Särsenbi, 23 Qazan 2019
Bilgenge marjan 6718 0 pikir 12 Qañtar, 2016 sağat 11:56

JOL EREJESİ: 2016 JILI QANDAY ÖZGERİSTER ENEDİ

2016 jılı mäjilismendermen maqwldanıp, prezidenttiñ qol qoyuın kütip twrğan Jol jüru erejesine qatıstı birtalay özgertuler bar. NUR.KZ portalı Otırar arnasına silteme jasap küşine enui mümkin mañızdı özgertulerdi nazarlarıñızğa wsınadı.

Jaña jıldan bastap avtojolauşılar kölikten policeydiñ rwqsatınsız şığa alatın boladı

Sonımen, birinşisi – jaña jıldan bastap avtojolauşılar kölikten policeydiñ rwqsatınsız şığa alatın boladı. Zañğa bwl özgertu mäjilistiñ alğaşqı oqılımında maqwldandı.

Qazaqstandıq saqtandıru kompaniyalarınıñ qwqığın keñeytu

Ekinşisi – qazaqstandıq saqtandıru kompaniyalarına jol apatı bolğan jağdayda jol qızmetine talaptardı qoyu qwqığın berui mümkin.

Key ayıppwldar qataya tüsedi dep kütilude

Üşinşisi – key ayıppwldar qataya tüsedi dep kütilude. Mäselen, mümkindigi şekteuli twlğalar mas küyde kölik basqarsa, jürgizu qwqığınan ayırıluı mümkin. Özgertilmegen zañğa säykes, mümkindigi şekteuli twlğalarğa tek ayıppwl salu qarastırılğan.
Operativti qızmet kölikterine jol bermegender köbirek ayıppwl töleytin boladı

Törtinşisi – eger jürgizuşi dabıldatıp kele jatqan jedel nemese arnayı qızmet köligine jol bermegen bolsa, bwrınğıday 7 emes, 10 AEK köleminde ayıppwl töleytin boladı. Eger dabılmen kele jatqan arnayı belgileri bar kölikti ötkizbese 30 AEK köleminde ayıppwl töleydi (büginde 10 AEK). Jıl işinde erjeni qayta bwzatın bolsa, ayıppwl 15 AEK-den 50 AEK-ge deyin ösetin boladı.
Alkogol'ge nemese esirtkige medicinalıq kuälandırudan bas tartqandardıñ jazası qataytıladı

Besinşisi – alkogol'ge nemese esirtkige medicinalıq kuälandırudan bas tartqandardıñ jazası qataytıladı. Mäjilismender mwnday jağdayda jürgizuşini 2 jılğa emes, 3 jılğa kölik aydau qwqığınan ayırudı wsınuda.
Twraq erejesin bwzuğa qarastırılğan ayıppwl azaytıladı

Altınşısı – twraq erejesin bwzuğa qarastırılğan ayıppwl azaytıladı. Mäjilismender twraq erejesin bwzğandarğa 10 AEK emes 3 AEK kölimende ayıppwl salğan jetkilikti dep sanaydı. Al mügedekterge arnalğan twraqqa köligin qoyğandar 50 AEK ornına 5 AEK töleu mäselesi qarastırıluda.

«Ädemi» memlekettik nömirler tizimi keñeytilmek

Jetinşiden – «ädemi» memlekettik nömirler tizimin keñeytpek. Endi OOO, ZZZ siyaqtı nömirler jäne 717, 838 siyaqtı aynalı nömirler satılatın boladı. Aynalı nömir qwnı 150 mıñ teñge, al ädemi äriptermen bolsa, 300 mıñ teñge boladı dep kütilude.
Kölikti üş ölşemdi aerografiyamen bezendiruge tıyım salu

Segizinşisi – kölikti üş ölşemdi aerografiyamen bezendiruge tıyım salu. Bwl özgeris qoğamda birtalay kelispeuşilikter tudırdı. Sebebi, «üş ölşemdi aerografiyanıñ» ne ekeni naqtı tüsindirilmegen.

Eki ölşemdi suret salğan jağdayda qanşa qabatqa deyin suret saluğa bolatını da körsetilmegen. Aqırı policeyler kez-kelgen aerografiyalıq suretke tıyım saluğa bel budı. Alayda aerografiya wğımına ne jatatını sol beti naqtılanbağan.
Birneşe ret jol apatına tüskenderge saqtandıru qwnı qımbattatıluı mümkin

Toğızınşısı – birneşe ret jol apatına tüskenderge saqtandıru qwnı qımbattatıluı mümkin. Bwl wsınıstı Qazaqstannıñ qarjıgerler qauımdastığı jasağan.

Kişigirim jol apatına qwjattardı jol policiyası inspektorlarınsız räsimdeu mümkindigi

Onınşısı – kişigirim jol apatına qwjattardı jol policiyası inspektorlarınsız räsimdeu mümkindigi. Europrotokol dep atalatın bwl ädiste jürgizuşiler oqıs jağdaydı özderi kuälandırıp, jolda kedergi boludan tezirek qwtıluğa mümkindik aladı. Räsimdelgen qwjatpen zardap şeguşi tarap saqtandıruşıdan tölem talap ete aladı dep kütilude.
Velosipedşilerge qatıstı özgerister

On birinşisi – velosipedşilerge qatıstı özgerister. Naqtıraq aytqanda, elektroqozğaltqıştarı bar velosipedterdi zañdastıru. Velosipedşilerdiñ qwqığın keñeytetin birtalay özgerister engiziletin boladı.

Qazaqstan İİD bolsa, bağdarşamnıñ tike jüruge tıyım salatın sätinde oñğa bwrıluğa rwqsat beru mäselesin qarastıruda.
Eski kölikterdi äkeluge qatıstı özgerister

On ekinşisi – 1 jıldan 3 jılğa jılğa deyingi merzimdegi şetel kölikterin äkelu üşin 50 AEK, yağni 99 mıñ teñge mölşerinde tölem jasauı tiis boladı. Al kölik merzimi 3 jıldan asqan bolsa, salıq mölşeri 500 AEK, yağni 991 mıñ teñge bolmaq.

Büginde Qazaqstanda 4 mln 400 mıñ kölik tirkelgen, olardıñ jartısına 18 jıl tolğan.
Medicinalıq qarsı körsetimder

Eñ soñında bekitilgen normağa toqtalsaq. Qazaqstannıñ Densaulıq saqtau jäne äleumettik damu ministri 2015 jılğı 4 qaraşadağı №853 bwyrığımen kölik basqaruğa tıyım salatın medicinalıq qarsı körsetimder tizimin bekitti.

Nur.kz

0 pikir