Jeksenbi, 17 Qaraşa 2019
Bilik 2306 0 pikir 25 Qaraşa, 2015 sağat 14:15

BIZNES BASTAUĞA EÑ QOLAYLI AYMAQ

Oñtüstik Qazaqstan oblısı käsipkerlikti damıtu üşin eñ qauipsiz aymaq bolıp tabıldı. Mwndağı biznesti örkendetudiñ qauipsizdik deñgeyi 71,9 payızdı qwraydı, – dep jazadı Idea-Lab.kz saytı.

A.T.Kearney kompaniyasınıñ ädistemesi negizinde Idea-Lab.kz eldegi öñirlerdiñ käsipkerlikpen aynalısu täuekelin eseptedi. Biznesti bastau üşin qay aymaq qolaylı äri qauipsiz? Ärine, käsipkerlik täuekeli oblıstardağı jalpı jağdayğa baylanıstı ekeni belgili. Sondıqtan Idea-Lab.kz eldegi qauipsiz aymaqtar deñgeyin esepteu üşin halıqtı nesielendiru kölemin, jan basına şaqqandağı tabıs pen JÖÖ (jalpı öñirlik önim), sonday-aq, ekonomikalıq belsendi halıqtıñ ülesi jäne qılmıstıñ örşui men azayu körsetkişterine nazar audarğan.

Nätijesinde, qılmıstıñ tez örşui boyınşa 52,7 payızben Astana qalası alğa şıqsa, Qostanay oblısı 13,4 payızdıq körsetkişpen eñ beybitşil öñirlerdiñ birine aynaldı. Qostanayda qılmıstıñ ösu deñgeyiniñ tömen boluına baylanıstı biznesti bastau üşin eñ qauipsiz aymaqtardıñ tiziminde atalğan oblıs altınşı orınğa (63,1%) şıqtı. Al, Astana qalası 54,9% körsetkişpen 11-orınğa twraqtadı.

Almatı qalasınıñ käsipkerlik üşin ıñğaylılığı 63,1 payızdı körsetti. Ondağı defolt körsetkişiniñ joğarı boluına baylanıstı Almatı besinşi orında. Anıqtalğanday, qala twrğındarına töley alatın tabısınan 4 ese köp mölşerde nesie berilgen.

Halqınıñ 1,3 million twrğını käsipten näsip tauıp otırğan Oñtüstik Qazaqstan oblısınıñ twrğındarı eñ ekonomikalıq belsendi aymaq bolıp tanılğan. Öñirdegi ortaşa körsetkişti defolt pen qılmıstıñ salıstırmalı tömen deñgeyine jäne käsipkerlikpen aynalısatın halıq sanınıñ köleminiñ arqasında OQO biznesti bastauğa qolaylı öñirlerdiñ tiziminde birinşi orınğa şıqtı.

Ayta öteyik, esep QR Statistika agenttiginiñ 2013 – 2014 jıldardağı mälimetiniñ negizinde jasalğan.

OQO äkiminiñ baspasöz qızmeti

Abai.kz

0 pikir