Бұндай сәйкессіздік немесе кездейсоқтық бола беруі мүмкін. Мысалы, біз төменде тамашалағалы отырған бейнежазба бейнежазбадағы басты кейіпкер - ҚР Премьер-министрі Кәрім Мәсімовтің жеке мұрағат қорынан осыдан біраз уақыт бұрын табылып, дайындалып, тіпті, монтаждалып қойған делік. Бірақ, өкінішке қарай, бейнежазба бүгін, яғни, 20-шілде күні премьердің Instagram желісіндегі парақшасына шықты. Ал, бүгін Қазақстан халқы 5 бірдей арысын о дүниеге шығарып салып, аза тұтуда. Алматы қаласының бейбіт өмірін сақтап қалу үшін жандарын құрбан еткен ерлердің отбасына, туған-туысына Мемлекет басшысы көңіл айтты.

 Пермердің "премьерасынан" оның студенттік шағын көріп отырмыз. Қазақстанның болашақ Үкімет басшысы 1985-1988 жылдары Ресейдің Патрис Лумумба атындағы халықтар достығы университетін тәмамдады. 80-жылдары Бейжің тіл институтында қытай тілін меңгерген, Ухан заң университетінде және Колумбия университетінде тағылымдамадан өткен. Содан кейін Қазақстандағы Тұрар Рысқұлов атындағы қазақ экономикалық университеті мен Қазақ мемлекеттік басқару академиясында білім алды.

Abai.kz