Jwma, 18 Qazan 2019
3716 7 pikir 30 Qazan, 2017 sağat 12:13

"Memlekettik til memlekettik qızmette" bayqauı ötti

Juırda Taraz qalasında respublikalıq «Memlekettik til memlekettik qızmette» attı bayqau ötti. Memlekettik qızmette qazaq tiliniñ qoldanıs ayasın keñeytip, memlekettik tildiñ märtebesin köteru maqsatında wyımdastırılğan şarağa Qazaqstan Respublikası Mädeniet jäne sport ministrligi Tilderdi damıtu jäne qoğamdıq-sayasi jwmıs komiteti mwrındıq boldı.

Memlekettik qızmetşilerdiñ qazaq tiline degen oñ közqarasın qalıptastırıp, qwjat tiliniñ memlekettik tilge köşuine, qızmetterdiñ qazaq tilinde körsetiluine jağday jasaytın bayqauğa el aumağınan 13 komanda qatıstı. Olar bayqau şartına say 4 kezeñ boyınşa bilimderi men biliktilikterin körsetti.

Aymaqtıq irikteuden ötken komandalarğa qoğam qayratkeri, sayasi ğılımdar doktorı Äbdijälel Bäkir (törağa), Taraz innovaciyalıq-gumanitarlıq universitetiniñ «Türkitanu» ğılımi-zertteu ortalığınıñ bas mamanı, filologiya ğılımdarınıñ doktorı, professor Qasiet Kakenwlı, Qazaq wlttıq salt-dästürleri akademiyasınıñ professorı, kompozitor Kentau Quantaywlı, Qazaqstan Respublikası Prezidentiniñ janındağı Memlekettik basqaru akademiyasınıñ ağa oqıtuşısı Läzzat Pernebekqızı, Memlekettik tildi damıtu institutınıñ atqaruşı direktorı, filologiya ğılımdarınıñ kandidatı Bijomart Seysenbekwlı qazılıq etti.

Sayıs qorıtındısı boyınşa Almatı qalasınıñ qwraması "Alatau" jeñimpaz atandı. Jüldeli 1-orın Jambıl oblısınıñ "Pragmatikter" komandasına bwyırdı. Al 2-orındı QR Din isteri jäne azamattıq qoğam ministrliginiñ "Üş baqıtım" komandası enşilese, 3-orındı "EKSPO" (Almatı oblısı), "15-şi öñir" (SQO) komandaları özara bölisti. Jeñimpaz ben jüldeger komandalarğa arnayı diplom men qomaqtı qarjılay sıylıq tabıstaldı.

Abai.kz

7 pikir