Särsenbi, 23 Qazan 2019
540 0 pikir 31 Şilde, 2019 sağat 18:40

Bwqaralıq sporttı damıtu bastı nazarda

"Täni saudıñ - janı sau" deydi. Osı qağidağı berik wstanğan Qazaqstan Respublikasınıñ Twñğış Prezidenti – Elbası Nwrswltan Äbişwlı Nazarbaev täuelsizdik alğan alğaşqı jıldardan bastap qazaqstandıqtardı salauattı ömir saltın wstanuğa şaqırıp keledi.

Jalpı halıqtıñ sportpen aynalısuı el halqınıñ sau deneli boluına äser edi. Sau deneli, sapalı wlt qana mäñgilik el mwratın orınday almaq. Basqasın aytpağanda elimizdiñ sport salasında qanday jetistikterge jetkenin eskersek, sonıñ özi Elbasınıñ salauattı ömir saltı wstanımınıñ öz jemisin bergenin ayğaqtaydı. Elimiz sportşıları ärqaşan da halıqaralıq arenalarda iri tabıstarğa jetip jür. Onı aldağı maqalalarımızda tolıqıraq bayandaytın bolamız.

Al bügin aytpağımız bwqaralıq sporttıñ jaylı. Bärimiz biletindey, 2018 jılı 5 qazana Qazaqstan halıqına arnalğan Elbasınıñ «Qazaqstandıqtardıñ äl-auqatınıñ ösui: tabıs pen twrmıs sapasın arttıru» attı joldauında osı mäselede aytıldı. Atap aytqanda, osı Joldaudıñ ekinşi tarauında bwqaralıq sporttı damıtu jaylı arnayı tapsırma berildi.

Biz aytıp otırğan ötken jılğı ekinşi tarauı "Halıq tabısınıñ ösui" dep ataldı. Bwnda Nwrswltan Äbişwlı halıqtıñ twrmıs sapasın köteru maqsatında birqatar tapsırmalar berdi. Elbası el ükimetine, barlıq jauaptı basşılarğa halıqtıñ twrmıtıq äl-ahualın köterip, twrmıs sapasın jaqsartudı tapsıradı. joğarlatu maqstında tınbay jwmıs isteu kerek ekenin ayttı.

Osı Joldaudıñ ekinşi tarau, jetinşi tarmaqşasında aytılğan mına sözderge män beru kerek. Onda "Öñirlik deñgeydegi rezervterdi tauıp, bwqaralıq sport pen dene şınıqtırudıñ qoljetimdiligin arttıru qajet" delingen.

" Ükimetke jäne äkimderge kem degende 100 dene şınıqtıru-sauıqtıru keşenin saludı tapsıramın. Sonday-aq, qoldanıstağı, äsirese mektepterdegi sport ğimarattarın tiimdi paydalanıp, dene şınıqtırumen aynalısu üşin aulalardı, parkterdi, sayabaqtardı jabdıqtau qajet", - dedi Elbası Qazaqstan halqına arnağan Joldauında.

Osıdan-aq, Elbasınıñ el ömirine qanşalıqtı köñil bölip, halıqtıñ salauattı ömir saltın wstanuına dep berip otırğanın añğaruğa boladı.

Elbası Nwrswltan Nazarbaevtiñ osı tapsırmaların orındau maqsatında barlıq saladağı jauaptı qızmetkerler tınbay eñbek etip keledi. Mäselen, jaqında  «Nwr Otan» partiyası Rudnıy qalalıq filialınıñ bastamasımen bir igi şara qolğa alındı.

Atap aytqanda, atalğan öñirdiñ Dene şınıqtıru jäne sport basqarması men bas partiyanıñ filiyalı birlesip «Kedergisiz keleşek» partiyalıq jobası ayasında mümkindigi şekteuli jandarğa arnalğan sporttıq festival' ötkizdi. Oblıs kölemin tolıq qamtığan sporttıq jarısqa seksennen astam mümkindigi şekteuli sportşı qatıstı.

Eñ mañızdısı, tağdır tälkegine tüsken osı bir qaysar jandardıñ ömirge degen qwlşınısı ereke boldı. Olar özderi wşırğan osı bir qiındıqtarğa eş moyımay, Elbası wsınğan salauattı ömir saltın berik wstanıp keledi. Solardıñ biri paravoleybol sportımen aynalısatın oraldıq Azon Şaymardanov. Onıñ aytuınşa, osı sportpen aynalısıp jürgenine birşama uaqıt bolğan eken. Osığan deyin mügedekter arasındağı birşama jarıstarğa qatısqan.

"Qazaqstan Respublikası paravoleybolınan 11 dürkin çempionımın, Aziya çempionatınıñ kümis jüldegerimin. Rudnıy  şaharında parasportpen aynalısuğa bar jağday jasalğan. Qatısuşılardıñ sanı köp, yağni bäsekelestik küşti",deydi Şaymardanov.

Aytar keterligi, sayısqa qatısuşıları sporttıñ köptegen türinen sınğa tüsip, baq sınadı. Wyımdastıruşılardıñ aytuınşa, aymaqta soñğı jıldarı sportpen şwğıldanatındardıñ sanı artıp keledi. Olardıñ qatarında ümkindigi şekteuli jandar da bar. Olar da sportqa barınşa den qoyıp, salauattı ömir saltın wstanuğa qwştar.

"Festivaldiñ maqsatı – salauattı ömir saltın nasihattau. Bwğan deyin biz oblıstıq jarıs wyımdastırğan edik. Oğan 200-den astam mümkindigi şekteuli jan qatıstı. Biz oblıstıq festivaldi dästürli türde ötkizip twrudı maqsat etip otırmız", - deydi jarıs wyımtastıruşısı, Rudnıy qalalıq erikti mügedekter qoğamınıñ törağası Sanaş Esjanov.

Söz soñında aytarımız, bwnday sporttıq şaralar bwqaralıq sporttıñ damuına ülken ülesin qosadı. Qazaqstan älemge quattı sporttıq derjeva retinde belgili. Sol üşin eldegi ärbir azamattıq belsendi türde sportpen şwğıldanğanı oñ. Sol üşin de Elbası joldauında aytqanday Ükimet pen äkimder är öñirde dene şınıqtıru-sauıqtıru keşenin saludı qolğa aluda.

Abai.kz

0 pikir