jenisúlynyng dәl bayqaghanynday barlyq uaqytta da manyzdylyghyn joymaytyn shygharma bolyp qala beredi.  Jәne  qazaqty úzaq uaqyt ýnsiz qalghan ruhymen syrlastyrghany, jýregindegi shemen bolyp qatyp qalghan zaryn qozghaghany ýshin ghana povestting manyzdylyghy arta týspek emes.  Adamzattyq aqyl-oydy túnshyqtyrugha jantalasyp jatqan jabayy órkeniyetting zúlymdyghy qaytadan ýstemdik ete bastaghan, alyp imperiyalardyn  jaqsy ómir sýrui ýshin, tútas bir halyqtardy jer betinen joyyp jiberuding amaldary jasalyp, sanamyz qaytadan qylmyskerge ainala bastaghan shaqta, múnday shygharmalar esh uaqytta da manyzdylyghyn joymaydy. Qayta olardyng manyzdylyghy búrynghydan beter arta týsedi. Ezilgen últtargha degen ayaushylyq sezimdi oyatyp, adam balasynyng sanasyn silkindirip, jabayy órkeniyetting zúlymdyghyna qarsy júmyldyru ýshin «Tozaq ottary jymyndaydy» sekildi, óz últynyng jýregin júbata otyryp, adamzatqa ortaq qayghyny jyrlaghan shygharmalar mәngi jasaugha tiyis.  Órkeniyetting oilap tapqan mashinasy ózimizge qarsy shyghyp, Qabyldyng pyshaghynday bizding halqymyzdy  jayratyp tastamauy ýshin, múnday tuyndylardy әlemning barlyq tiline audaryp, adamzattyq  aqyl-oydyng ortaq iygiligine ainaldyrghan abzal.

(Jalghasy bar)

«Abai.kz»