Olargha "beybit jiyn ótkizu erejesin búzu" baby (Ákimshilik kodeksting 488-bap, 1-bólim) boyynsha aiyp taghylghan. Halyqova men Tamabaeva 26-27 qarashada Europa Odaghynyng Qazaqstandaghy ókildigi aldynda "rúqsat etilmegen" beybit aksiyagha qatysqany ýshin әkimshilik jazagha tartylghan. Al Músabaev "Facebook jelisinde 16 jeltoqsanda mitingige shaqyrugha ýndedi" dep aiyptalghan.
Sud.kz saytynda belsendiler isining sotqa jetkeni, sudiyanyng taghayyndalghany turaly derek bar. Biraq әzirge isting qalay qaralghany, naqty qanday sheshim shyqqany turaly qújat ilinbegen.
Astanalyq belsendi Saltanat Tólegenovanyng aituynsha, búghan deyin "Qazaqstannyng demokratiyalyq tandauy" qozghalysyna qatysy bar dep aiyptalyp, bir jylgha bas bostandyghy shektelgen belsendi Gýlmira Halyqova 9 jeltoqsanda probasiyalyq baqylau qyzmetine tirkelu ýshin barghan kezde azamattyq kiyim kiygen eki adam ony kólikke otyrghyzyp, alyp ketken. Tólegenovanyng sózine qaraghanda jol ortasynda kólikting benziyni bitip, janar-jaghar may stansiyasyna toqtaghan kezde Halyqova sondaghy júmysshylargha tuystarynyng telefonyn berip, ózi jayly aqparat berip ýlgergen. Halyqovanyng tuystary týngi 23.30 shamasynda Saryarqa audandyq polisiya bólimshesine barghan kezde sol jaqtan belsendini kórgen.
"Biraq polisiyadaghylar eshkimdi ishke kirgizbedi. Al Gýlmira Halyqova sol jerden "meni 26-27 kýngi mitingi ýshin 488-baptyng 1-shi bóligi boyynsha on tәulikke qamady dep aityp ýlgerdi" deydi Tólegenova.
Sud.kz saytyndaghy derekke sәikes, olardyng isin sudiya Bauyrjan Ahmetqaliyev qaraghan. Olardyng 10-15 tәulikke qamalghanyn qudalanghan belsendiler jayly aqparat taratatyn Facebook-taghy #IHaveAChoise #ActivistsNotExtremists toby da habarlady. Polisiya men sot әzirge jauap bermedi.
Qarashanyng 26-27 kýnderi Núr-Súltanda Europa Odaghynyng Qazaqstandaghy ókildigi aldynda ondaghan belsendi aksiya ótkizip, Qazaqstanda azamattardyng qúqyqtary men bostandyqtary óreskel búzylatynyn aityp, shaghymdanghan. Olar Europa Odaghyn Qazaqstandy adam qúqyghyn saqtaugha mindetteuge shaqyrghan.
Abai.kz
