Jeksenbi, 23 Aqpan 2020
1551 0 pikir 6 Tamız, 2019 sağat 17:28

«Är jürekte – tuğan jer!»

Osınau keremet ataumen Oral qalasında oblıstıq patriottıq än art-festivali ötip,  äni men äueni, jırı men termesi üylesken policeyler sahnanı önermen körkemdedi.         

Patriottıq än art-festivali jastar jılın ötkizu is-şaralar josparın iske asıru şeñberinde, işki ister organdarı qızmetkerleriniñ mädeni jäne patriottıq tärbiesin joğarılatuğa, olardı wlttıq jäne älem mädenieti men önerine baulu, wjımdarda moral'dıq-psihologiyalıq ahualdı jaqsartu, sonday-aq, Qazaqstan policiyasınıñ oñ imidjin nığaytuğa bağıttalğan.

Bwl ataulı şara Elbasınıñ «Bolaşaqqa bağdar: ruhani jañğıru» bağdarlamasın jüzege asıru is-şaralar josparın iske asıru maqsatında  wyımdastırılğan edi.

Bayqauğa BQO Policiya departamenti, Oral qalalıq policiya basqarması, audandıq policiya bölimderi, tötenşe jağdaylar departamenti, memlekettik küzet qızmeti basqarmasınıñ qızmetkerleri qatısıp, öz önerlerin ortağa salğan edi. Policiya qızmetkerleri än aytıp, terme orındap sahnanı körkemdedi.

Önerpazdardıñ önerin bağalau üşin alqalı jiınğa qazılıq etkenderdiñ qatarında BQO Policiya departamenti Kadr sayasatı basqaramasınıñ bastığı policiya podpolkovnigi Qaderkeev Ruslan Keñeswlı; Qazaqstan kompozitorlar odağınıñ müşesi, «Eren eñbegi üşin» medal'iniñ iegeri, Ğ.Qwrmanğaliev atındağı filarmoniya änşisi – Jaskeleñ Ğaysağaliev; Ğ.Qwrmanğaliev atındağı filarmoniya änşisi Ahmetova Aqmaral Aliqızı; Jastar mädeniet üyi direktorı, «Üzdik qızmetker medal'iniñ» iegeri Qayrliev Serik Erbolatwlı; oblıstıq jastar şığarmaşılıq ortalığınıñ rejisseri Aubakirova Rimma Amanjolqızı boldı.

Konkurs vokal nominaciyası boyınşa ötkizildi. Sondıqtan  jeke orındauğa, duet, trio, kvartet retinde önerlerin wsınğan är sayıskerlerdiñ önerin ädilqazı alqası vokaldıq mälimetter, repertuardıñ körkemdik qwndılığı, kürdeliliginiñ deñgeyi, orındau şeberligi, kostyum kiyu ülgisi boyınşa bağalap otırdı. Sonday-aq, konkurstıq bağdarlamalardıñ taqırıptıq bağıtı patriottıq sipattamağa, qazaq jäne şetel kompozitorlarınıñ änderin orındauğa, Qazaqstan halqınıñ jalpıwlttıq kelisim basımdıqtarına säykes boluı jiti baqılandı.

Är salanıñ maytalman mamandarı bas qosıp, sahnanı jırğa bölep, änmen terbedi.  BQO PD Terekti audanınıñ policiya bölimi keñsesiniñ jetekşi mamanı Äsemnwr Sağidolla  «Tuğan jer» änin orındasa, BQO Tötenşe jağdaylar departamenti «Ört söndiru jäne arnayı jasaq qızmeti» memlekettik mekemesi №1 memlekettik ört söndiru böliminiñ ört söndiruşisi azamattıq qorğau kişi serjantı Älişer Qwttığalidiñ «Kök tudıñ jelbiregeni», BQO PD Kaztalov audandıq policiya bölimi äkimşilik policiya  bölimşesiniñ inspektorı policiya ağa leytenantı Jaqsılıq Gaynulliev «Qazaq policiyası» sekildi sayıskerlerdiñ orındauındağı änder tıñdauşını bir wyıtıp äketkendey boldı. Bwl atalğandar orındalğan nömirlerdiñ biregeyi ğana, ayta bersek, köp ärine. Keybireui än üşin jaratılğanday obrazdı somdadı. Terme de jırlandı. Qazaqtıñ kümbirlegen qara dombırası sahnanı odan äri ayşıqtay tüsti.

Bayqaudıñ ekinşi jartısında sayıs qorıtındısı belgili bolıp, jiñimpazdar marapattaldı.  Atalğan öner dodasına 12 ümitker qatısıp, baq sınasqan edi. Saltanattı bölimde Batıs Qazaqstan oblısı Policiya departamenti Kadr sayasatı basqaramasınıñ bastığı policiya podpolkovnigi Qaderkeev Ruslan Keñeswlı qwttıqtau söz söylep: «Mwnday is-şaralardıñ ötkizilui öte orındı. Osınday sayıstardıñ wyımdastırıluı elimizdiñ azamattarınıñ wlttıq sezimderin oyatuğa, eline, jerine degen süyispenşilikterin arttıruğa köp mümkindik beredi. «Talanttı adam, ol qay kezde de talanttı», qiın da qauipti qızmetimen qatar, tärtip saqşılarınıñ öz önerlerin körsete bilui ülken jetistik», - dep atalğan is-şaranı wyımdastıruğa at salısqan, qatısqan barlıq tärtip saqşılarına alğısın bildirdi. Sonday-aq, önerimen erekşelenip, közge tüsken saqşılar alğıs hatpen marapattadı.

Bayqau qorıtındısı boyınşa jüldegerler tömendegidey anıqtaldı:

3 orın – Jeenbaeva Syuzana (Oral q. PB Şağan Pb)

2 orın – Hamit Batırhan  (BQO MKQB)

1 orın – BQO PD Vakaldı-instrumentaldı ansambli (Jolbaev                       Parasat, Qwlmaşev Edige, Ermekov Jaqsılıq, Baktubaev Meyrambek)

Bwl än sayısınıñ irikteu bölimi, odan äri jalğası qırküyek ayında Qızılorda qalasında QR İşki ister ministrliginiñ qoldauımen ötetin öñirlik sayısta jalğasatın tabadı.

Asılay Gubaşeva
BQO PD baspasöz qızmetkeri

Abai.kz

0 pikir