Senbi, 7 Jeltoqsan 2019
Jañalıqtar 1601 0 pikir 28 Qañtar, 2013 sağat 08:55

Auıs-tüyis: kim kim bolıp jatır?

Serik Ahmetov 2012 jılı qırküyektiñ 24-i küni Ükimet basşısı bolıp tağayındaldı. Sodan beri atqaruşı bilik pen Prezident äkimşiliginiñ işinara azdı-köpti auıs-tüyis orın alğan edi. Aqırı sol auıs-tüyis 2013 jıldıñ basında barlıq salanı qamtuğa bettegen siyaqtı. Alayda qazaq jwrtı mwnday «orıntaq almastıru» nauqandarına sonşalıqtı män berip eleñ etpeydi: äldebir ortanıñ dittegen adamı nemese tosın bir twlğanıñ twğırğa köterilui, sonday-aq oblıs basşısınıñ «jañalanuı» bolmasa, bılayğı tağayındaularğa tañ qaludı qoyğan. Öytkeni Qazaqstan biliginde esimi bwrınnan mälim figuralar Prezident qay qiırğa salsada «şauıp jüre»  beredi. Bwl jayttı «Elbası öz komandasın dalağa tastamaydı», «Elbası «keşirimşil», «keñ adam», «bir salanı aqsatıp alğan adamnıñ qajır-qayratın sarqa paydalanuğa mümkindik jasaytın dañğıl kisi» dep keletin qazaqı qayırımdarmen de, bizdegi sayasi elitanıñ qalıptasuındağı bastı erekşelik dep te tüsindiruge bolatın şığar. Äytsede qañtarda Qazaqstanğa tän biren-saran özgeristerdiñ bolğanı anıq.  Sol özgeristerdiñ keyingi reti bılayşa körinis taptı. Sonımen kim kim bolıp jatır? Qarañız:

Astana qalası äkiminiñ orınbasarı Erlan Qojağapanov Sport jäne dene tärbiesi agenttiginiñ basşısı bolıp jatır.

Qızılorda oblısında 4 jıldan astam äkimdik qızmet atqarğan Bolatbek Quandıqov Bäsekelestikti qorğau Agenttiginiñ törine jayğasıp jatır.

Serik Ahmetov 2012 jılı qırküyektiñ 24-i küni Ükimet basşısı bolıp tağayındaldı. Sodan beri atqaruşı bilik pen Prezident äkimşiliginiñ işinara azdı-köpti auıs-tüyis orın alğan edi. Aqırı sol auıs-tüyis 2013 jıldıñ basında barlıq salanı qamtuğa bettegen siyaqtı. Alayda qazaq jwrtı mwnday «orıntaq almastıru» nauqandarına sonşalıqtı män berip eleñ etpeydi: äldebir ortanıñ dittegen adamı nemese tosın bir twlğanıñ twğırğa köterilui, sonday-aq oblıs basşısınıñ «jañalanuı» bolmasa, bılayğı tağayındaularğa tañ qaludı qoyğan. Öytkeni Qazaqstan biliginde esimi bwrınnan mälim figuralar Prezident qay qiırğa salsada «şauıp jüre»  beredi. Bwl jayttı «Elbası öz komandasın dalağa tastamaydı», «Elbası «keşirimşil», «keñ adam», «bir salanı aqsatıp alğan adamnıñ qajır-qayratın sarqa paydalanuğa mümkindik jasaytın dañğıl kisi» dep keletin qazaqı qayırımdarmen de, bizdegi sayasi elitanıñ qalıptasuındağı bastı erekşelik dep te tüsindiruge bolatın şığar. Äytsede qañtarda Qazaqstanğa tän biren-saran özgeristerdiñ bolğanı anıq.  Sol özgeristerdiñ keyingi reti bılayşa körinis taptı. Sonımen kim kim bolıp jatır? Qarañız:

Astana qalası äkiminiñ orınbasarı Erlan Qojağapanov Sport jäne dene tärbiesi agenttiginiñ basşısı bolıp jatır.

Qızılorda oblısında 4 jıldan astam äkimdik qızmet atqarğan Bolatbek Quandıqov Bäsekelestikti qorğau Agenttiginiñ törine jayğasıp jatır.

Atalğan Agenttikti basqarğan Ğabidolla Äbdirahimov Prezident Äkimşiligi jetekşisiniñ orınbasarı deytin lauazımdı ielenip  jatır.

İñkärbaev Dabır Qamısbaywlı Prezident İsbasqaruşısınıñ birinşi orınbasarılığına tağayındalıp  jatır.

Aqmola oblısınıñ bwrınğı äkimi Qayrat Qojamjarov Prezidenttiñ kömekşisi äri Qauipsizdik keñesiniñ hatşısı deytin qızmetke bekip jatır.

Ruslan Jaqsılıqov İİM İşki äskerleriniñ bas qolbasşılığına barıp jatır.

Säken Jaswzaqov Qorğanıs ministriniñ birinşi orınbasarı - QR Qarulı küşteri Bas ştabınıñ basşısı degen qos mindetti qosa atqaruğa kirisip jatır.

Kökşeniñ Zerendi audanında tuıp ösken Samat Eskendirov Soltüstik Qazaqstan oblısınıñ,  Ereymentaudıñ tülegi Qwsman Aytmwhametov Aqmola oblısınıñ äkimi bolıp jatır.

Memleket basşısınıñ Jarlığımen Mañğıstau oblısınıñ äkimi qızmetine Alik Serikwlı Aydarbaev tağayındalıp, eks-äkim Bauırjan Mwhamedjanov Baltıq jağalauı elderine elşilikke attanıp jatır.

«Özenmwnaygaz» direktorlar keñesiniñ wyğarımımen Mañğıstau oblısınıñ tuması  Asqar Rızahanov «Özenmwnaygaz» AQ Bas direktorınıñ orıntağına otırıp jatır.

Auıs-tüyistiñ barısında lauazım ieleriniñ eñ jası Industriya jäne jaña tehnologiyalar ministri Önerkäsip komitetiniñ törağası 37 jastağı Erlan Mwratov boldı.

Tağayındaular älide jalğasadı dep kütilude.

Abai.kz

0 pikir