Kornavirus indetining elimizde jappay taraluyna baylanysty Preziydent Qasym-Jomart Toqaevtyng tapsyrmasymen el Ýkimeti birqatar jedel sharalar qabyldaghany belgili. Respublikalyq manyzy bar qalalar men oblystar karantinge jabyldy.

Álemning jýzedegen eline taraghan qauipti infeksiyany júqtyrghandar sany millionnan asyp jyghyldy. Jýzdegen adam kóz júmdy. Dýniyejýzilik densaulyq saqtau úiymy indetti pandemiya dep jariyalady. Qazaqstanda da indetting qarqyny qatty.

Tótenshe jaghday kezinde Qazaqstan Ýkimeti jedel reaksiya bildirip, tiyisti sharalar paketin qabyldady. Dese de, aty jaman indetti jenuge búl jetkiliksiz-aq. Búl indette biz júrt bolyp júmylghanda, karantindik rejimdi qatang saqtaghanda, qoghamdyq tәrtipti búzbay, infeksiyanyng betin qaytaru ýshin kresting aldynghy shebinde jýrgen dәrigerler men tәrtip saqshylaryna kedergi keltirmegende ghana jenetinimizdi uaqyt dәleldedi. Árbir adam ortaq qogham aldyndaghy óz jauapkershiligin sezingenui kerek! Búl turaly Memleket basshysy Qasym-Jomart Toqaev ta birneshe mәrte aitqan bolatyn.

Memleket tarapynan tiyisti sharalar qabyldandy. TJ rejiymi jariyalandy. Qalalar karantinge jabyldy. Medisinalyq qyzmetkerlerge ýsteme aqy tólenetin boldy. Atauly әleumettik kómek, zeynetaqy men jәrdempúlgha 10 payyzdyq indeksasiya jasalatyn boldy. Karantin kezinde túraqty tabysynan aiyrylghan 3 milliongha juyq azamatqa әleumettik jәrdemaqy tólenetin boldy. Ol ýshin budjetten 200 milliard tenge bólindi. 1 milliongha juyq azamatqa tegin azyq-týlik taratylatyn boldy, jәne. Auylsharuashylyghyna 70 milliard, kóktemgi egis nauqanyna 100 milliard tenge taghy bólindi.

Memleket tarapynan bastau alghan búl kómekke qoghamdyq úiymdar men sayasy partiyalar da ýn qosty. Ashyq qalta, kenqoltyq, atymtay jomart azamattar da qayyrymdylyq aksiyalaryn úiymdastyryp, әleumettik az qamtylghan azamattargha azyq-týlik, as-auqat jetkizip berip jatyr. Sózimiz súiyq shyqpasy ýshin, birli-jarym mysal keltireyik...

Mysaly, «Biz birgemiz!» respublikalyq aksiyasy ayasynda Shyghys Qazaqstan oblysynda eriktiler toby túrghyndargha covid-19 indeti turaly hәm onyng aldyn alu turaly týsindiru júmystaryn jýrgizgen.

Oblystyq «Didar» jәne «Rudnyy Altay» gazetterining arnayy shygharylymdaryn Óskemen qalasynyng sauda oryndaryndaghy, dýkender men bazarlardaghy halyqqa taratqan. Odan bólek, eriktiler toby múqtaj jandargha azyq-týlik, dәri-dәrmek jetkizip bergen.

Al Týrkistan oblysynda «Abay» bastauysh partiya úiymynyng eriktileri indetten saqtanu qúraldary men birinshi kezektegi qajetti azyq-týlik ónimderin jetkizip, әr otbasyna antiyseptik pen medisinalyq betperde aparyp bergen. Sonymen qatar, makaron ónimderi, kýrish, qant, shay, as túzy, pechenie jәne ósimdik mayy salynghan sebetter tabystaghan. Sonday-aq, Týrkistan oblysynyng Shardara audanynda «qamqorlyq» baghdarlamasy ayasynda bir otbasy jana baspanagha qol jetkizgen.

Aqmola oblysynda jeke kәsipker Dina Núrmaqanova óz qarajatyna, 1,2 million tengege medisinalyq betperdeler alyp, múqtaj azamattargha tegin taratqan. Úzyn-yrghasy 3 myng betperdeni  oblystaghy az qamtylghan otbasylargha tabystaugha eriktiler jasagha kómektesken.

Qúramynda 150-den astam qoghamdyq úiymdy biriktiretin eriktilerding front-ofiysi 50 myng medisinalyq maskany tegin taratqan.

Búden bólek, Shymkentitk jeke kәsipker Qayrat Moldaseyitov as-auqatqa múqtaj azamattargha dep 20 million tenge qarajat bólgen. Al Qaraghandylyq kәsipker Ghabdolla Dýisenbaev indetti anyqtaytyn ekspress-testter satyp alugha 5 million tenge audarghan. Búl da óz kezeginde Qazaqstan qoghamynyng bir últ bolyp úiysa bilgendigin dәleldese kerek!

Abai.kz