Jwma, 6 Jeltoqsan 2019
Sañlaq 3250 6 pikir 9 Säuir, 2019 sağat 08:39

Älimhanwlı Golovkinniñ ornın basadı

Qazaqstandıq käsipqoy boksşı Jänibek Älimhanwlı (5-0, 2 KO) 12 säuir küni AQŞ törinde kezekti jekpe-jegin ötkizedi.

Bwğan deyin bes kezdesudi öz paydasına şeşken Älimhanwlı käsipqoy ringtegi altınşı jekpe-jeginde 2 birdey çempiondıq belbeuge talasqalı otır. Los Anjdeleste ötetin boks keşinde şarşı alañğa şığatın Jänibek meksikalıq Kristian Ollivaspen jwdırıqtasadı. 10 raundqa josparlanğan bwl jekpe-jekte WBO Global jäne WBC Continental Americas çempiondıq belbeuleri sarapqa salınadı.

Erekşe ayta keterligi, Jänibek jeñis sanın köbeytu maqsatında tömen deñgeyli boksşılarmen kezdesip jürgen joq. Mäselen ötken jılı 3 qaraşa küni Tehas ştatındağı El'-Paso qalasında jolıqqan qarsılası amerikalıq Van Aleksandr 13 jekpe-jek ötkizip, 12-in jeñgen. Besinşi jekpe-jegindegi qarsılası tağı bir amerikalıq boksşı Stiven Martines (18-4, 13 KO) te naşar sportşı emes bolatın.

Alda kezdeskeli otırğan qarsılası Kristian Ollivas 20 jekpe-jek ötkizip, onıñ 16-ın jeñgen asa täjiribeli boksşı.

Esteriñizde bolsa, Jänibek Älimhanwlı ötken jılı mausım ayında älemge äygili promouter Bob Arummen kelisimşartqa qol qoyğan bolatın.

Berik Sultan суреті.

Aldına ülken maqsat qoyatın Jänibek AQŞ-qa qatardağı köp koksşınıñ biri bolu üşin barğan joq. Ol ünemi Qazaq style degendi aytıp jüredi. Älem boksına jaqsı tanıs "meksikalıq stil'" degen bar, däl sol sekildi "qazaq boks stilin" älemge tanıtudı közdeytinin jasırmaydı. Äri öz salmağınıñ üzdikterimen, älem çempiondarımen kezdeskisi keletinin aytadı.

««Kanelo» - meniñ salmağımdağı köşbasşı. Men älem çempionımen jekpe-jek ötkizgim keledi, sondıqtan «Kanelomen» ayqasqandı qalaymın. GGG oğan jeñildi, biz Gennadiy ekeumiz bir eldenbiz, sondıqtan «Kanelodan» belbeulerdi tartıp alıp, qayta Qazaqstanğa aparğım keledi», - degen edi Jänibek Fino Boxing-ge bergen swhbatında.

AQŞ törinde öner körsetip jürgen qazaqstandıq käsipqoy boksşılar az emes. Alayda, däl qazir älem çempionı atağı üşin jekpe-jek ötkizuge eş qaysısınıñ mümkindigi joq. Janküyerler äli de bolsa Gennadiy Golovkin sındı älem çempionın asığa kütedi. Käsipqoy bokstağı jolın jaña bastap jatqan jastardı aytpağanda, äuesqoy boksta täp-täuir jetistikke jetken Jänibek Älimhanwlı qazaq janküyerleriniñ ümitin aqtauğa bir taban jaqın dep esepteymiz.

Bärimiz biletindey, jaqında Qazaqstandıq käsipqoy boksşı Firuza Şaripova töñireginde ülken dau tuındadı. Bir jıl boyı çempiondıq atağın qorğamağan Şaripova  IBO jäne WBC Silver belbeulerinen ayırılıp qaldı. Bwnı qarjınıñ azdığı men demeuşiniñ joqtığınan körgen boksşı ökpesin aytqan.

«IBO älem çempionı atağı men WBC Silver belbeuinen ayırılğanımdı aqparat qwraldarınan bildim. Bwğan sebep, biz bir jıldan astam uaqıt çempiondıq atağımdı qorğağan joqpız. Al ereje boyınşa çempiondıq ataqtı qorğap twru kerek. Bıltır jıl soñında WBC jäne IBO älem çempionı atağı üşin Eva Val'stremmen jekpe-jek ötkizudi josparlağan edik. Alayda qarjılıq mäseleler bwğan kedergi boldı. Mädeniet jäne sport ministrine jäne äkimderge hat jazıp, qarjılay kömek swradıq. Ökinişke qaray, bizge qarajat tabılmadı.

Äzirge men WIBA nwsqası boyınşa älem çempionımın. Al qalğan ataqtardan ayırılu meniñ jäne komandamnıñ kinäsi emes. Men beldeulerimdi şayqasta joğaltqan joqpın. Ökinişke oray, Qazaqstanda bizge eşkim qoldau körsetpedi.

Qazirgi uaqıtta 63,5 keli salmaq därejesinde älem çempionı titulın ielenu üşin jwmıs istep jatırmız. Qazir demeuşi izdestiru üstindemiz, bwl mäsele äli şeşilgen joq. Biz Mädeniet jäne sport ministrligi men qazaqstandıq käsipkerlerdiñ qoldauın kütip otırmız», - dedi Şaripova.

Boksşı qız özine memleket tarapınan kömek körsetilmedi dep mälimdeme jasağanımen, Mädeniet jäne sport ministrligi bwnı joqqa şığardı.

«Otandıq sportşığa qoldau körsetu maqsatında, firuza Şaripovanıñ WBC çempiondıq belbeuiniñ iegeri Eva Val'stremmen birikken jekpe-jegin ötkizu üşin QR Mädeniet jäne sport ministrligi 2018 jıldıñ mamır ayında 74,8 mln köleminde qarajat böldi. Alayda, osı jekpe-jekti ötkizudiñ ornına, YUliya Kucenkomen öz titulın qorğau jekpe-jegin ötkizgen.  Osılayşa, asa mañızdı birlesken kezdesuge bölingen  74,8 mln. teñge qarajat qorğay jekpe-jegin wyımdastıruğa jwmsalğan», - Mädeniet jäne sport ministrligi Sport jäne dene şınıqtıru isteri Komitetiniñ basşısı Serik Säpiev.

Osıdan keyin qazaqstandıq jurnalisterge swhbat bergen Şaripovanıñ promouteri, reseylik menedjer Sergey Zavil'skiy memleket bölgen qarjını mülde azsınıp otır. Onıñ aytuınşa, Ministrlik tarapınan bölingen aqşa Firuzanıñ jekpe-jekterindey boks keşin wyımdastıruğa jetpeydi. Sol üşin tağı da 500 mıñnan million AQŞ dolları köleminde qarjılay kömek kerek eken.

Reseylik menedjerdiñ aytuınşa, Şaripovağa memleket joğarda atalğan 74,8 mln. teñgege deyin de birneşe märte kömektesken. Alğaş ret EXPO halıqaralıq körmesi ayasında kezdesu ötkizgende aqşalay qoldau jasağan. Al ekinşi märte «Samwrıq Qazına» qorı qarjı bölip, Firuzanıñ 2017 jılı Almatıda  WBC, IBO belbeuleri üşin jekpe-jek ötkizuine kömektesken.

Demek, "Qazaqstanda bizge eşkim qoldau körsetpedi" dep ökpelep jürgen boksşı qızğa Qazaqstan biligi üş märte qarjı bergen. Äri bwl aqşanıñ az emes ekenin sportşınıñ menedjeri moyındap otır. "Qazir jalpı mölşeri esimde joq, wşaqta otır edim. Bir şetinen bwl öte köp aqşa" depdi Sergey Zavil'skiy qazaqstandıq jurnalist Serik Noyanbaywlına bergen swhbatında.

Biz bwl mälimetti salıstıru üşin aytıp otırmız. Sebebi, qazaq boks janküyerleri ülken ümit artıp otırğan Jänibek Älimhanwlına memleket mülde demeuşilik jasağan joq. Bwl turalı boksşınıñ PR direktorı Berik Swltan Jänibektiñ besinşi jekpe-jegi aldında forbes.kz-ge bergen swhbatında bılay degen edi:

«Boksşı är jekpe-jek sayın ösui kerek. Ösu üşin qajetti vitaminder, bilikti mamandarmen jwmıs isteu kerek. Bwyırtsa osı jekpe-jekten soñ birneşe tanımal mamandardı komandamızğa aludı josparlap otırmız. Ol üşin ärine qosımşa qarajat kerek. Biz büginge deyin eşqanday demeuşi izdegenimiz joq. Sebebi aqşamız komandanıñ şığınına jetip twrdı. Biraq osı jekpe-jekten soñ izdeuge kirisemiz. Elimizdegi ülken kompaniyalarmen kelisimşart jasap, olardıñ brendin jarnamalaytın kün de alıs emes dep oylaymın. Demeuşilermen wsınar wsınıstarımız da dayın».

Quanış Qappas

Abai.kz

6 pikir