Jeksenbi, 23 Aqpan 2020
Jañalıqtar 3672 0 pikir 28 Qaraşa, 2015 sağat 18:35

OQO DÄRİGERLERİ TMD İŞİNDE EÑ ÜZDİK DEP TANILDI

Jaqında OQO-da qalalıq jedel medicinalıq kömek körsetu auruhanası TMD elderi arasında üzdik dep tanıldı. Dälirek aytar bolsaq, biznes-reyting Wlttıq Odağına müşe 6 memlekettik arasında Şımkent qalalıq jedel medicina mamandarı üzdikter köşin bastağan.   Bwl turalı abai.kz portalı Oñtüstik Qazaqstan oblısı äkimdiginiñ baspasöz qızmetine silteme jasay otırıp habarlaydı.

Şımkent qalalıq jedel medicinalıq kömek körsetu auruhanası biznes-reyting Wlttıq Odağınıñ (Azirbayjan, Belarus', Gruziya, Qazahstan, Resey, Ukraina) anıqtauı boyınşa üzdik dep tanıldı.

Sonımen qatar, elimizdiñ densaulıq saqtau salasına qosqan ülesi üşin jäne sapalı medicinalıq kömek körsetkeni üşin «Medicina maqtanışı» degen qwrmetti ataqqa ie boldı.

Bizdiñ därigerler ülken jetistikterge jetti, özderin nağız maman retinde däleldedi, halıqaralıq deñgeyde jwmıs istey alatındıqtarın körsete bildi. Sebebi elimizde aymaqtar arasında alğaş ret Oñtüstik Qazaqstan oblısınıñ därigerleri büyrek jäne bauır auıstıru operaciyaların sätti jasadı. Nätijesinde medicina salasında tabıstı bolıp, iskerlik baylanıstarın arttırdı. Sonımen, densaulıq saqtau salasındağı reytingtiñ qorıtındısı boyınşa atalğan auruhanağa Wlttıq sertifikat pen «Gippokrattıñ wlı izi» («Velikoe nasledie Gippokrata») degen medal' berildi. Al osı auruhananıñ bas därigeri Madi Hojawlı Biğaliev «Medicina salasındağı ülesi üşin» ordenimen, al däriger reanimatolog-anesteziolog Oñalbay Narmanov «Sezimtal jürek» («Çutkoe serdce») medalimen marapattaldı. Sonımen birge birneşe därigerge «2015 jıldıñ mamandarı» degen Wlttıq sertifikat tabıs etildi.

OQO äkiminiñ baspasöz qızmeti

 

0 pikir