Beysenbi, 19 Qırküyek 2019
Abay.tv 4396 29 pikir 17 Mausım, 2018 sağat 17:09

«Astana-Almatı» bağıtında qatınaytın poyız apatqa wşıradı (foto-video)

«Astana-Almatı» bağıtında qatınaytın poyızdıñ apatqa wşırauına baylanıstı qauırt jeli iske qosıldı. Bwl turalı QR İİM Tötenşe jağdaylar komitetiniñ resmi ökili Ruslan Imanqwlov mälim etti, - dep habarlaydı QazAqparat tilşisi.

«Astana-Almatı» bağıtında qatınaytın №9 jolauşılar poyızınıñ 6 vagonı rel'sten şığıp ketip, üşeui audarıldı. Sonıñ saldarınan 4 adam zardap şekse, bireui qaza taptı. Qaza tapqan adamnıñ atı-jöni anıqtalıp jatır», - dedi ol.

Onıñ dereginşe, tötenşe oqiğa ornında qwtqaruşılar brigadası, Jol boyındağı medicinalıq qwtqaru beketi jedel äreket etu brigadası jwmıs istep jatır.

«Poyızdağı jolauşıları «Astana-qızılorda» bağıtındağı jolauşılar poyızımen «Şu» stansasına jöneltildi. Sağat 15-10-da «Qazaviaqwtqaru» tikwşağımen oqiğa ornına oblıs äkiminiñ birinşi orınbasarı B.Orınbekov, oblıstıq densaulıq saqtau basqarmasınıñ jetekşisi, Jambıl oblıstıq TJD basşısı attandı. Jambıl oblıstıq tötenşe jağdaylar departamentinde qauırt jeli ise qosıldı. Telefon nömiri: 51-35-75, 51-41-67», - dedi Ruslan Imanqwlov.

Qazirge belgili derekter tömendegidey:

Oqiğa 13.25-ter şamasında, «Şığanaq-Şu» uçaskesiniñ «Jideli-Birlik1» peregonında bolğan. № 9 poezdınıñ 6 vagonı relsten şığıp ketken.

Tötenşe jağday saldarınan 3 adam jaraqattanıp, bir adam qaza taptı (jeke belgileri anıqtaluda).

Oqiğa ornına JOTJD «ÖSjäneAQJQ» MM-nen 2 birlik, AC avtökiligimen 7 adam, Şu audanındağı tötenşe jağdaylar böliminen 2 adam, 1 dana tehnika, «Töle bi» auılı mañındağı kürejoldıq medicinalıq qızmetiniñ şwğıl äreket jasağınan 4 adam, 1 reanimobil', şwğıl medicininalıq järdemnen 2 dana tehnika jäne 6 adam tartıldı.

Oblıs äkimi Asqar Mırzahmetovtiñ tikeley tapsırmasımen oqiğa ornına oblıs äkiminiñ birinşi orınbasarı B.S.Orınbekov, oblıs äkimdiginiñ densaulıq saqtau basqarmasınıñ basşısı M.S.Jwmanqwlov, Tötenşe jağdaylar komitetiniñ Jambıl oblıstıq tötenşe jağdaylar departamenti basşısınıñ m.a. T.N.Sabirov, Jergilikti policiya qızmeti basşısınıñ orınbasarı M.K.Bayserkenov «Kazaviaspas» tikwşağımen attandırıldı.

Sonımen qatar, sağat 15.30-da «Jedel qwtqaru jasağı» MM-nen 2 dana tehnika jäne 8 adam tötenşe jağday orın alğan aumaqqa kömekke kelip jetti.

Tötenşe jağdaylar komitetiniñ Jambıl oblıstıq tötenşe jağdaylar departamentinde ıstıq jeli (51-35-75, 51-41-67) ornatıldı. Onda JOTJD «ÖSjäneAQJQ» MM-nen jäne «Jedel qwtqaru jasağı» MM-nen aldırılğan psihologtar twrğındardıñ atalğan oqiğa boyınşa swraqtarına jauap beretin boladı.

Abai.kz

29 pikir