Býginge deyin elimizde 20,1 million tonna astyq jinalyp, bastyryldy. Búl turaly auylsharuashylyq ministri arnayy habarlady. Qazaqstannyng astyq jinau nauqanynda rekordtyq kórsetkishke jetui búl bir emes. Jyl sayyn osylay. Pәlenbay million tonna astyq ónimin alamyz dep alaqaylap, jariyagha jar salamyz. Alayda múnyng sharualar paydasynan góri ziyanyn tartyp, kelesi kóktemge әupirimmen әreng jetedi. Belshesinen batqan qaryzy tityqtatyp, toqtap qalghan tehnikasy mezi etedi. Búl da jyl sayynghy jattandy kórinis. Astyq jinau nauqany túsynda sharyqtaytyn janarmay baghasy jyghylghangha júdyryq bolady.

Býginge deyin elimizde 20,1 million tonna astyq jinalyp, bastyryldy. Búl turaly auylsharuashylyq ministri arnayy habarlady. Qazaqstannyng astyq jinau nauqanynda rekordtyq kórsetkishke jetui búl bir emes. Jyl sayyn osylay. Pәlenbay million tonna astyq ónimin alamyz dep alaqaylap, jariyagha jar salamyz. Alayda múnyng sharualar paydasynan góri ziyanyn tartyp, kelesi kóktemge әupirimmen әreng jetedi. Belshesinen batqan qaryzy tityqtatyp, toqtap qalghan tehnikasy mezi etedi. Búl da jyl sayynghy jattandy kórinis. Astyq jinau nauqany túsynda sharyqtaytyn janarmay baghasy jyghylghangha júdyryq bolady.

Esterinizde bolsa, preziydent pen ministr A.Mamytbekov jarysa jar salyp edi. Astyq mol shyqty, eksport­taudan aldymyzgha jan salmaymyz dep. Tipti sózderine qarap, el astyghynyng bitik shyghuy osy kisilerding arqasynda ma dersin. Tandanyp ýlgermedik. Jyldaghy kýzgi nauqanda bolatyn jaghday bastalyp ketti. N.Nazarbaevtyng soltýstik aimaqqa jasaghan issaparynan keyin ile-shala janarmay, diyzelidi otynnyng baghasyna "jau tiydi". Kýn sayyn órshelene ósken janarmay baghasy men qoldan jasalghan tapshylyq sharuanyng da tirligine túsau saldy. Sharuashylyq tehnikasyna otyn izdep sabylghandarda esep joq. Jyldaghy osy jaghdaydy retteuding ornyna K.Mәsimov "astyqty alqapta qaldyrudy" kenes etti. Aptap ystyq pen qaqaghan suyqta, nóserli jauynda ter tógip etken enbegi esh boldy-au dep sharuagha qaraylasar premierding sózining siqy osy. Al 25 million tonna astyq jinap, әlemdi auzyna "qaratatyn" Mamytbekovting ýni әr-әr jerden, anda-sanda ghana shyghatyn boldy. Óitkeni rekordtyq kórsetkishtegi ónimdi saqtaytyn qamba joq. Barynyng ózi jóndeuden ótpegen, jaramsyz.

Agrarlyq salagha bólinetin subsidiya, jenildetilgen nesiyeler jogharydan bólinedi. Tek mejeli jerine jetui ekitalay. Sharuashylyq tehnikalarymen qamtamasyz etu bylay túrsyn, әkimqaralar bar traktorgha diyzelidi otyndy tauyp bere almay dal bolady. Osyghan deyin jemqorlyqtyng saldarynan sharuasy qúrdymgha ketken diqangha Kedendik odaqtyng kesiri de onay tiymedi. Biylghy janar, jagharmay baghasynyng aspandap ketu sebebi eng aldymen әlgi odaqpen tikeley baylanysty. Baqylausyz jatqan shekaradan Reseyge janar, jagharmayyn tasyghandar Qazaqstandaghy auylsharuashylyghyn qaytsin. Qaltasynyng qamyn kýittep, betimen ketken biylikting búnysyna alghysyn aitqan shyghar, sirә. Sharuashylyq tehnikasyna janarmay izdep sharua sabylyp jýrgende, kýn rayy da qúbyla bastady. Kýrt suytqan aua-rayynyng sony nóseri jauyn men dauyldargha úlasty. Milliondaghan tonna bolatyn astyq ónimderi alqapta "jayqalyp" qalyp qoydy. Byltyr da, arghy jyly da myndaghan tonna biday eshtenege jaramsyz bolyp, shirip ketti. Biyl da sol jaghday qaytalanghaly otyr. Búl qalay? Bir qatelikten sabaq alugha tiyis ýkimet pen ministrlik osy uaqytqa deyin aigha bata jasap otyrdy ma? "Keybir problemalar bar, biraq olardy sheshu qiyn emes",- degen K.Mәsimov keshe preziydentting aldynda basqasha sayrady. Mәsimov aitqan "keybir" problemalar osyghan deyin sheshilmedi. Al ainalasy bir-eki ayda qalay tarqatylyp ketedi?

«Jas Alash» gazeti