Särsenbi, 23 Qazan 2019
Jañalıqtar 2160 0 pikir 28 Jeltoqsan, 2009 sağat 09:24

Sot BTA men Temirbanktiñ, olarğa qatısı bar kompaniyalardıñ menedjerlerin qarjı jımqırğanı üşin ayıptı dep tanıdı

Almatı. 28 jeltoqsan. QazTAG – Almatı qalası Almalı audandıq sotı «BTA bank» AQ,  «Temirbank» AQ 12 qızmetkerin jäne BTA bankke qatısı bar türli JŞS-terdiñ basşıların qarjı jımqırğanı üşin ayıptı dep tanıdı. Bwl turalı QazTAG agenttigine osı isti qarağan Almalı audandıq sotınıñ törağası Arman Şämşiev mälim etti.

Olardıñ barlığı BTA banktiñ izdeuge jariyalanğan bwrınğı basşısı Mwhtar Äblyazov pen basqarma törağasınıñ birinşi orınbasarı Jaqsılıq Jarımbetov basqarğan wyımdasqan qılmıstıq toptıñ qwramında asa auır qılmıstıq äreketter jasağanı üşin jauapqa tartılıp otır.

«Banktiñ qızmetkerleri qarjılay alayaqtıq, asa iri kölemde qarjı jımqıru, qızmet babın teris maqsatta paydalanu jäne jasıru maqsatında qılmıstıq toptı qwrğanı üşin ayıptı dep tanıldı», - dedi A. Şämşiev.

Ayıptaluşılardıñ beseui – BTA banktiñ basqaruşı direktorı Bağdatqali Tasıbekov, BTA-nıñ qiın nesielerimen jwmıs jönindegi departament direktorınıñ orınbasarı Ermek Diqanbaev, Temirbanktiñ basqarma müşeleri Aydos Mwqataev pen Asğat Estaev, «Qazaqstandıq kollektorlıq agenttiktiñ» direktorı Jänibek Jwmamwhambetov 8 jılğa bas bostandıqtarınan ayırıldı.

Almatı. 28 jeltoqsan. QazTAG – Almatı qalası Almalı audandıq sotı «BTA bank» AQ,  «Temirbank» AQ 12 qızmetkerin jäne BTA bankke qatısı bar türli JŞS-terdiñ basşıların qarjı jımqırğanı üşin ayıptı dep tanıdı. Bwl turalı QazTAG agenttigine osı isti qarağan Almalı audandıq sotınıñ törağası Arman Şämşiev mälim etti.

Olardıñ barlığı BTA banktiñ izdeuge jariyalanğan bwrınğı basşısı Mwhtar Äblyazov pen basqarma törağasınıñ birinşi orınbasarı Jaqsılıq Jarımbetov basqarğan wyımdasqan qılmıstıq toptıñ qwramında asa auır qılmıstıq äreketter jasağanı üşin jauapqa tartılıp otır.

«Banktiñ qızmetkerleri qarjılay alayaqtıq, asa iri kölemde qarjı jımqıru, qızmet babın teris maqsatta paydalanu jäne jasıru maqsatında qılmıstıq toptı qwrğanı üşin ayıptı dep tanıldı», - dedi A. Şämşiev.

Ayıptaluşılardıñ beseui – BTA banktiñ basqaruşı direktorı Bağdatqali Tasıbekov, BTA-nıñ qiın nesielerimen jwmıs jönindegi departament direktorınıñ orınbasarı Ermek Diqanbaev, Temirbanktiñ basqarma müşeleri Aydos Mwqataev pen Asğat Estaev, «Qazaqstandıq kollektorlıq agenttiktiñ» direktorı Jänibek Jwmamwhambetov 8 jılğa bas bostandıqtarınan ayırıldı.

«Bask invest» JŞS-iniñ bwrınğı direktorı Ermek Jänibekov, «Kompaniya «Mitra» JŞS-iniñ jetekşisi Janna Bekbaeva, «Dudar Kapital» JŞS-iniñ basşısı Aleksey Domaşenko, «Kamenskoe plato» JŞS-iniñ bas direktorı Erlan Beysekeev 5 jılğa bas bostandıqtarınan ayırıldı.

«Temirbank» AQ basqarmasınıñ bwrınğı törağası Äblahat Kebirov jäne «Eseke LTD» JŞS-iniñ direktorı Däulet Daşev 2 jılğa sottaldı. BTA bank basqarma törağasınıñ bwrınğı orınbasarı Genrig Holodzinskiy şarttı türde üş jıl sınaq merzimmen 5 jılğa bas bostandığınan ayırıldı.

«İstiñ özi ädetten tıs boldı: bank qızmetkerleriniñ özderi alayaqtıqtarğa qatısqanı alğaş ret anıqtaldı. Bwdan basqa, bwl iri process boldı, men qılmıstıq istiñ 123 tomın qarap şıqtım», - dedi sud'ya.

Onıñ aytuınşa, Ä. Kebirov QR QK 228 babı – «Ökilettigin teris maqsatta paydalanu», D. Daşev QR QK 363 babı - «Jasıru», G. Holodzinskiy – 176  babı «a» - «Bireudiñ senip tapsırğan mülkin iemdenu jäne talan-tarajğa salu» boyınşa ayıptı dep tanıldı.

Ayıptaudan «ExellentFlight» aviakompaniyasına baylanıstı epizod alınıp tastaldı, «öytkeni onıñ olarğa eş qatısı joq». Keybireuleriniñ äreketteri 176 baptan («Bireudiñ senip tapsırğan mülkin iemdenu jäne talan-tarajğa salu») 228 bapqa  («Ökilettikterin teris maqsatta paydalanu») auıstırıldı.

Almalı audandıq sotınıñ ükimine säykes, G. Holodzinskiyge qatıstı ol qatıspağan nemese nesielik komitettiñ şeşimimen kelispegen nesieleu boyınşa epizodtar alınıp tastaldı. Oğan  «Alau Kom», «Eseke Ltd», «Siriya Al'yans» epizodtarı boyınşa tolıq kölemde ayıp tağıldı.

BTA qiın nesielerimen jwmıs jönindegi departamenti direktorınıñ orınbasarı E. Diqanbaevqa qatıstı qarjı jımqıru quattalğan joq, sondıqtan oğan BTA boyınşa ğana ayıp tağıldı.

«Sottalğandardıñ eşqaysısı öz kinälärın tolıq moyındağan joq», - dedi A. Şämşiev.

Olar sot ükimi şığarılğannan keyin 15 künniñ işinde appelyaciyağa arız bere aladı.

M. Äblyazovtıñ isi boyınşa 45 adam qılmıstıq jauapqa tartılıp otır, deydi advokattar.

M. Äblyazovtıñ özine qatıstı qılmıstıq is jeke öndiriske bölindi.

0 pikir